ಆಸ್ಟ್ರೇಲಿಯಾ ವಿರುದ್ಧ ನಡೆದಿರುವ ಒಟ್ಟು ನಾಲ್ಕು ಟೆಸ್ಟ್ನಲ್ಲಿ ಮೊದಲ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್ನಲ್ಲಿ ಶತಕ ಬಾರಿಸಿದ್ದು ಬಿಟ್ಟರೆ, ಉಳಿದ ಮ್ಯಾಚ್ಗಳಲ್ಲಿ ವಿರಾಟ್ ಪ್ರದರ್ಶನ ತೀರ ಕಳಪೆಯಾಗಿದೆ. ಈ ವಿಷಯ ಕ್ರಿಕೆಟ್ ಅಭಿಮಾನಿಗಳು ಹಾಗೂ ಮಾಜಿ ಹಿರಿಯ ಕ್ರಿಕೆಟಿಗರನ್ನು ಬೇಸರಕ್ಕೆ ದೂಡಿದ್ದು, ಕೊಹ್ಲಿ ಟೆಸ್ಟ್ ನಿವೃತ್ತಿ ಬಗ್ಗೆ ಚರ್ಚಿಸುವಂತೆ ಮಾಡಿದೆ. ನಿವೃತ್ತಿ ವಿಷಯ ಒಂದೆಡೆಯಾದರೆ, ವಿರಾಟ್ ಅವರ ಆಫ್ ಸ್ಟಂಪ್ ವಿಕೆಟ್ ಸಮಸ್ಯೆ ಬಗ್ಗೆಗಿನ ಚರ್ಚೆ ಮತ್ತೊಂದೆಡೆ. ಕೊಹ್ಲಿಯ ಆಫ್ ಸ್ಟಂಪ್ ಸಮಸ್ಯೆ ಕುರಿತು ಕ್ರಿಕೆಟ್ ತಜ್ಞರು ಹಲವು ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರೆ, ಇಂಗ್ಲೆಂಡ್ನ ಮಾಜಿ ಕ್ರಿಕೆಟಿಗ ಮಾರ್ಕ್ ನಿಕೋಲಸ್ ಮಾತ್ರ ಬೇಸರ ಹೊರಹಾಕಿದ್ದಾರೆ.
