ಬೆಂಗಳೂರಿನಲ್ಲಿ ಸಂಭ್ರಮಿಸುವ ತರಾತುರಿ ಏನಿತ್ತು? RCB ಮ್ಯಾನೇಜ್​ಮೆಂಟ್​ಗೆ ಹಿಗ್ಗಾಮುಗ್ಗಾ ಜಾಡಿಸಿದ ಮಾಜಿ ಹಿರಿಯ ಕ್ರಿಕೆಟಿಗ

Bengaluru Stampede: ಜೂ.04ರಂದು ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸಂಭವಿಸಿದ ಕಾಲ್ತುಳಿತದಲ್ಲಿ 11 ಮಂದಿ ಮೃತಪಟ್ಟಿದ್ದು, ಅಭಿಮಾನಿಗಳ ಕುಟುಂಬಸ್ಥರ ಮನೆಗಳಲ್ಲಿ ಸೂತಕದ ಛಾಯೇ ಆವರಿಸಿದೆ. ಚೊಚ್ಚಲ ಐಪಿಎಲ್​ ಟ್ರೋಫಿ ಎತ್ತಿಹಿಡಿದ ಆರ್​ಸಿಬಿ ಗೆಲುವನ್ನು ಸಂಭ್ರಮಿಸಲು ಸ್ಟೇಡಿಯಂಗೆ ಧಾವಿಸಿದ ಅಭಿಮಾನಿಗಳು, ನೂಕುನುಗ್ಗಲು ಉಂಟಾದ ಹಿನ್ನೆಲೆ ಕಾಲ್ತುಳಿತಕ್ಕೆ ಬಲಿಯಾಗಿದ್ದಾರೆ.

ಇದನ್ನೂ ಓದಿ: ಗೃಹಲಕ್ಷ್ಮೀ ಸೌಲಭ್ಯ ಅರ್ಹ ಫಲಾನುಭವಿಗೆ ತಲುಪಿಸಿ: ಗ್ಯಾರಂಟಿ ಯೋಜನೆ ಅನುಷ್ಠಾನ ಪ್ರಾಧಿಕಾರದ ಅಧ್ಯಕ್ಷ ಚಿಕ್ಕಲಿಂಗಯ್ಯ ಸೂಚನೆ

ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಸಂಭವಿಸಿದ ಕಾಲ್ತುಳಿತದಲ್ಲಿ ಆರ್​ಸಿಬಿ ಅಭಿಮಾನಿಗಳ ಸಾವಿಗೆ ಆರ್​ಸಿಬಿ ಅಭಿಮಾನಿ ಬಳಗ, ಫ್ರಾಂಚೈಸಿ ಸೇರಿದಂತೆ ದೇಶದ ಜನತೆ ಕಂಬನಿ ಮಿಡಿದಿದೆ. ನಡೆಯಬಾರದ ಘನಘೋರ ದುರಂತಕ್ಕೆ 11 ಅಭಿಮಾನಿಗಳು ದಾರುಣವಾಗಿ ಸಾವನ್ನಪ್ಪಿದ್ದಾರೆ. ಈ ದುರ್ಘಟನೆ ಬೆನ್ನಲ್ಲೇ ಆರ್​ಸಿಬಿ ಮ್ಯಾನೇಜ್​ಮೆಂಟ್​ಗೆ ಹಿಗ್ಗಾಮುಗ್ಗಾ ಜಾಡಿಸಿರುವ ಟೀಮ್ ಇಂಡಿಯಾದ ಮಾಜಿ ಹಿರಿಯ ಕ್ರಿಕೆಟಿಗ ಮದನ್ ಲಾಲ್​, "ಪಂದ್ಯ ಗೆದ್ದ ಮರುದಿನವೇ ಬೆಂಗಳೂರಿನ ಸಂಭ್ರಮಾಚರಣೆ ಏಕೆ ಬೇಕಿತ್ತು?" ಎಂದು ಪ್ರಶ್ನಿಸಿದ್ದಾರೆ.

"11 ಜನರು ಮೃತಪಟ್ಟ ಸುದ್ದಿ ಕೇಳಿ ಭಾರೀ ಬೇಸರವಾಯಿತು. ಇದು ನಡೆಯಬಾರದಿತ್ತು. ಅಹಮದಾಬಾದ್​ನಲ್ಲಿ ಸಂಭ್ರಮ, ಸಡಗರ ಮಾಡಿದ್ದೀರಿ ತಾನೇ? ಮತ್ತೆ ಬೆಂಗಳೂರಿನಲ್ಲಿ ಸಂಭ್ರಮಿಸಲು ಅಷ್ಟು ಅರ್ಜೆಂಟ್​ ಏನಿತ್ತು. ಒಂದೆರೆಡು ದಿನಗಳ ಬಳಿಕ ಹೋಗಬಹುದಿತ್ತಲ್ವಾ? ಸಮಯ ಸರಿಯಾಗಿ ನಿಗದಿಪಡಿಸಿಕೊಂಡು ಯೋಜನೆ ಮಾಡಬೇಕಿತ್ತು. ಹಾಗೇನಾದರೂ ಮಾಡಿದಿದ್ದರೆ ಖಂಡಿತ ಇಂಥಾ ದುರ್ಘಟನೆ ಸಂಭವಿಸುತ್ತಿರಲಿಲ್ಲ" ಎಂದರು.

ಇದನ್ನೂ ಓದಿ: ಭಾರತ ವಿರುದ್ಧ ಮೊದಲ ಟೆಸ್ಟ್​ ಸರಣಿಗೆ ಇಂಗ್ಲೆಂಡ್ ತಂಡ ಪ್ರಕಟ; ಡೇಂಜರಸ್​ ಆಲ್​ರೌಂಡರ್​​ ಎಂಟ್ರಿ! ಇಲ್ಲಿದೆ ಆಟಗಾರರ ಪಟ್ಟಿ | ENG vs IND

ಸರ್ಕಾರ, ಆರ್​ಸಿಬಿ ಓನರ್​ ಮಿಸ್ಟೇಕ್​

"ಇಲ್ಲಿ ಫ್ರಾಂಚೈಸಿ ತಪ್ಪಿಸಿಕೊಳ್ಳುವಂತಿಲ್ಲ. ಇದು ಆರ್​ಸಿಬಿ ಮತ್ತು ಕಾರ್ಯಕ್ರಮ ಆಯೋಜಿಸಿದ ರಾಜ್ಯ ಸರ್ಕಾರದ ತಪ್ಪು. ಘಟನೆ ನಡೆದ ಮೇಲೂ ಆಟಗಾರರು ಕಪ್​ ಎತ್ತಿಕೊಂಡು ಸಂಭ್ರಮಿಸಿದ್ದಾರೆ. ಫ್ರಾಂಚೈಸಿ ಮಾಲೀಕರ ತಪ್ಪು ಬಹಳ ಸ್ಪಷ್ಟವಾಗಿ ಕಾಣುತ್ತಿದೆ. ಈ ಘಟನೆಯಲ್ಲಿ ಬಿಸಿಸಿಐ ಪಾತ್ರವಿಲ್ಲ. ಇದು ಸಂಪೂರ್ಣವಾಗಿ ಆರ್​ಸಿಬಿ ಮ್ಯಾನೇಜ್​ಮೆಂಟ್​​ನದ್ದು. ಭದ್ರತಾ ಪಡೆಯೊಂದಿಗೆ ಅವರು ಸಂಪರ್ಕದಲ್ಲಿರಬೇಕಿತ್ತು. ತಮ್ಮ ಪ್ರೀತಿ-ಪಾತ್ರರನ್ನು ಕಳೆದುಕೊಂಡ ಕುಟುಂಬಗಳಿಗೆ ಈಗ ಯಾರು ದಿಕ್ಕು?" ಎಂದು ಪ್ರಶ್ನಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/bengaluru-stampede-father-of-divyanshi-slams-state-govt