ಈತ ಪಾಂಡ್ಯ ಅಲ್ಲ ಬದಲಿಗೆ… ಹಾರ್ದಿಕ್​ ಹಿಡಿದ ಆ ಅಮೋಘ ಕ್ಯಾಚ್​​ಗೆ ಫ್ಯಾನ್ಸ್​ ಕೊಟ್ಟ ಹೆಸರಿದು! | Hardik

ನವದೆಹಲಿ: ಇತ್ತೀಚೆಗಷ್ಟೇ ನಡೆದ ಟೀಮ್ ಇಂಡಿಯಾ (Team India) ಮತ್ತು ಬಾಂಗ್ಲಾದೇಶ (Bangladesh) ನಡುವಿನ ಮೊದಲ ಟಿ20 ಪಂದ್ಯದಲ್ಲಿ ಬಾಂಗ್ಲಾ ಪಡೆಯನ್ನು 7 ವಿಕೆಟ್​ಗಳ ಅಂತರದಿಂದ ಮಣಿಸಿದ್ದ ಭಾರತ ತಂಡ ಇಂದು ನಡೆದ ಎರಡನೇ ಟಿ20 ಮ್ಯಾಚ್​ನಲ್ಲಿಯೂ ಅದ್ಭುತ ಪ್ರದರ್ಶನದ ಮೂಲಕ ಬಾಂಗ್ಲಾ ಪಡೆಯನ್ನು ಬಗ್ಗುಬಡಿಯುವಲ್ಲಿ ಯಶಸ್ವಿಯಾಗಿದೆ. ಮೊದಲ ಸೋಲಿನಿಂದಲೇ ಭಾರೀ ಮುಖಭಂಗ ಅನುಭವಿಸಿದ್ದ ಬಾಂಗ್ಲಾಗೆ ಈ ಸೋಲು ಮರೆಯದ ಕ್ಷಣವಾಗಿ ಮಾರ್ಪಟ್ಟಿದೆ. ಆದ್ರೆ, ಭಾರತಕ್ಕೆ ಹಾರ್ದಿಕ್​ ಪಾಂಡ್ಯ (Hardik Pandya) ಹಿಡಿದ ಕ್ಯಾಚ್​ ಸಖತ್ ಖುಷಿ ಕೊಟ್ಟಿದೆ.

ಇದನ್ನೂ ಓದಿ: ಶ್ರೀ ಲಕ್ಷ್ಮಣಾನಂದ ವಿವಿಧೋದ್ದೇಶ ಸಹಕಾರ ಸಂಘದ ಉಳ್ಳಾಲ ಶಾಖೆಯ ಸ್ಥಳಾಂತರ

ಅರುಣ್​ ಜೆಟ್ಲಿ ಸ್ಟೇಡಿಯಂನಲ್ಲಿ ನಡೆದ ಎರಡನೇ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದ ಬಾಂಗ್ಲಾದೇಶ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿತು. ಅದರಂತೆಯೇ ಮೊದಲು ಬ್ಯಾಟ್ ಮಾಡಿದ ಟೀಮ್ ಇಂಡಿಯಾ, 20 ಓವರ್​ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 221 ರನ್ ಕಲೆಹಾಕುವಲ್ಲಿ ಶಕ್ತವಾಯಿತು. ಇನ್ನು ಈ ಗುರಿಯನ್ನು ಬೆನ್ನಟ್ಟಿದ ಬಾಂಗ್ಲಾ ಪಡೆಯ ಬ್ಯಾಟರ್​​ಗಳು, ಅಂತಿಮವಾಗಿ ಗೆಲುವಿನ ದಡ ಸೇರುವಲ್ಲಿ ವಿಫಲರಾದರು. ಭಾರತದ ಬೌಲರ್​ಗಳಿಗೆ ಬೆದರಿದ ಬಂಗ್ಲಾದೇಶದ ಸ್ಟಾರ್​ ಬ್ಯಾಟ್ಸ್​ಮನ್​ಗಳು, ಕೊಟ್ಟ ಗುರಿಯನ್ನು ತಲುಪಲು ತೀವ್ರ ಪರದಾಡಿದರು. ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ ಪ್ರದರ್ಶನ ಕಣ್ತುಂಬಿಕೊಂಡ ಫ್ಯಾನ್ಸ್​, ಹಾರ್ದಿಕ್ ಪಾಂಡ್ಯ ಹಿಡಿದ ಆ ಒಂದು ಕ್ಯಾಚ್​ಗೆ ಫಿದಾ ಆಗಿ, ಇದೀಗ ಹೊಸ ಹೆಸರನ್ನೇ ಇಟ್ಟಿದ್ದಾರೆ.

ಕುಂಗ್ ಫೂ ಪಾಂಡ್ಯ!

222 ರನ್​ ಗುರಿಯನ್ನು ಬೆನ್ನತ್ತಿದ್ದ ಬಾಂಗ್ಲಾದೇಶ, ಬಹಳ ವೇಗವಾಗಿ ತಂಡದ 6 ಪ್ರಮುಖ ಬ್ಯಾಟರ್​ಗಳ ವಿಕೆಟ್​ಗಳನ್ನು ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಇನ್ನು ಈ ವೇಳೆ 13ನೇ ಓವರ್‌ನಲ್ಲಿ ಕ್ರೀಸ್​ನಲ್ಲಿದ್ದ ಬ್ಯಾಟರ್ ರಿಶಾದ್ ಹೊಸೈನ್, ವರುಣ್ ಚಕ್ರವರ್ತಿ ಎಸೆತದಲ್ಲಿ ಲಾಂಗ್ ಆನ್ ಆಡಲು ಯತ್ನಿಸಿದರು. ಬಾಲ್​ ಮೇಲೆ ಬೌಂಡರಿ ಲೈನ್​ನತ್ತ ಹೋಗುತ್ತಿದ್ದಂತೆ ಓಡಿದ ಪಾಂಡ್ಯ, ಅದ್ಭುತ ಕ್ಯಾಚ್​ ಹಿಡಿಯುವಲ್ಲಿ ಯಶಸ್ವಿಯಾದರು.

ವಿಡಿಯೋ ವೈರಲ್

ರಿಶಾದ್ ಹೊಸೈನ್ ಕೊಟ್ಟ ಕ್ಯಾಚ್​ ಹಿಡಿಯಲು ಒಂದೆಡೆ ಅಭಿಷೇಕ್ ಶರ್ಮ ಓಡಿ ಬಂದರೆ, ಮತ್ತೊಂದೆಡೆ ಹಾರ್ದಿಕ್ ಕೂಡ ಓಡಿ ಬಂದಿದ್ದಾರೆ. ಈ ಸಮಯದಲ್ಲಿ ಮೈದಾನದಲ್ಲಿದ್ದವರು ಇವರಿಬ್ಬರು ಮುಖಾಮುಖಿ ಡಿಕ್ಕಿಯಾಗಿ ಕ್ಯಾಚ್ ಕೈಚೆಲ್ಲಬಹುದು ಎಂದೇ ನಿರೀಕ್ಷಿಸಿದ್ದರು. ಆದ್ರೆ, ಮೊದಲು ಕೈಹಾಕಿ, ಯಶಸ್ವಿಯಾಗಿ ಕ್ಯಾಚ್ ಹಿಡಿದ ಹಾರ್ದಿಕ್ ಪಾಂಡ್ಯ, ಅಭಿಷೇಕ್​ಗೆ ಡಿಕ್ಕಿ ಹೊಡೆಯದೆ ಈ ಸಾಹಸ ಮಾಡಿದರು. ಇದು ಅಭಿಮಾನಿಗಳು ಹಾಗೂ ತಂಡವರ ಮುಖದಲ್ಲಿ ಮಂದಹಾಸ ಮೂಡಿಸಿತು. ಸದ್ಯ ಕ್ಯಾಚ್​ನ ವಿಡಿಯೋ ಸದ್ಯ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡಿದೆ,(ಏಜೆನ್ಸೀಸ್).

https://www.vijayavani.net/star-villain-is-now-a-popular-youtuber