ಆರಂಭಿಕ ಪಂದ್ಯದಲ್ಲಿ ಭಾರತ ವಿರುದ್ಧವೇ ಸೋತಿದ್ದ ಆಸೀಸ್, ನಂತರ ಆಫ್ರಿಕಾ ವಿರುದ್ಧವೂ ಸೋತಿತ್ತು. ಆರಂಭಿಕ 2 ಪಂದ್ಯಗಳ ಸೋಲಿನ ಬಳಿಕ ಸತತ 7 ಜಯದೊಂದಿಗೆ ಸೆಮೀಸ್ಗೇರಿದ್ದ ಆಸೀಸ್, ಸೆಮೀಸ್ನಲ್ಲಿ ಹರಿಣಗಳ ವಿರುದ್ಧ ಸೇಡು ತೀರಿಸಿಕೊಂಡಿತ್ತು. ಇದೀಗ ಭಾರತ ವಿರುದ್ಧವೂ ಲೀಗ್ ಹಂತದ ಸೋಲಿಗೆ ಸೇಡು ತೀರಿಸಿಕೊಂಡು 6ನೇ ಬಾರಿ ಪ್ರಶಸ್ತಿಗೆ ಮುತ್ತಿಕ್ಕುವ ಹಂಬಲ ಪ್ಯಾಟ್ ಕಮ್ಮಿನ್ಸ್ ಬಳಗದ್ದಾಗಿದೆ. ಏಕೈಕ ಪ್ರಮುಖ ಸ್ಪಿನ್ನರ್ (ಆಡಂ ಜಂಪಾ) ಇಟ್ಟುಕೊಂಡು ಭಾರತೀಯ ಪಿಚ್ನಲ್ಲಿ ಯಶಸ್ಸು ಕಂಡಿರುವ ಆಸೀಸ್, ಬ್ಯಾಟಿಂಗ್ ವಿಭಾಗದಲ್ಲೂ ಅಸ್ಥಿರ ನಿರ್ವಹಣೆ ನಡುವೆ ಪುಟಿದೆದ್ದಿದೆ. ಹೀಗಾಗಿ ಗಾಯಗೊಂಡ ಹುಲಿಯಂತಿರುವ ಕಾಂಗರೂಗಳನ್ನು ಯಾವುದೇ ಕಾರಣಕ್ಕೂ ಲಘುವಾಗಿ ಪರಿಗಣಿಸುವಂತಿಲ್ಲ.
