ಹೈದರಾಬಾದ್: ಪ್ರವಾಸಿ ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ನ ಮೊದಲ ದಿನ ಭಾರತದ ಸ್ಪಿನ್ನರ್ಗಳಾದ ಆರ್. ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ತಲಾ 3 ವಿಕೆಟ್ ಕಬಳಿಸಿ ಮಿಂಚಿದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಭಾರತ ಕಂಡ ಅತ್ಯಂತ ಯಶಸ್ವಿ ಬೌಲಿಂಗ್ ಜೋಡಿ ಎನಿಸಿದ್ದಾರೆ.
ಅನಿಲ್ ಕುಂಬ್ಳೆ-ಹರ್ಭಜನ್ ಸಿಂಗ್ ಜೋಡಿಯ ಸಾಧನೆಯನ್ನು ಅವರು ಹಿಂದಿಕ್ಕಿದರು. ಜತೆಗೆ ಟೆಸ್ಟ್ ಕ್ರಿಕೆಟ್ನಲ್ಲಿ 500ಕ್ಕೂ ಅಧಿಕ ವಿಕೆಟ್ ಕಬಳಿಸಿದ ವಿಶ್ವದ 15ನೇ ಮತ್ತು ಭಾರತದ 2ನೇ ಜೋಡಿ ಎನಿಸಿದ್ದಾರೆ. ಅನಿಲ್ ಕುಂಬ್ಳೆ-ಹರ್ಭಜನ್ ಸಿಂಗ್ ಜೋಡಿ 54 ಟೆಸ್ಟ್ಗಳಲ್ಲಿ 501 ವಿಕೆಟ್ ಕಬಳಿಸಿದ್ದು ಹಿಂದಿನ ದಾಖಲೆಯಾಗಿದ್ದರೆ, ಅಶ್ವಿನ್-ಜಡೇಜಾ ಈಗ 50 ಟೆಸ್ಟ್ಗಳಲ್ಲೇ ಇದನ್ನು ಮೀರಿಸಿದ್ದಾರೆ.
ಹರ್ಭಜನ್-ಜಹೀರ್ ಖಾನ್ ಜೋಡಿ 59 ಟೆಸ್ಟ್ಗಳಲ್ಲಿ 474 ವಿಕೆಟ್ ಗಳಿಸಿದ್ದು ನಂತರದ ಅತ್ಯುತ್ತಮ ಭಾರತೀಯ ದಾಖಲೆಯಾಗಿದೆ. ಇಂಗ್ಲೆಂಡ್ನ ಜೇಮ್ಸ್ ಆಂಡರ್ಸನ್&ಸ್ಟುವರ್ಟ್ ಬ್ರಾಡ್ ಜೋಡಿ 138 ಟೆಸ್ಟ್ಗಳಲ್ಲಿ 1,039 ವಿಕೆಟ್ ಕಬಳಿಸಿದ್ದು ವಿಶ್ವದಾಖಲೆಯಾಗಿದೆ.
ಭಾರತದ ನೆಲದಲ್ಲೂ ಯಶಸ್ಸು ಕಾಣುತ್ತ ಆಂಗ್ಲರ ಬಜ್ಬಾಲ್? ಏನಿದು ಬಜ್ಬಾಲ್ ತಂತ್ರಗಾರಿಕೆ?