ಕ್ರೀಡೆ

ಏಷ್ಯನ್​ ಗೇಮ್ಸ್​ಗೆ ಆಧುನಿಕ ಕ್ರೀಡಾಗ್ರಾಮ; ಚೀನಾ ತಂತ್ರಜ್ಞಾನದ ಚಾತುರ್ಯ...

asian village web
Published on: 

ಹಾಂಗ್​ರೆೌ (ಚೀನಾ): ಸೆಪ್ಟೆಂಬರ್​ 23ರಿಂದ ಅಕ್ಟೋಬರ್​ 8ರವರೆಗೆ ನಡೆಯಲಿರುವ 19ನೇ ಆವೃತ್ತಿಯ ಏಷ್ಯನ್​ ಗೇಮ್ಸ್​ಗೆ ಪೂರ್ವಭಾವಿಯಾಗಿ ಹಾಂಗ್​ರೆೌನಲ್ಲಿ ಆಧುನಿಕ ಕ್ರೀಡಾಗ್ರಾಮವನ್ನು ಶನಿವಾರ ಉದ್ಘಾಟಿಸಲಾಗಿದೆ. 45 ದೇಶಗಳ 12 ಸಾವಿರ ಕ್ರೀಡಾಪಟುಗಳ ಸಹಿತ ಒಟ್ಟಾರೆ 20 ಸಾವಿರ ಮಂದಿಗೆ ವಸತಿ ವ್ಯವಸ್ಥೆಯನ್ನು ಈ ಕ್ರೀಡಾಗ್ರಾಮದಲ್ಲಿ ಮಾಡಲಾಗಿದೆ. ಜತೆಗೆ ಭೋಜನ ಶಾಲೆ, ಸಾರಿಗೆ ವ್ಯವಸ್ಥೆ ಮತ್ತು ವಿಹಾರ ಸ್ಥಳಗಳನ್ನೂ ಇದು ಒಳಗೊಂಡಿದೆ.

ಆತಿಥೇಯ ಚೀನಾದ ಸದಸ್ಯರು ಮೊದಲಿಗರಾಗಿ ಕ್ರೀಡಾಗ್ರಾಮವನ್ನು ಪ್ರವೇಶಿಸಿದ್ದು, ಈ ಸ್ವಾಗತ ಪ್ರಕ್ರಿಯೆ ಇನ್ನು ಸೆಪ್ಟೆಂಬರ್​ 22ರವರೆಗೂ ಮುಂದುವರಿಯಲಿದೆ. ಏಷ್ಯಾದ ಒಲಿಂಪಿಕ್​ ಕೌನ್ಸಿಲ್​ನ ಪ್ರಧಾನ ನಿರ್ದೇಶಕರಾಗಿರುವ ಭಾರತದ ವಿನೋದ್​ ಕುಮಾರ್​ ತಿವಾರಿ, ಕ್ರೀಡಾಗ್ರಾಮವನ್ನು ಸುಂದರ ಮತ್ತು ಅದ್ಭುತವಾದುದು ಎಂದು ಬಣ್ಣಿಸಿದ್ದಾರೆ.

ಅತ್ಯಂತ ಆಧುನಿಕ, ಪರಿಸರ ಸ್ನೇಹಿಯಾಗಿರುವ ಕ್ರೀಡಾಗ್ರಾಮದಲ್ಲಿ ಬಸ್​ಗಳು ಚಾಲಕ ರಹಿತವಾಗಿವೆ ಮತ್ತು 5ಜಿ ವ್ಯವಸ್ಥೆಗಳನ್ನು ಒಳಗೊಂಡಿದೆ. "ಝೀರೋ ವೇಸ್ಟ್​ ಏಷ್ಯನ್​ ಗೇಮ್ಸ್​' ಧ್ಯೇಯದೊಂದಿಗೆ ಚೀನಾ ಕ್ರೀಡಾಕೂಟವನ್ನು ಆಯೋಜಿಸುತ್ತಿದೆ. ಏಷ್ಯಾಡ್​ ಅಧಿಕೃತ ಆರಂಭಕ್ಕೆ ಮೊದಲೇ ಸೆಪ್ಟೆಂಬರ್​ 19ರಿಂದ ಫುಟ್​ಬಾಲ್​, ಮಹಿಳಾ ಕ್ರಿಕೆಟ್​ ಮತ್ತು ವಾಲಿಬಾಲ್​ ಸ್ಪರ್ಧೆಗಳು ಶುರುವಾಗಲಿವೆ.

https://www.vijayavani.net/shaheen-afridi-set-to-marry-for-second-time-after-asia-cup-2023-heres-why

ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net