ಅಂತಾರಾಷ್ಟ್ರೀಯ ಒಲಿಂಪಿಕ್​ ಸಮಿತಿಗೆ ಮೊದಲ ಬಾರಿ ಮಹಿಳಾ ಮುಖ್ಯಸ್ಥರ ಆಯ್ಕೆ!

ಕೋಸ್ಟಾ ನವಾರಿನೊ (ಗ್ರೀಸ್​): ಜಿಂಬಾಬ್ವೆಯ ಕ್ರಿಸ್ಟಿ ಕೋವೆಂಟ್ರಿ ಅಂತಾರಾಷ್ಟ್ರೀಯ ಒಲಿಂಪಿಕ್​ ಸಮಿತಿಯ (ಐಒಸಿ) ನೂತನ ಅಧ್ಯೆಯಾಗಿ ಆಯ್ಕೆಯಾಗಿದ್ದಾರೆ. 41 ವರ್ಷದ ಅವರು ಜಾಗತಿಕ ಒಲಿಂಪಿಕ್ಸ್​ ಆಡಳಿತ ಸಂಸ್ಥೆಯ ಸಾರಥ್ಯ ವಹಿಸುತ್ತಿರುವ ಮೊದಲ ಮಹಿಳೆ ಮತ್ತು ಆಫ್ರಿಕಾದ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಈಜುಗಾರ್ತಿಯಾಗಿ ಎರಡು ಒಲಿಂಪಿಕ್ಸ್​ಗಳಲ್ಲಿ ಸ್ಪರ್ಧಿಸಿ ತಲಾ ಒಂದು ಚಿನ್ನ, ಬೆಳ್ಳಿ, ಕಂಚಿನ ಪದಕ ಜಯಿಸಿರುವ ಕ್ರಿಸ್ಟಿ ಕೋವೆಂಟ್ರಿ ಜಿಂಬಾಬ್ವೆಯ ಹಾಲಿ ಕ್ರೀಡಾ ಸಚಿವೆಯೂ ಆಗಿದ್ದಾರೆ. ಅಧ್ಯಕ್ಷ ಹುದ್ದೆಗೆ ಒಟ್ಟು 7 ಅಭ್ಯರ್ಥಿಗಳು ಸ್ಪರ್ಧಿಸಿದ ಚುನಾವಣೆಯಲ್ಲಿ ಕ್ರಿಸ್ಟಿ ಕೋವೆಂಟ್ರಿ ತಮ್ಮ ಸಮೀಪದ ಪ್ರತಿಸ್ಪರ್ಧಿಗಿಂತ 100ಕ್ಕೂ ಅಧಿಕ ಮತಗಳನ್ನು ಪಡೆದು ವಿಜೇತರಾಗಿದ್ದಾರೆ.

ಕ್ರಿಸ್ಟಿ ಕೋವೆಂಟ್ರಿ ಐಒಸಿಯ 10ನೇ ಮುಖ್ಯಸ್ಥರಾಗಿದ್ದು, ಥಾಮಸ್​ ಬಾಷ್​ರಿಂದ ತೆರವಾದ ಸ್ಥಾನವನ್ನು ತುಂಬಲಿದ್ದಾರೆ. ಜರ್ಮನಿಯ ಥಾಮಸ್​ ಬಾಷ್​ 2013ರಿಂದ ಐಒಸಿ ಅಧ್ಯಕ್ಷರಾಗಿದ್ದರು. 2012ರಲ್ಲಿ ಅಥ್ಲೀಟ್ಸ್​ ಕಮಿಷನ್​ ಸದಸ್ಯೆಯಾಗಿ ಐಒಸಿ ಪ್ರವೇಶಿಸಿದ್ದ ಕ್ರಿಸ್ಟಿ, ಕಳೆದ 8 ವರ್ಷಗಳಿಂದ ಐಒಸಿ ಸದಸ್ಯೆಯಾಗಿದ್ದರು. 2023ರಲ್ಲಿ ಐಒಸಿ ಕಾರ್ಯಕಾರಿ ಸಮಿತಿ ಪ್ರವೇಶಿಸಿದ್ದರು.

https://www.vijayavani.net/https-www-vijayavani-net-another-honor-for-shubman-gill-on-the-heels-of-his-champions-trophy-win