ಹಾರ್ದಿಕ್​ ಪಾಂಡ್ಯ ಪುತ್ರನ ಹೆಸರು ಬಹಿರಂಗ!

ವಡೋದರ: ಟೀಮ್​ ಇಂಡಿಯಾ ಆಲ್ರೌಂಡರ್​ ಹಾರ್ದಿಕ್​ ಪಾಂಡ್ಯ 10 ದಿನಗಳ ಹಿಂದೆಯಷ್ಟೇ ತಂದೆಯಾದ ಸಂಭ್ರಮ ಹಂಚಿಕೊಂಡಿದ್ದರು. ಪತ್ನಿ ನತಾಶಾ ಸ್ಟಾಂಕೋವಿಕ್​ ಗಂಡು ಮಗುವಿಗೆ ಜನ್ಮ ನೀಡಿರುವ ವಿಷಯವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಜೂನ್​ 30ರಂದು ಹಂಚಿಕೊಂಡಿದ್ದ ಹಾರ್ದಿಕ್​ ಪಾಂಡ್ಯ ನಂತರದ ತಮ್ಮ ಪ್ರತಿ ಚಟುವಟಿಕೆಯನ್ನೂ ಸಾಮಾಜಿಕ ಜಾಲತಾಣಗಳಲ್ಲಿ ಸಂಭ್ರಮದಿಂದ ಹಂಚಿಕೊಳ್ಳುತ್ತಿದ್ದಾರೆ. ಆದರೂ, ಪುತ್ರ ಹೆಸರನ್ನು ಅವರಿನ್ನೂ ಅಧಿಕೃತವಾಗಿ ಪ್ರಕಟಿಸಿಲ್ಲ. ಈ ನಡುವೆ ಅವರು ತಮಗೆ ಗೊತ್ತಿಲ್ಲದಂತೆ ಮಗನ ಹೆಸರನ್ನು ಬಹಿರಂಗಗೊಳಿಸಿದ್ದಾರೆ ಎನ್ನಲಾಗುತ್ತಿದೆ.

ಹಾರ್ದಿಕ್​ ಪಾಂಡ್ಯ ಮತ್ತು ನತಾಶಾ ಕಳೆದ ವಾರ ಆಸ್ಪತ್ರೆ ಸಿಬ್ಬಂದಿ ಜತೆಗೆ ಮಗುವಿನ ಜನನದ ಸಂಭ್ರಮವನ್ನು ಆಚರಿಸಿಕೊಂಡಿದ್ದರು. ಈ ವೇಳೆ ಕತ್ತರಿಸಲಾದ ಕೇಕ್​ನಲ್ಲಿ ಅವರು ಮಗುವಿನ ಹೆಸರು ಬಹಿರಂಗಪಡಿಸಿದ್ದಾರೆ ಎನ್ನಲಾಗುತ್ತಿದೆ. ಕೇಕ್​ನ ಮೇಲೆ 'ವೆಲ್​ಕಂ ಪಾಂಡ್ಯ ಜೂನಿಯರ್​ ಅಗಸ್ತ್ಯ' ಎಂದು ಬರೆಯಲಾಗಿತ್ತು. ಇದರಿಂದಾಗಿ ಮಗುವಿನ ಹೆಸರು 'ಅಗಸ್ತ್ಯ' ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ವಿಶ್ಲೇಷಿಸಲಾಗುತ್ತಿದೆ.

ಇದನ್ನು ಓದಿ: ಅಪ್ಪನಾದ ಖುಷಿಯಲ್ಲಿ ಮಗುವಿನ ಫೋಟೋ ರಿವೀಲ್​ ಮಾಡಿ ಹಾರ್ದಿಕ್​ ಪಾಂಡ್ಯ ಹೇಳಿದ್ದು ಹೀಗೆ…

ಕೇಕ್​ ಕತ್ತರಿಸಿದ ಸಮಾರಂಭದ ಮೂಲಕ ಹಾರ್ದಿಕ್​ ಪಾಂಡ್ಯ ಆಸ್ಪತ್ರೆ ಸಿಬ್ಬಂದಿಗೆ ಧನ್ಯವಾದ ಹೇಳಿದ್ದರು. 26 ವರ್ಷದ ಹಾರ್ದಿಕ್​ ಪಾಂಡ್ಯ ಮುಂಬರುವ ಐಪಿಎಲ್​ ಟೂರ್ನಿಯಲ್ಲಿ ಮುಂಬೈ ಇಂಡಿಯನ್ಸ್​ ಪರ ಕಣಕ್ಕಿಳಿಯಲಿದ್ದಾರೆ.

https://www.vijayavani.net/hardik-pandya-and-his-wife-celebrates-thier-son-birthday-at-hospital/