ICC Champions Trophy: ಇಂದು ಬಾಂಗ್ಲಾದೇಶ ಸವಾಲು; ಶುಭಾರಂಭದ ತವಕದಲ್ಲಿ ಟೀಮ್​ ಇಂಡಿಯಾ

ದುಬೈ: ಎಂಟು ವರ್ಷಗಳ ಬಳಿಕ ಪುನರಾರಂಭ ಕಂಡಿರುವ ಐಸಿಸಿ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಅಭಿಯಾನ ಆರಂಭಿಸಲು ಟೀಮ್​ ಇಂಡಿಯಾ ಸಿದ್ಧವಾಗಿದೆ. ಎರಡು ಬಾರಿಯ ಚಾಂಪಿಯನ್​ ಭಾರತ ತಂಡ ದುಬೈ ಸ್ಟೇಡಿಯಂನಲ್ಲಿ ಗುರುವಾರ ನಡೆಯಲಿರುವ ಟೂರ್ನಿಯ ತನ್ನ ಮೊದಲ ಪಂದ್ಯದಲ್ಲಿ ಬಾಂಗ್ಲಾದೇಶ ತಂಡವನ್ನು ಎದುರಿಸಲಿದ್ದು, ಶುಭಾರಂಭ ಕಾಣುವ ತವಕದಲ್ಲಿದೆ.

2023ರಲ್ಲಿ ತವರಿನಲ್ಲಿ ನಡೆದ ಏಕದಿನ ವಿಶ್ವಕಪ್​ನಲ್ಲಿ ಸತತ 10 ಪಂದ್ಯ ಜಯದೊಂದಿಗೆ ಪ್ರಾಬಲ್ಯ ಸಾಧಿಸಿ ನಂತರ ಫೈನಲ್​ನಲ್ಲಿ ಎಡವಿದ್ದ ಭಾರತ ತಂಡ ಕಳೆದ ವರ್ಷ ಟಿ20 ವಿಶ್ವಕಪ್​ ಜಯಿಸುವ ಮೂಲಕ ದಶಕದ ಐಸಿಸಿ ಟ್ರೋಫಿ ಬರ ನೀಗಿಸಿಕೊಂಡಿತ್ತು. ಇದೀಗ 12 ವರ್ಷಗಳ ನಂತರ ಚಾಂಪಿಯನ್ಸ್​ ಟ್ರೋಫಿ ಜಯಿಸುವ ಕನಸಿನೊಂದಿಗೆ ಭಾರತ ತಂಡ ಕಣಕ್ಕಿಳಿಯಲಿದೆ.

ಭಾರತ ತಂಡ ಟೂರ್ನಿಯ ಫೇವರಿಟ್​ ತಂಡಗಳಲ್ಲಿ ಒಂದಾಗಿದ್ದರೂ ತನ್ನದೇ ಕೆಲ ಆಂತರಿಕ ಸಮಸ್ಯೆಗಳಿಂದಾಗಿ ಸವಾಲಿನ ಹಾದಿ ಎದುರಿಸುತ್ತಿದೆ. ಸ್ಟಾರ್​ ವೇಗಿ ಜಸ್​ಪ್ರೀತ್​ ಬುಮ್ರಾ ಗೈರು ಭಾರತಕ್ಕೆ ಬಲುದೊಡ್ಡ ಹಿನ್ನಡೆ ಎನಿಸಿದೆ. ಸ್ಟಾರ್​ ಬ್ಯಾಟರ್​ಗಳಾದ ರೋಹಿತ್​ ಶರ್ಮ, ವಿರಾಟ್​ ಕೊಹ್ಲಿ ಕಳೆದ ಕೆಲ ಸಮಯದಿಂದ ರನ್​ಬರ ಎದುರಿಸಿದ್ದಾರೆ. ಶುಭಮಾನ್​ ಗಿಲ್​ ದ್ವಿಪಯ ಸರಣಿಗಳ ಯಶಸ್ಸನ್ನು ಐಸಿಸಿ ಟೂರ್ನಿಯಲ್ಲೂ ಪುನರಾವರ್ತಿಸುವ ಒತ್ತಡದಲ್ಲಿದ್ದಾರೆ. ಅನುಭವಿ ವೇಗಿ ಮೊಹಮದ್​ ಶಮಿ ಇತ್ತೀಚೆಗಷ್ಟೇ ಪೂರ್ಣ ಫಿಟ್ನೆಸ್​ ಕಂಡುಕೊಂಡಿದ್ದು, 2023ರ ವಿಶ್ವಕಪ್​ ಲಯಕ್ಕೆ ಮರಳಲು ಶಕ್ತರಾಗುವರೇ ಎಂಬ ಕುತೂಹಲವಿದೆ. ಇನ್ನು ಭಾರತ ತಂಡದಲ್ಲಿ ಐವರು ಸ್ಪಿನ್ನರ್​ಗಳಿಗೆ ಸ್ಥಾನ ನೀಡಲಾಗಿದ್ದು, ಈ ಸ್ಪಿನ್​ ಕಾರ್ಯತಂತ್ರ ಎಷ್ಟರ ಮಟ್ಟಿಗೆ ಯಶಸ್ಸು ಕಾಣಲಿದೆ ಎಂಬುದು ನಿರ್ಣಾಯಕ ಪಾತ್ರ ವಹಿಸಲಿದೆ. ಮುಂದಿನ ಪಾಕಿಸ್ತಾನ ವಿರುದ್ಧದ ಹೈವೋಲ್ಟೇಜ್​ ಪಂದ್ಯಕ್ಕೆ ಮುನ್ನ ಭಾರತ ಆತ್ಮವಿಶ್ವಾಸ ವೃದ್ಧಿಸುವಂಥ ನಿರಾಯಾಸ ಗೆಲುವಿನ ನಿರೀೆಯನ್ನೂ ಹೊಂದಿದೆ.

ಟೀಮ್​ ನ್ಯೂಸ್​:

ಭಾರತ: ಭಾರತೀಯ ಬ್ಯಾಟಿಂಗ್​ ವಿಭಾಗದಲ್ಲಿ ಆಯ್ಕೆ ಗೊಂದಲಗಳಿಲ್ಲ. ಆದರೆ 5ನೇ ಕ್ರಮಾಂಕದಲ್ಲಿ ಕನ್ನಡಿಗ ಕೆಎಲ್​ ರಾಹುಲ್​ ಅಥವಾ ಅಕ್ಷರ್​ ಪಟೇಲ್​ ಆಡುವರೇ ಎಂಬ ಕೌತುಕವಿದೆ. ಶಮಿ ಜತೆಗೆ ಎಡಗೈ ವೇಗಿ ಅರ್ಷದೀಪ್​ ಹೊಸ ಚೆಂಡು ಹಂಚಿಕೊಳ್ಳುವ ನಿರೀೆ ಇದ್ದು, ಹಾರ್ದಿಕ್​ 3ನೇ ವೇಗಿಯಾಗಿ ಬಳಕೆಯಾಗಲಿದ್ದಾರೆ. ಇದರಿಂದ ಭಾರತ ಮೂವರು ಸ್ಪಿನ್ನರ್​ಗಳೊಂದಿಗೆ ಕಣಕ್ಕಿಳಿಯಲಿದೆ. ತಜ್ಞ ಸ್ಪಿನ್ನರ್​ ಸ್ಥಾನಕ್ಕೆ ಕುಲದೀಪ್​&ವರುಣ್​ ಚಕ್ರವರ್ತಿ ನಡುವೆ ಪೈಪೋಟಿ ಇದೆ.

ಸಂಭಾವ್ಯ ತಂಡ: ರೋಹಿತ್​ ಶರ್ಮ (ನಾಯಕ), ಶುಭಮಾನ್​ ಗಿಲ್​, ವಿರಾಟ್​ ಕೊಹ್ಲಿ, ಶ್ರೇಯಸ್​ ಅಯ್ಯರ್​, ಕೆಎಲ್​ ರಾಹುಲ್​ (ವಿ.ಕೀ), ಹಾರ್ದಿಕ್​ ಪಾಂಡ್ಯ, ರವೀಂದ್ರ ಜಡೇಜಾ, ಅಕ್ಷರ್​ ಪಟೇಲ್​, ಕುಲದೀಪ್​ ಯಾದವ್​/ವರುಣ್​ ಚಕ್ರವರ್ತಿ, ಅರ್ಷದೀಪ್​ ಸಿಂಗ್​, ಮೊಹಮದ್​ ಶಮಿ.

ಬಾಂಗ್ಲಾದೇಶ: ಪ್ರಮುಖ ಬ್ಯಾಟರ್​ಗಳ ಫಾರ್ಮ್ ಕೊರತೆಯಿಂದಾಗಿ ಬಾಂಗ್ಲಾದೇಶ ತಂಡ ಹಿನ್ನಡೆ ಎದುರಿಸುತ್ತಿದ್ದರೂ, ವೇಗಿಗಳಾದ ಮುಸ್ತಾಫಿಜುರ್​, ಟಸ್ಕಿನ್​, ನಹಿದ್​ ರಾಣಾ ಭಾರತೀಯ ಬ್ಯಾಟರ್​ಗಳಿಗೆ ಸವಾಲೊಡ್ಡಬಹುದು. ಬಾಂಗ್ಲಾದ ಸ್ಪಿನ್​ ವಿಭಾಗವೂ ಈಗ ಹಿಂದಿನಷ್ಟು ಬಲಶಾಲಿಯಾಗಿಲ್ಲ. ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಆಡಿರುವ ಒಟ್ಟು 12 ಪಂದ್ಯಗಳಲ್ಲಿ ಎರಡರಲ್ಲಷ್ಟೇ ಗೆದ್ದಿರುವ ಕಳಪೆ ದಾಖಲೆಯೂ ಬಾಂಗ್ಲಾ ತಂಡದ್ದಾಗಿದೆ.

ಸಂಭಾವ್ಯ ತಂಡ: ತಂಜಿದ್​ ಹಸನ್​, ಸೌಮ್ಯ ಸರ್ಕಾರ್​, ನಜ್ಮುಲ್​ ಹೊಸೈನ್​ ಶಾಂಟೊ (ನಾಯಕ), ತೌಹಿದ್​ ಹೃದಯ್​, ಮುಶ್ಫಿಕರ್​ ರಹೀಂ (ವಿ.ಕೀ), ಮೊಹಮದುಲ್ಲಾ, ಮೆಹಿದಿ ಹಸನ್​ ಮಿರಾಜ್​, ರಿಷದ್​ ಹೊಸೈನ್​, ಟಸ್ಕಿನ್​ ಅಹ್ಮದ್​, ನಹಿದ್​ ರಾಣಾ, ಮುಸ್ತಾಫಿಜುರ್​.

*ಆರಂಭ: ಮಧ್ಯಾಹ್ನ 2.30

*ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​2, ಜಿಯೋ ಹಾಟ್​ಸ್ಟಾರ್​.

ಮುಖಾಮುಖಿ: 41

ಭಾರತ: 32

ಬಾಂಗ್ಲಾದೇಶ: 8

ರದ್ದು: 1

2017ರಲ್ಲಿ ಏಕೈಕ ಮುಖಾಮುಖಿ

ಭಾರತ ತಂಡ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಇದುವರೆಗೆ ಬಾಂಗ್ಲಾ ಎದುರು ಒಮ್ಮೆ ಮಾತ್ರ ಆಡಿದೆ. 2017ರ ಆವೃತ್ತಿಯ ಸೆಮಿೈನಲ್​ನಲ್ಲಿ ನಡೆದ ಆ ಕಾದಾಟದಲ್ಲಿ ಭಾರತ 9 ವಿಕೆಟ್​ಗಳಿಂದ ಗೆದ್ದಿತ್ತು. ಮೊದಲು ಬ್ಯಾಟಿಂಗ್​ ಮಾಡಿದ ಬಾಂಗ್ಲಾ 7 ವಿಕೆಟ್​ಗೆ 264 ರನ್​ ಗಳಿಸಿದ್ದರೆ, ರೋಹಿತ್​ ಶರ್ಮ (123*) ಶತಕ ಮತ್ತು ಆಗಿನ ನಾಯಕ ವಿರಾಟ್​ ಕೊಹ್ಲಿ ಗಳಿಸಿದ ಅಜೇಯ 96 ರನ್​ ಬಲದಿಂದ ಭಾರತ 40.1 ಓವರ್​ಗಳಲ್ಲೇ 1 ವಿಕೆಟ್​ ನಷ್ಟದಲ್ಲಿ ಗೆಲುವಿನ ದಡ ಸೇರಿತ್ತು.

*ನಮ್ಮ ತಂಡದಲ್ಲಿ ಇಬ್ಬರಷ್ಟೇ ಸ್ಪಿನ್ನರ್​ಗಳಿದ್ದಾರೆ. ಉಳಿದ ಮೂವರು ಆಲ್ರೌಂಡರ್​ಗಳಾಗಿದ್ದಾರೆ. ಅವರು ತಂಡಕ್ಕೆ ಹೆಚ್ಚಿನ ಬಲ ತುಂಬುತ್ತಾರೆ. ನಾವು ನಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ಆಡಬೇಕಾಗಿದೆ. ಪ್ರತಿ ಐಸಿಸಿ ಟೂರ್ನಿಯಂತೆ ಇದೂ ಪ್ರಮುಖ ಸವಾಲು ಆಗಿದೆ.

| ರೋಹಿತ್​ ಶರ್ಮ, ಭಾರತ ತಂಡದ ನಾಯಕ

*ನಾವು ಉತ್ತಮ ವೇಗಿಗಳು ಮತ್ತು ಆಲ್ರೌಂಡರ್​ಗಳನ್ನು ಹೊಂದಿದ್ದೇವೆ. ಹೀಗಾಗಿ ನಮ್ಮ ಯೋಜನೆಗಳನ್ನು ಸಮರ್ಥವಾಗಿ ಕಾರ್ಯಗತಗೊಳಿಸಿದರೆ ಭಾರತವನ್ನು ಸೋಲಿಸಬಲ್ಲೆವು.

| ನಜ್ಮುಲ್​ ಹೊಸೈನ್​ ಶಾಂಟೊ, ಬಾಂಗ್ಲಾ ನಾಯಕ

*ಪಿಚ್​ ರಿಪೋರ್ಟ್​

ದುಬೈ ಪಿಚ್​ ಸ್ಪರ್ಧಾತ್ಮಕವೆನಿಸಿದೆ. ಇಲ್ಲಿ ನಡೆದಿರುವ 58 ಏಕದಿನ ಪಂದ್ಯಗಳಲ್ಲಿ ಮೊದಲ ಇನಿಂಗ್ಸ್​ನ ಸರಾಸರಿ ಸ್ಕೋರ್​ 218 ರನ್​ ಆಗಿದೆ. 22 ಪಂದ್ಯಗಳಲ್ಲಿ ಮೊದಲು ಬ್ಯಾಟಿಂಗ್​ ಮಾಡಿದ ತಂಡ ಗೆದ್ದಿದ್ದರೆ, 34 ಪಂದ್ಯಗಳಲ್ಲಿ ಚೇಸಿಂಗ್​ ಮಾಡಿದ ತಂಡ ಜಯಿಸಿದೆ.

*12: ರೋಹಿತ್​ ಶರ್ಮ ಇನ್ನು 12 ರನ್​ ಗಳಿಸಿದರೆ ಏಕದಿನ ಕ್ರಿಕೆಟ್​ನಲ್ಲಿ 11 ಸಾವಿರ ರನ್​ ಪೂರೈಸಿದ 4ನೇ ಭಾರತೀಯ ಮತ್ತು ವಿಶ್ವದ 10ನೇ ಬ್ಯಾಟರ್​ ಎನಿಸಲಿದ್ದಾರೆ.

*37: ವಿರಾಟ್​ ಕೊಹ್ಲಿ ಇನ್ನು 37 ರನ್​ ಗಳಿಸಿದರೆ ಏಕದಿನ ಕ್ರಿಕೆಟ್​ನಲ್ಲಿ 14 ಸಾವಿರ ರನ್​ ಪೂರೈಸಿದ 3ನೇ ಬ್ಯಾಟರ್​ ಎನಿಸಲಿದ್ದಾರೆ. ಸಚಿನ್​ ತೆಂಡುಲ್ಕರ್​, ಕುಮಾರ ಸಂಗಕ್ಕರ ಮೊದಲಿಬ್ಬರು.

ರೋಹಿತ್​, ಕೊಹ್ಲಿ, ಗಂಭೀರ್​ ಪಾಲಿಗೆ ಮಹತ್ವದ ಟೂರ್ನಿ!

ವೃತ್ತೀಜಿವನದ ಸಂಧ್ಯಾಕಾಲದತ್ತ ಹೆಜ್ಜೆ ಹಾಕುತ್ತಿರುವ ಟೀಮ್​ ಇಂಡಿಯಾ ಬ್ಯಾಟರ್​ಗಳಾದ ರೋಹಿತ್​ ಶರ್ಮ ಮತ್ತು ವಿರಾಟ್​ ಕೊಹ್ಲಿಗೆ ಇದು ಮಹತ್ವದ ಟೂರ್ನಿ ಎನಿಸಿದೆ. ಅಲ್ಲದೆ ಮುಖ್ಯ ಕೋಚ್​ ಹುದ್ದೆಗೇರಿದ ಕಳೆದ 7 ತಿಂಗಳ ಅವಧಿಯಲ್ಲಿ ಹೇಳಿಕೊಳ್ಳುವಂಥ ಸಾಧನೆಯನ್ನೇನೂ ತೋರದಿರುವ ಗೌತಮ್​ ಗಂಭೀರ್​ ಪಾಲಿಗೂ ಇದು ನಿರ್ಣಾಯಕ ಟೂರ್ನಿಯಾಗಿದೆ. ಕಳೆದ ಆಸ್ಟ್ರೆಲಿಯಾ ಪ್ರವಾಸದಲ್ಲಿ ತೀವ್ರ ವೈಲ್ಯ ಅನುಭವಿಸಿದ್ದ ಕೊಹ್ಲಿ, ರೋಹಿತ್​ ಇತ್ತೀಚೆಗೆ ತವರಿನಲ್ಲಿ ನಡೆದ ಇಂಗ್ಲೆಂಡ್​ ವಿರುದ್ಧದ ಏಕದಿನ ಸರಣಿಯಲ್ಲಿ ಲಯಕ್ಕೆ ಮರಳಿರುವ ಲಕ್ಷಣ ತೋರಿದ್ದಾರೆ. ಚಾಂಪಿಯನ್ಸ್​ ಟ್ರೋಫಿಯಲ್ಲೂ ಈ ಲಯ ಕಾಯ್ದುಕೊಂಡರೆ ಅವರಿಬ್ಬರ ಭವಿಷ್ಯ ಸ್ವಲ್ಪಮಟ್ಟಿಗೆ ಭದ್ರವೆನಿಸಲಿದೆ. ಇನ್ನು ಭಾರತ ತಂಡ ಕನಿಷ್ಠ ಟೂರ್ನಿಯ ೈನಲ್​ಗೇರದಿದ್ದರೆ, ಇದು ರೋಹಿತ್​ ಶರ್ಮ ಸಾರಥ್ಯದಲ್ಲಿ ಭಾರತಕ್ಕೆ ಕೊನೇ ಟೂರ್ನಿಯಾಗುವ ಸಾಧ್ಯತೆ ಇದೆ. ಜತೆಗೆ ಕೋಚ್​ ಆಗಿ ಗಂಭೀರ್​ ಭವಿಷ್ಯವೂ ಡೋಲಾಯಮಾನವಾಗಲಿದೆ. ಗಂಭೀರ್​ಗೆ ಕೋಚ್​ ಆಗಿ ಇದು ಮೊದಲ ಐಸಿಸಿ ಟೂರ್ನಿಯೂ ಆಗಿದೆ.

*ನನಗೆ ಚಾಂಪಿಯನ್ಸ್​ ಟ್ರೋಫಿ ಎಂದರೆ ಇಷ್ಟದ ಟೂರ್ನಿ. ಸುದೀರ್ ಸಮಯದ ಬಳಿಕ ಮತ್ತೆ ನಡೆಯುತ್ತಿದೆ. ವಿಶ್ವದ ಅಗ್ರ 8 ತಂಡಗಳ ನಡುವಿನ ಈ ಟೂರ್ನಿ ಸ್ಪರ್ಧಾತ್ಮಕವಾಗಿರುತ್ತದೆ. ಲೀಗ್​ ಹಂತದಲ್ಲಿ ಮೂರೇ ಪಂದ್ಯ ಆಡಬೇಕಾಗಿರುವುದರಿಂದ ಉತ್ತಮ ಆರಂಭ ಕಾಣಬೇಕಾಗಿರುವುದು ಅಗತ್ಯವಾಗಿರುತ್ತದೆ.

| ವಿರಾಟ್​ ಕೊಹ್ಲಿ

https://www.vijayavani.net/icc-champions-trophy-mini-world-cup-battle-from-today-the-strength-of-the-eight-teams-is-as-follows