ವೀಲ್​ಚೇರ್​ನಲ್ಲಿ ಕ್ರಿಕೆಟ್​ ದಂತಕಥೆ; ರಾಹುಲ್​ ದ್ರಾವಿಡ್​ ಪರಿಸ್ಥಿತಿಗೆ ಮಿಡಿದ ಅಭಿಮಾನಿಗಳ ಹೃದಯ | Rahul Dravid

Rahul Dravid: ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (ಆರ್​ಸಿಬಿ) ವಿರುದ್ಧ ಐಪಿಎಲ್​ 2025ರ ಉದ್ಘಾಟನಾ ಪಂದ್ಯದಲ್ಲಿ ಸೋಲುಂಡಿದ್ದ ಕೋಲ್ಕತ ನೈಟ್ ರೈಡರ್ಸ್ ತಂಡ, ತನ್ನ ಎರಡನೇ ಪಂದ್ಯದಲ್ಲಿ ಗೆಲುವು ದಾಖಲಿಸಿತು. ಬುಧವಾರ (ಮಾರ್ಚ್​ 26) ರಾತ್ರಿ ಗುವಾಹಟಿಯಲ್ಲಿ ಕೆಕೆಆರ್​ ವಿರುದ್ಧ ನಡೆದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ಎಂಟು ವಿಕೆಟ್‌ಗಳಿಂದ ಎರಡನೇ ಬಾರಿ ಸೋಲುಂಡಿತು. ಇದು ಆರ್​ಆರ್​ ಅಭಿಮಾನಿಗಳಿಗೆ ಅಷ್ಟು ಬೇಸರ ನೀಡದೆ ಹೋದರೂ, ಭಾರತೀಯ ಕ್ರಿಕೆಟ್ ದಂತಕಥೆ ರಾಹುಲ್​ ದ್ರಾವಿಡ್​ರನ್ನು ವೀಲ್​ಚೇರ್​ನಲ್ಲಿ ಕಂಡು ಅತೀವ ಬೇಸರ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ನಿತ್ಯಾನಂದನ ಕೈಲಾಸದಿಂದ 20 ಜನರು ಗಡಿಪಾರು! ಸ್ಥಳೀಯರ ಭೂಮಿ ಕಬಳಿಸಿದ್ದಕ್ಕಾಗಿ ಇದು ಸರ್ಕಾರದ ನಿರ್ಧಾರ…Nithyananda

2025ರ ಐಪಿಎಲ್ ಆವೃತ್ತಿಗೆ ರಾಜಸ್ಥಾನ ರಾಯಲ್ಸ್ ತಂಡವನ್ನು ಕೋಚ್ ಮಾಡಿದ ರಾಹುಲ್​ ದ್ರಾವಿಡ್​, ಒಂದು ಸಣ್ಣ ಇಂಜುರಿಯಿಂದ ಬಳಲುತ್ತಿದ್ದಾರೆ. ನಿನ್ನೆ ನಡೆದ ಪಂದ್ಯವನ್ನು ವೀಲ್​ಚೇರ್​ನಲ್ಲಿ ಕುಳಿತೇ ಪಂದ್ಯ ವೀಕ್ಷಿಸಿದ ದ್ರಾವಿಡ್​, ಸತತ ಎರಡನೇ ಬಾರಿಗೆ ಆರ್​ಆರ್​ ಸೋಲುಂಡಿದ್ದನ್ನು ಕಂಡು ಮೌನಕ್ಕೆ ಜಾರಿದರು. ಪ್ರಸ್ತುತ ಐಪಿಎಲ್ ಅಂಕಪಟ್ಟಿಯಲ್ಲಿ ಎರಡು ಸತತ ಸೋಲುಗಳಿಂದ ಆರ್​ಆರ್​ ಕೊನೆ ಸ್ಥಾನವನ್ನು ಅಲಂಕರಿಸಿದೆ. ಇದು ಫ್ರಾಂಚೈಸಿ ಅಭಿಮಾನಿಗಳಲ್ಲಿ ಬೇಸರ ತಂದೊಡ್ಡಿದ್ದೇ ಆದರೂ ಕ್ರಿಕೆಟ್​ ದಿಗ್ಗಜನ ಪರಿಸ್ಥಿತಿ ಕಂಡು ಜಾಲತಾಣಗಳಲ್ಲಿ ಮರುಗಿದ್ದಾರೆ.

ವೀಲ್​ಚೇರ್​ನಲ್ಲಿ ಕುಳಿತು ಕೆಕೆಆರ್ ವಿರುದ್ಧದ ಪಂದ್ಯವನ್ನು ವೀಕ್ಷಿಸಿದ ರಾಹುಲ್ ದ್ರಾವಿಡ್​ ಫೋಟೋ ಮತ್ತು ವಿಡಿಯೋಗಳು ಜಾಲತಾಣದಲ್ಲಿ ವ್ಯಾಪಕವಾಗಿ ಹರಿದಾಡಿವೆ. ಇದನ್ನು ನೋಡಿದ ಅಭಿಮಾನಿಗಳು, 'ತಮ್ಮ ನೆಚ್ಚಿನ ದಿಗ್ಗಜನನ್ನು ವೀಲ್​ಚೇರ್​ನಲ್ಲಿ ನೋಡುವುದು ಕಷ್ಟವಾಗುತ್ತಿದೆ. ಆದರೆ, ಅವರ ಬದ್ಧತೆ, ಸಮರ್ಪಣೆ ನಿಜಕ್ಕೂ ಅವರ ಮೇಲಿನ ಗೌರವವನ್ನು ದುಪ್ಪಟ್ಟಾಗಿಸಿದೆ' ಎಂದಿದ್ದಾರೆ,(ಏಜೆನ್ಸೀಸ್).

https://www.vijayavani.net/muskan-opens-up-about-husband-murder-case-truth