ಹುಬ್ಬಳ್ಳಿ ಟೈಗರ್ಸ್​ ಸತತ 5ನೇ ಪಂದ್ಯದಲ್ಲೂ ಗೆಲುವಿನ ಘರ್ಜನೆ

ಬೆಂಗಳೂರು: ಯುವ ವೇಗಿ ಮನ್ವಂತ್​ ಕುಮಾರ್​ (23ಕ್ಕೆ 3) ಮಾರಕ ದಾಳಿ ಮತ್ತು ವಿಕೆಟ್​ ಕೀಪರ್​&ಆರಂಭಿಕ ಲವನೀತ್​ ಸಿಸೋಡಿಯಾ (69 ರನ್​, 46 ಎಸೆತ, 10 ಬೌಂಡರಿ, 2 ಸಿಕ್ಸರ್​) ಭರ್ಜರಿ ಬ್ಯಾಟಿಂಗ್​ ಬಲದಿಂದ ಹುಬ್ಬಳ್ಳಿ ಟೈಗರ್ಸ್​ ತಂಡ 2ನೇ ಆವೃತ್ತಿಯ ಮಹಾರಾಜ ಟ್ರೋಫಿ ಕೆಎಸ್​ಸಿಎ ಟಿ20 ಟೂರ್ನಿಯಲ್ಲಿ ಗೆಲುವಿನ ಓಟವನ್ನು ಸತತ 5ನೇ ಪಂದ್ಯಕ್ಕೆ ವಿಸ್ತರಿಸಿದೆ. ಮನೀಷ್​ ಪಾಂಡೆ ಸಾರಥ್ಯದ ತಂಡ ಶನಿವಾರ ನಡೆದ ಪಂದ್ಯದಲ್ಲಿ ಶಿವಮೊಗ್ಗ ಲಯನ್ಸ್​ ವಿರುದ್ಧ 8 ವಿಕೆಟ್​ಗಳಿಂದ ಸುಲಭ ಗೆಲುವು ದಾಖಲಿಸಿತು.

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಶಿವಮೊಗ್ಗ ತಂಡ 8 ವಿಕೆಟ್​ಗೆ 138 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಪ್ರತಿಯಾಗಿ ಹುಬ್ಬಳ್ಳಿ ತಂಡ 16.4 ಓವರ್​ಗಳಲ್ಲಿ 2 ವಿಕೆಟ್​ಗೆ 139 ರನ್​ ಪೇರಿಸಿ ಜಯಿಸಿತು. ಸಿಸೋಡಿಯಾ ಮತ್ತು ಮೊಹಮದ್​ ತಾಹ (37) ಮೊದಲ ವಿಕೆಟ್​ಗೆ 85 ರನ್​ ಸೇರಿಸಿ ಹುಬ್ಬಳ್ಳಿ ಚೇಸಿಂಗ್​ ಸುಲಭಗೊಳಿಸಿದರು.

ಶಿವಮೊಗ್ಗ ಲಯನ್ಸ್​: 8 ವಿಕೆಟ್​ಗೆ 138 (ರೋಹನ್​ ಕದಂ 14, ನಿಹಾಲ್​ 3, ಅಭಿನವ್​ 10, ಶ್ರೇಯಸ್​ 10, ಪ್ರಣವ್​ 46*, ಶಿವರಾಜ್​ 21, ಮನ್ವಂತ್​ 23ಕ್ಕೆ 3, ಪ್ರವಿನ್​ ದುಬೆ 15ಕ್ಕೆ 2, ಕೆಸಿ ಕಾರ್ಯಪ್ಪ 27ಕ್ಕೆ 1). ಹುಬ್ಬಳ್ಳಿ ಟೈಗರ್ಸ್​: 16.4 ಓವರ್​ಗಳಲ್ಲಿ 2 ವಿಕೆಟ್​ಗೆ 139 (ಸಿಸೋಡಿಯಾ 69, ತಾಹ 37, ನಾಗ ಭರತ್​ 23*, ಶ್ರೇಯಸ್​ 41ಕ್ಕೆ 1). ಪಂದ್ಯಶ್ರೇಷ್ಠ: ಮನ್ವಂತ್​ ಕುಮಾರ್​.

https://www.vijayavani.net/bangladesh-cricketer-walks-on-fire-ahead-of-asia-cup