ಮ್ಯಾಕ್ಸ್​ವೆಲ್​ ಬೆಸ್ಟ್​ ಐಪಿಎಲ್​ ಇಲೆವೆನ್​ನಲ್ಲಿ ರೋಹಿತ್​ ಶರ್ಮಗಿಲ್ಲ ಸ್ಥಾನ...!

ಬೆಂಗಳೂರು: 13ನೇ ಆವೃತ್ತಿಯ ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) ಆರಂಭಕ್ಕೆ ಸಕಲ ಸಿದ್ಧತೆಗಳು ನಡೆಯುತ್ತಿವೆ. ಮಾರ್ಚ್​ 29 ರಿಂದ ಆರಂಭಗೊಳ್ಳಬೇಕಿದ್ದ ವಿಶ್ವದ ಶ್ರೀಮಂತ ಲೀಗ್​ ಕೋವಿಡ್​-19ರಿಂದಾಗಿ ಮುಂದೂಡಲಾಗಿತ್ತು. ಎಲ್ಲೆಡೆ ಐಪಿಎಲ್​ ಕುರಿತೇ ಹೆಚ್ಚಾಗಿ ಚರ್ಚೆ ನಡೆಯುತ್ತಿದೆ. ಈ ವೇಳೆ ಆಸ್ಟ್ರೆಲಿಯಾದ ಸ್ಫೋಟಕ ಬ್ಯಾಟ್ಸ್​ಮನ್​ ಗ್ಲೆನ್​ ಮ್ಯಾಕ್ಸ್​ವೆಲ್​ ತಮ್ಮ ಬೆಸ್ಟ್​ ಐಪಿಎಲ್​ ಇಲೆವೆನ್​ ತಂಡ ಆಯ್ಕೆಮಾಡಿದ್ದಾರೆ. ಆದರೆ, ಐಪಿಎಲ್​ನ ಅತ್ಯಂತ ಯಶಸ್ವಿ ಆಟಗಾರ ಹಾಗೂ ನಾಯಕ ಎನಿಸಿರುವ ರೋಹಿತ್​ ಶರ್ಮ ಅವರಿಗೆ ಹನ್ನೊಂದರ ಬಳಗದಲ್ಲಿ ಸ್ಥಾನ ನೀಡಿಲ್ಲ.

ಇದನ್ನೂ ಓದಿ: VIDEO | ಕೊಹ್ಲಿ-ಅನುಷ್ಕಾ ನಡುವೆ ಜಗಳವಾದರೆ ಮೊದಲು ಸಾರಿ ಕೇಳೋದು ಯಾರು ಗೊತ್ತೇ?

ಮ್ಯಾಕ್ಸ್​ವೆಲ್​ ಬೆಸ್ಟ್​ ಐಪಿಎಲ್​ ಇಲೆವೆನ್​:

ಡೇವಿಡ್​ ವಾರ್ನರ್​, ವಿರಾಟ್​ ಕೊಹ್ಲಿ, ಎಬಿ ಡಿವಿಲಿಯರ್ಸ್​, ಸುರೇಶ್​ ರೈನಾ, ಗ್ಲೆನ್​ ಮ್ಯಾಕ್ಸ್​ವೆಲ್​, ಆಂಡ್ರೆ ರಸೆಲ್​, ಎಂಎಸ್​ ಧೋನಿ (ವಿಕೀ), ಹರ್ಭಜನ್​ ಸಿಂಗ್​, ಭುವನೇಶ್ವರ್​ ಕುಮಾರ್​, ಜಸ್​ಪ್ರೀತ್​ ಬುಮ್ರಾ, ಮೋಹಿತ್​ ಶರ್ಮ.

ರೋಹಿತ್​ ಶರ್ಮರಂಥ ಸ್ಟಾರ್​ ಆಟಗಾರನಿಗೆ ಕೊಕ್​ ನೀಡಿರುವ ಮ್ಯಾಕ್ಸ್​ವೆಲ್​, ಮೋಹಿತ್​ ಶರ್ಮಗೆ ಸ್ಥಾನ ನೀಡಿರುವುದು ಅಚ್ಚರಿ ಮೂಡಿಸಿದೆ. ಆರಂಭಿಕರಾಗಿ ಕೊಹ್ಲಿ, ವಾರ್ನರ್​ ಇದ್ದರೆ, ಎಡಿಬಿ, ಸುರೇಶ್​ ರೈನಾ ಕ್ರಮವಾಗಿ 3 ಹಾಗೂ 4ನೇ ಕ್ರಮಾಂಕದಲ್ಲಿದ್ದರೆ, ಸ್ವತಃ ಮ್ಯಾಕ್ಸ್​ವೆಲ್​ 5ನೇ ಕ್ರಮಾಂಕ ಪಡೆದುಕೊಂಡಿದ್ದಾರೆ. ಬೌಲಿಂಗ್​ ವಿಭಾಗದಲ್ಲಿ ಬಜ್ಜಿ, ಭುವನೇಶ್ವರ ಕುಮಾರ್​, ಬುಮ್ರಾ ಹಾಗೂ ಮೋಹಿತ್​ ಶರ್ಮ ಹೆಸರಿಸಿದ್ದಾರೆ.

ಇದನ್ನೂ ಓದಿ: PHOTOS | ಸಿಎಸ್‌ಕೆ ಶಿಬಿರಕ್ಕಾಗಿ ಚೆನ್ನೈಗೆ ಆಗಮಿಸಿದ ಎಂಎಸ್ ಧೋನಿ ಬಳಗ

ಮುಂಬೈ ಇಂಡಿಯನ್ಸ್​ ತಂಡದ ನಾಯಕ ರೋಹಿತ್​ ಶರ್ಮ ಹೆಸರು ಕೈಬಿಟ್ಟಿರುವುದು ಹಲವು ಅಚ್ಚರಿಗೂ ಕಾರಣವಾಗಿದೆ. ಐಪಿಎಲ್​ ಇತಿಹಾಸದಲ್ಲಿ 5 ಬಾರಿ ಟ್ರೋಫಿ ಗೆದ್ದಿರುವ ಏಕೈಕ ಆಟಗಾರ ಎನಿಸಿದ್ದಾರೆ. ಅದರಲ್ಲೂ 4 ಬಾರಿ ನಾಯಕನಾಗಿ ಈ ಸಾಧನೆ ಮಾಡಿದ್ದಾರೆ. ಇದುವರೆಗೂ 4898 ರನ್​ಗಳಿಸಿ ಲೀಗ್​ನಲ್ಲಿ ಅತಿಹೆಚ್ಚು ರನ್​ಗಳಿಸಿರುವ 3ನೇ ಬ್ಯಾಟ್ಸ್​ಮನ್​ ಎನಿಸಿಕೊಂಡಿದ್ದಾರೆ. ಮ್ಯಾಕ್ಸ್​ವೆಲ್​ ಐಪಿಎಲ್​ನಲ್ಲಿ ಕನ್ನಡಿಗ ಕೆಎಲ್​ ರಾಹುಲ್​ ಸಾರಥ್ಯದ ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡದ ಪರ ಕಣಕ್ಕಿಳಿಯುತ್ತಿದ್ದಾರೆ.

https://www.vijayavani.net/do-u-know-value-of-adds-during-ipl/