ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಕಳಪೆ ನಿರ್ಧಾರಗಳೇ ಟೀಮ್ ಇಂಡಿಯಾ ಅದ್ಭುತ ಬ್ಯಾಟ್ ಮಾಡಲು ಕಾರಣವಾಯಿತು ಎಂದು ಟೀಕೆಗಳ ಸರಿಮಳೆಯನ್ನೇ ಹರಿಸಿರುವ ಇಂಗ್ಲೆಂಡ್ ದಿಗ್ಗಜ ಹಾಗೂ ಮಾಜಿ ಕ್ರಿಕೆಟಿಗರು, ಸ್ಟೋಕ್ಸ್ ವಿರುದ್ಧ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ. ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಬೆನ್ ಸ್ಟೋಕ್ಸ್ ಅವರ ನಿರ್ಧಾರ ಸರಿಯಿರಲಿಲ್ಲ ಎಂದು ಇಂಗ್ಲೆಂಡ್ನ ಮಾಜಿ ಕ್ಯಾಪ್ಟನ್ ಮೈಕೆಲ್ ಅಥರ್ಟನ್ ಟೀಕಿಸಿದ್ದಾರೆ. "ಕಳೆದ ಆರು ಪಂದ್ಯಗಳಲ್ಲಿ ಮೊದಲು ಬೌಲಿಂಗ್ ಮಾಡಿದ ತಂಡ ಗೆದ್ದಿದೆ ಎಂದು ಅಂಕಿಅಂಶಗಳು ತೋರಿಸುತ್ತವೆ. ಆದಾಗ್ಯೂ, ಸ್ವಲ್ಪ ಸಾಮಾನ್ಯ ಜ್ಞಾನ ಉಳ್ಳವರು ತಮ್ಮ ಮಿದುಳನ್ನು ಬಳಸಿಕೊಳ್ಳಬೇಕಿತ್ತು. ಆದ್ರೆ, ಇಲ್ಲಿ ಅವರು ಅದನ್ನು ಮಾಡಿಲ್ಲ" ಎಂದಿದ್ದಾರೆ.
