ದುಬೈ: ಚೆನ್ನೈ ಸೂಪರ್ ಕಿಂಗ್ಸ್ ಪ್ರಸಕ್ತ ಐಪಿಎಲ್ನಲ್ಲಿ ಉತ್ತಮ ಆರಂಭ ಕಂಡುಕೊಳ್ಳಲು ವಿಫಲವಾಗಿದೆ. ಟೂರ್ನಿಯಲ್ಲಿ ಇದುವರಗೂ ಆಡಿರುವ 4 ಪಂದ್ಯಗಳಲ್ಲಿ ಸತತ ಮೂರು ಸೋಲು ಕಂಡು, ಏಕೈಕ ಗೆಲುವು ದಾಖಲಿಸಿದೆ. ಶುಕ್ರವಾರ ರಾತ್ರಿ ನಡೆದ ಪಂದ್ಯದಲ್ಲಿ ಧೋನಿ ಬಳಗ 7 ರನ್ಗಳಿಂದ ಸನ್ರೈಸರ್ಸ್ ಹೈದರಾಬಾದ್ ತಂಡದ ಎದುರು ಶರಣಾಗಿತ್ತು. ಈ ಕುರಿತು ಪ್ರತಿಕ್ರಿಯಿಸಿರುವ ಭಾರತ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್, ತಮ್ಮ ವೆಬ್ ಶೋ ‘ವೀರು ಕೀ ಬೈಠಕ್’ನಲ್ಲಿ ಚೆನ್ನೈ ಟೆಸ್ಟ್ ಕಿಂಗ್ಸ್ ಎಂದು ಧೋನಿ ಬಳಗವನ್ನು ಕಾಲೆಳೆದಿದ್ದಾರೆ. ಹೈದರಾಬಾದ್ ತಂಡ ಗೆಲುವು ಕಂಡಿತೋ ಅಥವಾ ಚೆನ್ನೈ ಟೆಸ್ಟ್ ಕಿಂಗ್ಸ್ ನೆಟ್ ಅಭ್ಯಾಸ ಮಾಡಿತೆ ಎಂದು ವೀರೂ ಹೇಳಿದ್ದಾರೆ.
