ಸಾನೋದ ನಿಧಾನಗತಿಯ ಪಿಚ್ನಲ್ಲಿ ಜಪಾನ್ ಬೌಲರ್ಗಳು ಭಾರತೀಯ ಬ್ಯಾಟ್ಸ್ಮನ್ಗಳ ವಿರುದ್ಧ ಉತ್ತಮ ಪ್ರದರ್ಶನ ನೀಡುವ ಮೂಲಕ ಗಮನ ಸೆಳೆದರು. ಜಪಾನ್ ಬೌಲಿಂಗ್ ದಾಳಿಯ ಮುಂದೆ ಭಾರತವು ನಿಗದಿತ ಐದು ಓವರ್ಗಳಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡು ಕೇವಲ 32 ರನ್ಗಳನ್ನು ಮಾತ್ರ ಗಳಿಸಲು ಶಕ್ತವಾಯಿತು. ಭಾರತದ ಪರವಾಗಿ ಶ್ರೇಯಸ್ ಅಯ್ಯರ್ ಅತಿ ಹೆಚ್ಚು (16) ರನ್ ಗಳಿಸಿದರೆ, ಜಪಾನ್ ಪರವಾಗಿ ಚಾರ್ಲಿ ಹರಾ-ಹಿಂಜೆ ಎರಡು ವಿಕೆಟ್ ಹಾಗೂ ಇಬ್ರಾಹಿಂ ತಕಾಹಶಿ ಒಂದು ವಿಕೆಟ್ ಪಡೆದರು.
33 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಜಪಾನ್ ತಂಡವು ಆರಂಭದಲ್ಲಿ ಏಳು ರನ್ಗಳೊಳಗೆ ಎರಡು ವಿಕೆಟ್ ಕಳೆದುಕೊಂಡಿತು. ನಂತರ ಜೊತೆಗೂಡಿದ ಕೆಂಡಾಲ್ ಕಡೋವಾಕಿ-ಪ್ಲೆಮಿಂಗ್ ಮತ್ತು ಬೆಂಜಮಿನ್ ಇಟೊ-ಡೇವಿಸ್ ಇನ್ನಿಂಗ್ಸ್ ಮುನ್ನಡೆಸಿದರೂ, ವಾಷಿಂಗ್ಟನ್ ಸುಂದರ್ ಬೌಲಿಂಗ್ನಲ್ಲಿ ಆ ಜೊತೆಯಾಟ ಮುರಿಯಿತು. ಅಂತಿಮ ಓವರ್ನಲ್ಲಿ ಜಪಾನ್ ಜಯಗಳಿಸಲು ಎಂಟು ರನ್ಗಳ ಅವಶ್ಯಕತೆಯಿತ್ತು ಆದರೆ, ಅಕ್ಷರ್ ಪಟೇಲ್ ಅವರ ಅತ್ಯುತ್ತಮ ಬೌಲಿಂಗ್ ದಾಳಿಯಿಂದಾಗಿ ಜಪಾನ್ ಮೂರು ವಿಕೆಟ್ಗೆ 30 ರನ್ ಗಳಿಸಿ ಕೇವಲ ಎರಡು ರನ್ಗಳಿಂದ ಸೋಲುಂಡಿತು.
