ಆಸ್ಟ್ರೇಲಿಯಾದ ಪರ್ತ್, ಆಡಿಲೇಡ್ ಓವಲ್ ನೆಲದಲ್ಲಿ ವಿದೇಶಿ ಆಟಗಾರರ ಶತಕ ದಾಖಲೆಯಲ್ಲಿ ಸದ್ಯ ವಿರಾಟ್ ಕೇವಲ ಮೂರು ಶತಕಗಳ ಸನ್ನಿಹಿತದಲ್ಲಿದ್ದಾರೆ. ಈ ಗುರಿಯನ್ನು ಅತಿ ಶೀಘ್ರವೇ ವಿರಾಟ್ ದಾಖಲಿಸಲಿ, ಶತಕಗಳ ಸರದಾರನಾಗಿ ಮಿಂಚಲಿ ಎಂಬುದು ಅಪಾರ ಕ್ರಿಕೆಟ್ ಪ್ರಿಯರ ಆಶಯ. ಆದ್ರೆ, ಮೊದಲ ಪಂದ್ಯದಲ್ಲಿ ಶತಕ ಬಾರಿಸಿದ್ದ ಕೊಹ್ಲಿ, ಎರಡನೇ ಮ್ಯಾಚ್ನಲ್ಲಿ ಅಭಿಮಾನಿಗಳ ನಿರೀಕ್ಷೆಯನ್ನು ತಲುಪುವಲ್ಲಿ ಎಡವಿದರು. ಇದು ಕೆಲವರಿಗೆ ಬೇಸರ ಮೂಡಿಸಿದ್ದೇ ಆದರೂ ಮುಂದಿನ ಪಂದ್ಯಗಳಲ್ಲಿ ಚೆನ್ನಾಗಿ ಆಡ್ತಾರೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಈ ಮಧ್ಯೆ ಕ್ರಿಕೆಟ್ ದಂತಕಥೆ, ಹಿರಿಯ ಮಾಜಿ ಆಟಗಾರ ಸುನಿಲ್ ಗವಾಸ್ಕರ್ ಮಾತನಾಡಿ, ಈ ದಾಖಲೆಯನ್ನು ವಿರಾಟ್ ಅತೀ ಶೀಘ್ರವೇ ಮಾಡಿ ಮುಗಿಸಬಹುದು ಎಂದು ಹೇಳಿದ್ದಾರೆ.
