ಬ್ರಿಟನ್ ಮೂಲದ ನಾರ್ಮನ್ ಪ್ರಿಚರ್ಡ್ 1900ರ ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ 2 ಬೆಳ್ಳಿ ಪದಕಗಳನ್ನು (200 ಮೀ. ಹರ್ಡಲ್ಸ್, 200 ಮೀ) ಗೆದ್ದುಕೊಂಡಿದ್ದರು. ಆದರೆ ಈ ಪದಕಗಳು ಭಾರತದ ಹೆಸರಿಗೆ ಸೇರಿದ್ದರೂ, ಇದು ಭಾರತೀಯರ ಸಾಧನೆ ಎಂದು ಪರಿಗಣಿಸಲ್ಪಡುವುದಿಲ್ಲ. ಹೀಗಾಗಿ ಭಾರತದ ಯಾವ ಕ್ರೀಡಾಪಟುವೂ ಇದುವರೆಗೆ ಒಂದೇ ಆವೃತ್ತಿಯಲ್ಲಿ ಅವಳಿ ಪದಕ ಗೆದ್ದಿಲ್ಲ ಎನ್ನಬಹುದು. ಈ ಬಾರಿ ಅಂಥ ಸಾಧನೆ ಮಾಡುವ ಅವಕಾಶ ಕೆಲ ಕ್ರೀಡಾಪಟುಗಳ ಮುಂದೆ ಇದೆ. ಶೂಟಿಂಗ್ನಲ್ಲಿ ಮನು ಭಾಕರ್ 2 ವೈಯಕ್ತಿಕ ಮತ್ತು 1 ಮಿಶ್ರ ವಿಭಾಗದಲ್ಲಿ ಸ್ಪರ್ಧಿಸಲಿದ್ದು, ಗರಿಷ್ಠ 2 ಪದಕ ಗೆಲ್ಲುವ ಅವಕಾಶ ಹೊಂದಿದ್ದಾರೆ. ಆರ್ಚರಿ ಪಟುಗಳೂ ವೈಯಕ್ತಿಕ, ತಂಡ, ಮಿಶ್ರ ವಿಭಾಗದಲ್ಲಿ ಸ್ಪರ್ಧಿಸಿ 3 ಪದಕ ಗೆಲ್ಲುವ ಅವಕಾಶ ಹೊಂದಿದ್ದಾರೆ. ಇತರ ಕೆಲ ಶೂಟರ್ಗಳಾದ ರಿದಂ ಸಂಗ್ವಾನ್, ಸರಬ್ಜೋತ್ ಸಿಂಗ್, ಅರ್ಜುನ್ ಸಿಂಗ್, ಸಂದೀಪ್ ಸಿಂಗ್, ಇಲವೆನಿಲ್, ರಮಿತಾ, ಅನಂತ್ಜೀತ್, ಮಹೇಶ್ವರಿ ವೈಯಕ್ತಿಕ ಸ್ಪರ್ಧೆ ಜತೆಗೆ ಮಿಶ್ರ ವಿಭಾಗದಲ್ಲೂ ಪದಕಕ್ಕೆ ಸ್ಪರ್ಧಿಸಲಿದ್ದಾರೆ. ಅಥ್ಲೆಟಿಕ್ಸ್ನಲ್ಲಿ ಪಾರುಲ್ ಚೌಧರಿ (5 ಸಾವಿರ ಮೀ, 3 ಸಾವಿರ ಮೀ) ಮತ್ತು ಪ್ರಿಯಾಂಕಾ ಗೋಸ್ವಾಮಿ (20 ಕಿಮೀ. ನಡಿಗೆ, ಮ್ಯಾರಥಾನ್ ಮಿಶ್ರ ನಡಿಗೆ) 2 ವಿಭಾಗಗಳಲ್ಲಿ ಸ್ಪರ್ಧಿಸಲಿದ್ದಾರೆ. ಟೇಬಲ್ ಟೆನಿಸ್ನಲ್ಲಿ ಶರತ್ ಕಮಲ್, ಹಮೀರ್ತ್ ದೇಸಾಯಿ, ಮನಿಕಾ ಮತ್ತು ಶ್ರೀಜಾಗೆ ಸಿಂಗಲ್ಸ್ ಮತ್ತು ತಂಡ ವಿಭಾಗದಲ್ಲಿ ಪದಕ ಗೆಲ್ಲುವ ಅವಕಾಶವಿದೆ.
