ಇದೇ ಕಾರಣಕ್ಕೆ ಸರಣಿ ಸೋಲು ನೋಡಿದ್ದು! ಏಷ್ಯಾಕಪ್​ ಫೈನಲ್​ ಪಂದ್ಯಕ್ಕೂ ಮುನ್ನ ಪಾಕ್​ ಕ್ಯಾಪ್ಟನ್​ ಹೇಳಿದ್ದಿಷ್ಟು | IND vs PAK

IND vs PAK Final: ಇಂದು ದುಬೈನಲ್ಲಿ ನಡೆಯಲಿರುವ ಭಾರತ ಮತ್ತು ಪಾಕಿಸ್ತಾನ ನಡುವಿನ ಏಷ್ಯಾಕಪ್​ ಟಿ20 ಟೂರ್ನಿಯ ಫೈನಲ್ ಪಂದ್ಯಕ್ಕೆ ಕ್ಷಣಗಣನೆ ಆರಂಭಗೊಂಡಿದೆ. ಯಾರು ಮುಡಿಗೆ 2025ರ ಟ್ರೋಫಿ ಹೋಗಲಿದೆ ಎಂಬ ಕುತೂಹಲ ಕ್ರಿಕೆಟ್​ ಪ್ರಿಯರಲ್ಲಿ ಮೂಡಿದೆ. ಮತ್ತೊಂದೆಡೆ, ಮೂರನೇ ಬಾರಿಗೆ ಪಾಕ್​ ತಂಡವನ್ನು ಬಗ್ಗುಬಡಿಯಲು ಟೀಮ್ ಇಂಡಿಯಾ ತುದಿಗಾಲಿನಲ್ಲಿ ನಿಂತಿದೆ. ಫೈನಲ್​ ಪೈಪೋಟಿಗೂ ಮೊದಲು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿರುವ ಪಾಕ್ ಕ್ಯಾಪ್ಟನ್​ ಸಲ್ಮಾನ್ ಅಲಿ ಅಘಾ, ಈ ಹಿಂದೆ ಮಾಡಿದ ತಪ್ಪನ್ನು ಮತ್ತೆ ಮಾಡುವುದಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: “ಅವರಿಗೋಸ್ಕರ ಬೇಕಾದ್ರೆ ಒಂದು ರಾತ್ರಿ…” ಬೋಲ್ಡ್​ ಹೇಳಿಕೆ ಕೊಟ್ಟ ಹಾಟ್​ ಬ್ಯೂಟಿ ಅಮೀಶಾ ಪಟೇಲ್​! | Ameesha Patel

"ಭಾರತ ಮತ್ತು ಪಾಕ್​ ತಂಡಗಳು ಪಂದ್ಯವನ್ನಾಡುತ್ತಿದೆ ಎಂದರೆ ಖಂಡಿತವಾಗಿಯೂ ಆಟಗಾರರ ಮೇಲೆ ಒತ್ತಡವಿರುತ್ತದೆ. ಈ ವಿಚಾರದಲ್ಲಿ ಇಲ್ಲ ಎಂದು ಹೇಳುವುದು ತಪ್ಪಾಗುತ್ತೆ. ಏಷ್ಯಾಕಪ್​ ಟೂರ್ನಿಯಲ್ಲಿ ನಾವು ಈಗಾಗಲೇ ಎರಡು ಬಾರಿ ಟೀಮ್ ಇಂಡಿಯಾ ವಿರುದ್ಧ ಆಡಿದ್ದೇವೆ. ಆದಾಗ್ಯೂ, ಈ ಪಂದ್ಯಗಳಲ್ಲಿ ನಾವು ಸಾಕಷ್ಟು ತಪ್ಪುಗಳನ್ನು ಮಾಡಿದ್ದೇವೆ. ಅದಕ್ಕಾಗಿಯೇ ಸೋಲನ್ನು ಕಂಡಿದ್ದೇವೆ. ಆದರೆ, ಈ ಬಾರಿ ಆ ತಪ್ಪು ಆಗಲು ಬಿಡುವುದಿಲ್ಲ. ಅದನ್ನೆಲ್ಲ ಸರಿಪಡಿಸಿಕೊಂಡು ಗೆಲ್ಲುವತ್ತ ಸಾಗುತ್ತೇವೆ. ಕ್ರಿಕೆಟ್‌ನಲ್ಲಿ, ಕಡಿಮೆ ಮಿಸ್ಟೇಕ್​ ಮಾಡುವ ತಂಡಗಳು ಮಾತ್ರ ಗೆಲುವು ನೋಡಲು ಸಾಧ್ಯ" ಎಂದು ಸಲ್ಮಾನ್ ಹೇಳಿದ್ದಾರೆ.

"ಈ ಟೂರ್ನಿಯಲ್ಲಿ ನಾವು ಅಂತಹ ಮೆಚ್ಚಿಕೊಳ್ಳುವ ಬ್ಯಾಟಿಂಗ್ ಮಾಡಿಲ್ಲ ಎಂಬ ಅರಿವು ನಮಗಿದೆ. ಆದ್ದರಿಂದ, ನಾವು ಫೈನಲ್‌ನಲ್ಲಿ ಉತ್ತಮ ಪ್ರದರ್ಶನ ತೋರುವತ್ತ ಎದುರುನೋಡುತ್ತಿದ್ದೇವೆ. ಪಂದ್ಯದಲ್ಲಿ ಟಾಸ್​ ಮುಖ್ಯವಾಗಲ್ಲ. ಇಲ್ಲಿಯವರೆಗೆ ಯಾವುದೇ ಪಂದ್ಯದಲ್ಲೂ ಟಾಸ್ ಅಷ್ಟು ಮುಖ್ಯವಾಗಿಲ್ಲ. ಕಾರಣ, ಅದು ನಮ್ಮ, ನಿಮ್ಮ ಕೈಯಲ್ಲಿಲ್ಲ. ಒಂದು ಪಂದ್ಯವನ್ನು ಪ್ರಾರಂಭಿಸಲು ಟಾಸ್ ಒಂದು ಮಾರ್ಗ ಅಷ್ಟೇ ಎಂದು ನಾನು ಭಾವಿಸುವೆ" ಎಂದಿದ್ದಾರೆ,(ಏಜೆನ್ಸೀಸ್).