ಈ ಪಂದ್ಯದಲ್ಲಿ ಭಾರತ ಮೊದಲು ಬ್ಯಾಟ್ ಮಾಡಿತು. ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ಗಳ ನಷ್ಟಕ್ಕೆ 202 ರನ್ ಗಳಿಸಿತು. ಅಭಿಷೇಕ್ ಶರ್ಮಾ (61 ರನ್, 31 ಎಸೆತ), ತಿಲಕ್ ವರ್ಮಾ (ಅಜೇಯ 49, 34 ಎಸೆತ) ಮತ್ತು ಸಂಜು ಸ್ಯಾಮ್ಸನ್ (39 ರನ್, 23 ಎಸೆತ) ಟೀಮ್ ಇಂಡಿಯಾ ಪರ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಭಾರತ ನೀಡಿದ ಈ ಗುರಿಯನ್ನು ಬೆನ್ನತ್ತಿದ ಶ್ರೀಲಂಕಾ, 9 ಓವರ್ಗಳ ಕೊನೆಯಲ್ಲಿ, ಬ್ಯಾಕ್ ಟು ಬ್ಯಾಕ್ ವಿಕೆಟ್ಗಳನ್ನು ಕಳೆದುಕೊಂಡಿತು. ಇದೇ ಸಮಯದಲ್ಲಿ 103 ರನ್ಗಳ ಗುರಿಯನ್ನು ತಲುಪುವ ಭರದಲ್ಲಿ ಬ್ಯಾಟಿಂಗ್ ಮಾಡುತ್ತಿದ್ದ ಪಾತುಮ್ ನಿಸ್ಸಂಕಾ, ಅದಾಗಲೇ ಅರ್ಧಶತಕ ಗಳಿಸಿ, ಉತ್ತಮ ಇನ್ನಿಂಗ್ಸ್ನತ್ತ ಸಾಗಿದ್ದರು. ವರುಣ್ ಚಕ್ರವರ್ತಿ ಅವರ 10ನೇ ಓವರ್ನಲ್ಲಿ ನಿಸ್ಸಂಕಾ ಬಾರಿಸಿದ ಸಿಕ್ಸರ್ ಅನ್ನು ಅಂಪೈರ್ ಡೆಡ್ಬಾಲ್ ಎಂದು ಘೋಷಿಸಿದರು.
