ಕಳೆದ ವರ್ಷ ಭಾರತ ವಿರುದ್ಧದ ಟೆಸ್ಟ್ ಸರಣಿಯ ವೇಳೆ ಆಸೀಸ್ ವಿಕೆಟ್ ಕೀಪರ್ ಅಲೆಕ್ಸ್ ಕ್ಯಾರಿ, ತಮ್ಮ ತಂಡದ ಡಿಆರ್ಎಸ್ ಆಯ್ಕೆಗಳು ಮುಗಿದ ಬಳಿಕ ಸ್ಟಂಪಿಂಗ್ ಮಾಡುವ ಮೂಲಕ ಕಾಟ್&ಬಿಹೈಂಡ್ ಪರಿಶೀಲನೆಯನ್ನೂ ಬಳಸಿಕೊಂಡಿದ್ದರು. ಮುಂದಿನ ದಿನಗಳಲ್ಲಿ ಫೀಲ್ಡಿಂಗ್ ತಂಡ ಡಿಆರ್ಎಸ್ ಆಯ್ಕೆ ಮುಗಿದ ಬಳಿಕ ಅಥವಾ ಡಿಆರ್ಎಸ್ ಆಯ್ಕೆ ಉಳಿಸಿಕೊಳ್ಳುವ ಸಲುವಾಗಿ ಕಾಟ್&ಬಿಹೈಂಡ್ ತೀರ್ಪಿಗೆ ಸ್ಟಂಪಿಂಗ್ ಮೂಲಕ ಮತ್ತೊಂದು ಮಾರ್ಗದಲ್ಲಿ ಮೊರೆ ಹೋಗುವುದನ್ನು ತಪ್ಪಿಸಬಹುದಾಗಿದೆ. ಇನ್ನು ಮುಂದೆ ಚೆಂಡು ಬ್ಯಾಟ್ಗೆ ಸ್ಪರ್ಶಿಸಿದೆಯೇ ಎಂಬ "ಸ್ನಿಕ್' ಪರಿಶೀಲಿಸದೆ ಸೈಡ್ ಕ್ಯಾಮರಾ ಚಿತ್ರಣದ ಮೂಲಕ ಸ್ಟಂಪಿಂಗ್ ಬಗ್ಗೆ ಮಾತ್ರ ತೀರ್ಪು ನೀಡಲಾಗುವುದು. ಇದಲ್ಲದೆ ಆಟಗಾರರ ತಲೆಗೆ ಏಟು ಬಿದ್ದು ಕನ್ಕಷನ್ ರೂಲ್ಸ್ ಮೂಲಕ ಬೇರೆ ಆಟಗಾರರನ್ನು ಸೇರಿಸಿಕೊಳ್ಳುವ ನಿಯಮವನ್ನೂ ತಿದ್ದುಪಡಿ ಮಾಡಲಾಗಿದೆ.
