ಟೀಮ್ ಇಂಡಿಯಾವನ್ನು ಹೇಗಾದರೂ ಮಾಡಿ ತಮ್ಮ ನೆಲಕ್ಕೆ ಕರೆಸಿಕೊಳ್ಳಬೇಕು ಎಂದು ಪಣ ತೊಟ್ಟಿರುವ ಪಾಕಿಸ್ತಾನ, ಒಂದಲ್ಲ ಒಂದು ಅಸ್ತ್ರವನ್ನು ಪ್ರಯೋಗಿಸುತ್ತಲೇ ಇದೆ. ಆದರೆ, ಸದ್ಯದ ಮಟ್ಟಿಗೆ ಇದ್ಯಾವುದನ್ನು ಭಾರತೀಯ ಕ್ರಿಕೆಟ್ ಮಂಡಳಿ ಒಪ್ಪಿಲ್ಲ. ಬಿಸಿಸಿಐ ನೀಡಿರುವ ಹೈಬ್ರಿಡ್ ಮಾಡೆಲ್ನ ತಿರಸ್ಕರಿಸಿರುವ ಪಿಸಿಬಿ, ಒಂದೆರೆಡು ಪಂದ್ಯಗಳನ್ನಾದರೂ ಪಾಕ್ನಲ್ಲಿ ಭಾರತ ಆಡಬೇಕು ಎಂದು ಐಸಿಸಿಗೆ ಮನವಿ ಮಾಡಿದೆ. ಆದರೆ, ಇದಕ್ಕೆ ಐಸಿಸಿ ಮಾನ್ಯತೆ ನೀಡಿಲ್ಲ. ಈ ಬೆನ್ನಲ್ಲೇ ಹೊಸ ಪ್ರಯೋಗ ಮಾಡಿರುವ ಪಿಸಿಬಿ, ಚಾಂಪಿಯನ್ಸ್ ಟ್ರೋಫಿ 2025ರ ಪ್ರವಾಸವನ್ನು ಪಾಕಿಸ್ತಾನ ಆಕ್ರಮಿತ ಕಾಶೀರದಲ್ಲಿ(ಪಿಒಕೆ) ಆಯೋಜಿಸಲು ಬಯಸಿದೆ. ಸದ್ಯ ಇದು ದೊಡ್ಡ ವಿವಾದಕ್ಕೆ ಕಾರಣವಾಗಬಹುದು ಎಂದು ಐಸಿಸಿ ತಿಳಿಸಿದೆ.
