ಟೆಸ್ಟ್ ಕ್ರಿಕೆಟ್​ ಆಡಲು ಭಾರಿ ತಯಾರಿಯ ಅವಶ್ಯಕತೆಯಿದೆ ಎಂದ ಭಾರತದ ಮಾಜಿ ನಾಯಕ| Test cricket

Test cricket: ಟೆಸ್ಟ್​ ಕ್ರಿಕೆಟ್​ನಲ್ಲಿ ಆಡಲು ಭಾರೀ ತಯಾರಿ ಹಾಗೂ ಹೆಚ್ಚು ಶ್ರಮಬೇಕಾಗುತ್ತದೆ ಹಾಗೂ ಈ ಮಾದರಿಯೂ ಹೆಚ್ಚು ಸವಾಲಿನಿಂದ ಕೂಡಿರುತ್ತದೆ ಎಂದು ಭಾರತದ ಮಾಜಿ ನಾಯಕ ರೋಹಿತ್ ಶರ್ಮಾ ಸೋಮವಾರ (ಆಗಸ್ಟ್ 25) ತಿಳಿಸಿದ್ದಾರೆ.

ಈ ಬಗ್ಗೆ CEAT ಕಾರ್ಯಕ್ರಮದಲ್ಲಿ ಪ್ಯಾನಲ್ ಚರ್ಚೆಯ ಸಂದರ್ಭದಲ್ಲಿ ಮಾತನಾಡಿದ ಶರ್ಮಾ, ಟೆಸ್ಟ್​ ಆಡಲು ನೀವು ಭಾರಿ ತಯಾರಿ ಮಾಡಿಕೊಳ್ಳಬೇಕಾಗುತ್ತದೆ. ಏಕೆಂದರೆ ಈ ಆಟವು ದೀರ್ಘಾಯುಷ್ಯವನ್ನು ಬಯಸುತ್ತದೆ ಎಂದು ರೋಹಿತ್​ಹೇಳಿದರು. ಅಲ್ಲದೆ, ವಿಶೇಷವಾಗಿ ಟೆಸ್ಟ್ ಮಾದರಿಯಲ್ಲಿ, ನೀವು ಐದು ದಿನ ಆಡಬೇಕಾಗುತ್ತದೆ. ಮಾನಸಿಕವಾಗಿ, ಇದು ತುಂಬಾ ಸವಾಲಿನದ್ದಾಗಿರುತ್ತದೆ. ಇದು ಬಳಲಿಕೆಯನ್ನೂ ಉಂಟುಮಾಡುತ್ತದೆ. ಆದರೆ ಎಲ್ಲಾ ಕ್ರಿಕೆಟಿಗರು ಪ್ರಥಮ ದರ್ಜೆ ಕ್ರಿಕೆಟ್ ಆಡುತ್ತಾ ಬೆಳೆದಿದ್ದಾರೆ ಎಂದು ತಿಳಿಸಿದ್ದಾರೆ.

ಮುಂದುವರೆದು ಮಾತನಾಡಿದ ಶರ್ಮಾ, ನಾವು ಸ್ಪರ್ಧಾತ್ಮಕ ಮಟ್ಟದಲ್ಲಿ ಕ್ರಿಕೆಟ್ ಆಡಲು ಪ್ರಾರಂಭಿಸಿದಾಗ, ಮುಂಬೈನಲ್ಲಿಯೂ ಸಹ, ಕ್ಲಬ್ ಕ್ರಿಕೆಟ್ ಪಂದ್ಯಗಳು ಎರಡು ದಿನಗಳು ಅಥವಾ ಮೂರು ದಿನಗಳವರೆಗೆ ನಡೆಯುತ್ತವೆ. ಟೆಸ್ಟ್​ ಅಭ್ಯಾಸವು ನಮಗೆ ಬಹಳ ಚಿಕ್ಕ ವಯಸ್ಸಿನಿಂದಲೇ ಪ್ರಾರಂಭವಾಗುತ್ತದೆ. ಇದು ನಿಮ್ಮ ಮುಂದೆ ಬರುವ ಸಂದರ್ಭಗಳನ್ನು ಹೇಗೆ ಪ್ರತಿಕ್ರಿಯಿಸಬೇಕು ಎಂಬುದನ್ನು ಕಲಿಸುತ್ತದೆ ಎಂದಿದ್ದಾರೆ.

ಇದನ್ನೂ ಓದಿ: ಪ್ರಧಾನಿ ನರೇಂದ್ರ ಮೋದಿ ಕುರಿತಾದ ಶೈಕ್ಷಣಿಕ ದಾಖಲೆ ಬಹಿರಂಗಪಡಿಸುವಂತಿಲ್ಲ; ದೆಹಲಿ ಹೈಕೋರ್ಟ್ ತೀರ್ಪು| PM Modi Degree

ನೀವು ಟೆಸ್ಟ್​ ಆನ್ನು ಆಡುವಾಗ ಏಕಾಗ್ರತೆಯು ಮುಖ್ಯವಾಗಿದೆ. ಏಕೆಂದರೆ, ನೀವು ಉನ್ನತ ಮಟ್ಟದ ಪ್ರದರ್ಶನದ ಬಗ್ಗೆ ಮಾತನಾಡುತ್ತಿದ್ದೀರಿ ಮತ್ತು ನೀವು ಉನ್ನತ ಮಟ್ಟದ ಪ್ರದರ್ಶನವನ್ನು ನಿರೀಕ್ಷಿಸುತ್ತಿರುವಾಗ, ಅದು ಸಾರ್ವಕಾಲಿಕ ಮಾನಸಿಕವಾಗಿ ನೀವು ಶಾಂತವಾಗಿರಬೇಕು ಎಂದು ತಿಳಿಸಿದ್ದಾರೆ.

ನಾನು ಮುಂಬೈ ಪರ ಆಡಲು ಪ್ರಾರಂಭಿಸಿ ನಂತರ ಭಾರತ ಪರ ಆಡಲು ಪ್ರಾರಂಭಿಸಿದಾಗ ಪಂದ್ಯಕ್ಕೆ ಮೊದಲು ನಾನು ಹೇಗೆ ತಯಾರಿ ನಡೆಸಿದೆ ಎಂಬುದರ ಮೇಲೆ ಹೆಚ್ಚಿನ ಗಮನ ಹರಿಸುತ್ತಿದ್ದೆ. ನನ್ನ ಹೆಚ್ಚಿನ ಸಮಯವನ್ನು ಆಟಕ್ಕೆ ನೀಡುತ್ತಿದ್ದೆ ಎಂದು ರೋಹಿತ್​ ಹೇಳಿದ್ದಾರೆ.

ಏಕೆಂದರೆ, ನಿಮ್ಮ ಕ್ರಿಕೆಟ್​ ಜೀವನ ಪ್ರಾರಂಭವಾದ ನಂತರ, ನಿಮ್ಮ ಮೇಲೆ ಎಸೆಯಲ್ಪಟ್ಟ ಯಾವುದೇ ವಿಷಯಕ್ಕೆ ನೀವು ಪ್ರತಿಕ್ರಿಯಿಸುತ್ತೀರಿ. ಅದು ಒತ್ತಡದ ಪರಿಸ್ಥಿತಿಯಾಗಿರಲಿ ಅಥವಾ ಮೈದಾನದಲ್ಲಿ ಬ್ಯಾಟ್‌ನಿಂದ ಸರಿಯಾದ ನಿರ್ಧಾರ ತೆಗೆದುಕೊಳ್ಳುತ್ತಿರಲಿ ಎಂದು ತಿಳೀಸಿದ್ದಾರೆ.

ಯಾವುದೇ ಕೆಲಸದ ತಯಾರಿಗಾಗಿ ಸಾಕಷ್ಟು ಸಮಯವನ್ನು ಮೀಸಲಿಡಬೇಕಾಗುತ್ತದೆ. ಇದು ಕ್ರಿಕೆಟ್‌ನಲ್ಲಿ ಮಾತ್ರವಲ್ಲ, ಎಲ್ಲಿಯಾದರೂ, ನೀವು ಜೀವನದಲ್ಲಿ ಏನೇ ಮಾಡಿದರೂ, ತಯಾರಿ ಮುಖ್ಯ ಎಂದು ನಾನು ಭಾವಿಸುತ್ತೇನೆ ಎಂದು ಆಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/bjp-slams-kerala-government-for-inviting-stalin-to-ayyappa-event-says-it-is-as-unrealistic-as-hitler-celebrating-jews