ಉದಯ್​-ಸಚಿನ್​ ಶತಕದಾಟ; ಕಿರಿಯರ ವಿಶ್ವಕಪ್​ನಲ್ಲಿ ಅಜೇಯವಾಗಿ ಸೆಮಿಫೈನಲ್​ಗೇರಿದ ಭಾರತ

ಬ್ಲೋಮ್​ಫಾಂಟೇನ್​: ನಾಯಕ ಉದಯ್​ ಸಹಾರನ್​ (100 ರನ್​, 107 ಎಸೆತ, 9 ಬೌಂಡರಿ) ಮತ್ತು ಸಚಿನ್​ ದಾಸ್​ (116 ರನ್​, 101 ಎಸೆತ, 11 ಬೌಂಡರಿ, 3 ಸಿಕ್ಸರ್​) ಶತಕದಾಟದ ಬಲದಿಂದ ಭಾರತ ತಂಡ 19 ವಯೋಮಿತಿಯ ಏಕದಿನ ಕ್ರಿಕೆಟ್​ ವಿಶ್ವಕಪ್​ ಟೂರ್ನಿಯ ಸೂಪರ್​ಸಿಕ್ಸ್​ ಹಂತದ ತನ್ನ 2ನೇ ಹಾಗೂ ಅಂತಿಮ ಪಂದ್ಯದಲ್ಲಿ ನೇಪಾಳ ಎದುರು 132 ರನ್​ಗಳಿಂದ ಗೆಲುವು ಸಾಧಿಸಿದೆ. ಈ ಮೂಲಕ ಭಾರತ ಅಜೇಯವಾಗಿ ಸೆಮಿಫೈನಲ್​ಗೇರಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ದ ಭಾರತ, ಉದಯ್​-ಸಚಿನ್​ 4ನೇ ವಿಕೆಟ್​ಗೆ ನಡೆಸಿದ 215 ರನ್​ ಜತೆಯಾಟದ ಬಲದಿಂದ 5 ವಿಕೆಟ್​ಗೆ 297 ರನ್​ ಪೇರಿಸಿತು. ಪ್ರತಿಯಾಗಿ ನೇಪಾಳ, ಸೌಮಿ ಪಾಂಡೆ (29ಕ್ಕೆ 4) ದಾಳಿಗೆ ಕುಸಿದು 9 ವಿಕೆಟ್​ಗೆ 165 ರನ್​ ಗಳಿಸಲಷ್ಟೇ ಶಕ್ತವಾಯಿತು.

ಭಾರತ: 5 ವಿಕೆಟ್​ಗೆ 297 (ಆದರ್ಶ್​ 21, ಅರ್ಶಿನ್​ 18, ಉದಯ್​ ಸಹಾರನ್​ 100, ಸಚಿನ್​ ದಾಸ್​ 116, ಮುಶೀರ್​ 9*, ಗುಲ್ಶನ್​ ಜಾ 56ಕ್ಕೆ 3), ನೇಪಾಳ: 9 ವಿಕೆಟ್​ಗೆ 165 (ದೀಪಕ್​ ಬೊಹರ 22, ಅರ್ಜುನ್​ 26, ದೇವ್​ ಖನಲ್​ 33, ದುರ್ಗೇಶ್​ 29*, ಸೌಮಿ ಪಾಂಡೆ 29ಕ್ಕೆ 4, ಅರ್ಶಿನ್​ 18ಕ್ಕೆ 2).

ದ. ಆಫ್ರಿಕಾ ಸೆಮೀಸ್​ ಎದುರಾಳಿ?

ಭಾರತ ಜಯದೊಂದಿಗೆ ಸೂಪರ್​ಸಿಕ್ಸ್​ ಗ್ರೂಪ್​-1ರ ಅಗ್ರಸ್ಥಾನ ಕಾಯ್ದುಕೊಂಡಿದೆ. ಪಾಕ್​ ತನ್ನ ಕೊನೇ ಪಂದ್ಯದಲ್ಲಿ ಶನಿವಾರ ಬಾಂಗ್ಲಾವನ್ನು ಎದುರಿಸಲಿದೆ. ಆದರೆ ಪಾಕ್​ (1.064) ಗೆದ್ದು ಅಂಕಗಳ ಸಮಬಲ ಸಾಧಿಸಿದರೂ ರನ್​ರೇಟ್​ನಲ್ಲಿ ಭಾರತವನ್ನು (3.980) ಹಿಂದಿಕ್ಕುವುದು ಕಠಿಣವೆನಿಸಿದೆ. ಹೀಗಾಗಿ ಭಾರತಕ್ಕೆ ಸೆಮೀಸ್​ನಲ್ಲಿ ಸೂಪರ್​ಸಿಕ್ಸ್​ ಗ್ರೂಪ್​-2ರ 2ನೇ ಸ್ಥಾನಿ ಆತಿಥೇಯ ದಕ್ಷಿಣ ಆಫ್ರಿಕಾ ಎದುರಾಳಿಯಾಗುವ ನಿರೀಕ್ಷೆ ಇದೆ. ಆಸ್ಟ್ರೆಲಿಯಾ ಗ್ರೂಪ್​-2ರಲ್ಲಿ ಅಗ್ರಸ್ಥಾನ ಪಡೆದಿದೆ.

https://www.vijayavani.net/tanmay-agarwal-rewrites-history-books-slams-fastest-300-run-knock-in-first-class-cricket