ಪ್ರಧಾನಿ ಹೋಗಿ ಬಿರಿಯಾನಿ ಸವಿದಂತೆ ನಮ್ಮವರು ಯಾಕೆ ಪಾಕ್​ ನೆಲದಲ್ಲಿ ಕ್ರಿಕೆಟ್​ ಆಡಬಾರದು; Champions Trophy ಕುರಿತಂತೆ ತೇಜಸ್ವಿ ಯಾದವ್​ ಹೇಳಿಕೆ ವೈರಲ್​

ಪಟ್ನಾ: 2025ರ ಫೆಬ್ರವರಿ-ಮಾರ್ಚ್ ತಿಂಗಳಲ್ಲಿ ನಡೆಯಲಿರುವ ಚಾಂಪಿಯನ್ಸ್​ ಟ್ರೋಫಿ (Champions Trophy) ಈಗಾಗಲೇ ನಾನಾ ಕಾರಣಗಳಿಂದ ಸದ್ದು ಮಾಡುತ್ತಿದ್ದು, ಭಾರತ ಹಾಗೂ ಪಾಕಿಸ್ತಾನ ನಡುವಿನ ಕಿತ್ತಾಟದಿಂದಲೇ ಹೆಚ್ಚು ಸದ್ದು ಮಾಡುತ್ತಿದೆ. ಇದೀಗ ಚಾಂಪಿಯನ್ಸ್​ ಟ್ರೋಫಿಗೆ ಸಂಬಂಧಿಸಿದಂತೆ ಆರ್​ಜೆಡಿ ಪಕ್ಷದ ನಾಯಕ ತೇಜಸ್ವಿ ಯಾದವ್​ (Tejashwi Yadav) ಮಾತನಾಡಿದ್ದು, ಭಾರತ ಪಾಕಿಸ್ತಾನದ ನೆಲದಲ್ಲಿ ಆಡಬೇಕೆಂದು ಹೇಳಿದ್ದಾರೆ.

ಈ ಬಗ್ಗೆ ಮಾತನಾಡಿದ ತೇಜಸ್ವಿ ಯಾದವ್ (Tejashwi Yadav)​, 2025ರಲ್ಲಿ ನಡೆಯಲಿರುವ ಚಾಂಪಿಯನ್ಸ್​ ಟ್ರೋಫಿ (Champions Trophy) ಆಡಲು ಭಾರತ ಪಾಕಿಸ್ತಾನಕ್ಕೆ ಹೋಗಬೇಕು. ಕ್ರೀಡೆಯಲ್ಲಿ ರಾಜಕೀಯವನ್ನು ಬೆರೆಸುವುದು ಒಳ್ಳೆಯ ಬೆಳವಣಿಗೆಯಲ್ಲ. ಎಲ್ಲರೂ ಒಲಿಂಪಿಕ್ಸ್​ನಲ್ಲಿ ಭಾಗವಹಿಸುವುದಿಲ್ಲವೇ. ಅದೇ ರೀತಿ ನಮ್ಮವರು ಕೂಡ ಅಲ್ಲಿಗೆ ಹೋಗಿ ಚಾಂಪಿಯನ್ಸ್​ ಟ್ರೋಫಿ ಆಡಬೇಕು. ಈ ಎಲ್ಲಾ ಗೊಂದಲಗಳಿಂದಾಗಿ ಇನ್ನೂ ಚಾಂಪಿಯನ್ಸ್ ಟ್ರೋಫಿ ವೇಳಾಪಟ್ಟಿ ಪ್ರಕಟವಾಗಿಲ್ಲ.

ಭಾರತ ತಂಡ ಯಾಕೆ ಪಾಕಿಸ್ತಾನಕ್ಕೆ ಹೋಗಬಾರದು? ಅದಕ್ಕೆ ಸಮಸ್ಯೆಯೇನು? ಒಂದು ವೇಳೆ ಪ್ರಧಾನ ಮಂತ್ರಿ ಪಾಕಿಸ್ತಾನಕ್ಕೆ ಹೋಗಿ ಬಿರಿಯಾನಿ ಸವಿದು ಬರಬಹುದು ಎಂದರೆ ಟೀಮ್​ ಇಂಡಿಯಾ ಕ್ರಿಕೆಟ್ ಆಡುವುದಕ್ಕೆ ಆ ದೇಶಕ್ಕೆ ಹೋಗಿ ಬರಲು ಸಮಸ್ಯೆಯೇನು? ನಾನು ನನ್ನ ಹೇಳಿಕೆಗೆ ಬದ್ದನಾಗಿರುತ್ತೇನೆ. ಭಾರತ ಪಾಕಿಸ್ತಾನದ ನೆಲದಲ್ಲಿ ಚಾಂಪಿಯನ್ಸ್​ ಟ್ರೋಫಿ ಆಡಬೇಕೆಂದು ಎಂದು ತೇಜಸ್ವಿ ಯಾದವ್ (Tejashvi Yadav) ಹೇಳಿದ್ದಾರೆ.

ಭಾರತ (India) ಹಾಗೂ ಪಾಕಿಸ್ತಾನ (Pakistan) ನಡುವಿನ ರಾಜತಾಂತ್ರಿಕ ಬಿಕ್ಕಟ್ಟಿನಿಂದಾಗಿ ಉಭಯ ದೇಶಗಳು ದ್ವಿಪಕ್ಷೀಯ ಸರಣಿಯನ್ನು ಆಡಿಲ್ಲ. 2008ರಲ್ಲಿ ಭಾರತ ಕಡೆಯದಾಗಿ ಪಾಕ್​ ನೆಲದಲ್ಲಿ ಏಷ್ಯಾಕಪ್​ ಆಡಿತ್ತು. ಆ ಬಳಿಕ ಉಭಯ ದೇಶಗಳು ಐಸಿಸಿ (ICC) ಹಾಗೂ ಏಷ್ಯನ್​ ಕ್ರಿಕೆಟ್ ಕೌನ್ಸಿಲ್​ (ACC) ನಡೆಸುವ ಟೂರ್ನಿಗಳಲ್ಲಿ ಮುಖಾಮುಖಿಯಾಗುತ್ತಿವೆ.

https://www.vijayavani.net/on-camera-cricketer-dies-of-heart-attack-in-stadium-while-playing

https://www.vijayavani.net/former-pakistan-captain-reveals-agreement-between-icc-bcci-and-pcb-for-hybrid-model-in-champions-trophy-2025