ಬೆಂಗಳೂರು: 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ಗೆ ದಿನಗಣನೆ ಆರಂಭಗೊಂಡಿದೆ. ಇಂದಿನಿಂದ ಆರ್ಸಿಬಿ, ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ಕೆ) ಸೇರಿದಂತೆ ಬಹುತೇಕ ತಂಡಗಳ ಆಟಗಾರರು ಕ್ವಾರಂಟೈನ್ ಅವಧಿ ಶುರುಮಾಡಿವೆ. ಸೆ.19 ರಿಂದ ಆರಂಭವಾಗಲಿರುವ 13ನೇ ಲೀಗ್ಗೆ ಸ್ಟಾರ್ ಸ್ಪೋರ್ಟ್ಸ್ ನೇರ ಪ್ರಸಾರದ ಹಕ್ಕುಹೊಂದಿದೆ. ಕೋವಿಡ್-19 ಮಹಾಮಾರಿ ಜಾಗತಿಕವಾಗಿ ಆರ್ಥಿಕ ಹೊಡೆತ ನೀಡಿದೆ. ಆದರೆ, ಸ್ಟಾರ್ ಸ್ಪೋರ್ಟ್ಸ್ ಮಾತ್ರ ಜಾಹೀರಾತು ದರವನ್ನು ಕಡಿಮೆ ಮಾಡಿಲ್ಲ. ಪ್ರತಿ 10 ಸೆಕೆಂಡ್ಗಳ ಜಾಹೀರಾತಿಗೆ 8 ರಿಂದ 10 ಲಕ್ಷ ರೂಪಾಯಿ ಬೆಲೆ ನಿಗದಿಪಡಿಸಿದೆ. ಇದರಿಂದ ಒಟ್ಟಾರೆ 3 ಸಾವಿರ ಕೋಟಿ ರೂಪಾಯಿ ಆದಾಯದ ನಿರೀಕ್ಷೆಯಲ್ಲಿದೆ ಸ್ಟಾರ್ ವಾಹಿನಿ.
