ಇದಕ್ಕೆ ಮುನ್ನ ನಡೆದ ಕ್ವಾರ್ಟರ್ಫೈನಲ್ನಲ್ಲಿ ರುತುಜಾ ಪಿಸಲ್ (9, 22, 26, 28ನೇ ನಿಮಿಷ) ಸಿಡಿಸಿದ 4 ಗೋಲುಗಳು ಮತ್ತು ದೀಪಿಕಾ (2, 25, 29ನೇ ನಿಮಿಷ) ಹ್ಯಾಟ್ರಿಕ್ ಗೋಲಿನಿಂದ ಭಾರತ ತಂಡ ನ್ಯೂಜಿಲೆಂಡ್ ಎದುರು 11-1ರಿಂದ ಜಯ ಸಾಧಿಸಿತ್ತು. ನ್ಯೂಜಿಲೆಂಡ್ ತಂಡ ಪಂದ್ಯದ 2ನೇ ನಿಮಿಷದಲ್ಲೇ ಗೋಲು ಬಾರಿಸಿ ಆರಂಭಿಕ ಮುನ್ನಡೆ ಸಾಧಿಸಿತು. ಭಾರತ 15 ಸೆಕೆಂಡ್ ಅಂತರದಲ್ಲೇ ಸಮಬಲದ ಗೋಲು ಬಾರಿಸಿತು. 9ನೇ ನಿಮಿಷದಲ್ಲಿ ಮೊದಲ ಬಾರಿ ಮುನ್ನಡೆ ಸಾಧಿಸಿದ ಭಾರತ, ನಂತರದಲ್ಲಿ ಸಿಡಿಸಿದ ಗೋಲುಗಳ ಅಬ್ಬರಕ್ಕೆ ನ್ಯೂಜಿಲೆಂಡ್ ತಂಡ ಸಂಪೂರ್ಣ ಮಂಕಾಯಿತು. ಭಾರತ ಪರ ಮುಮ್ತಾಜ್ (10, 11) ಮತ್ತು ಮರಿಯಾನಾ (13, 14) ತಲಾ 2 ಗೋಲು ಬಾರಿಸಿದರು.
