ಅಮೆರಿಕ ವಿಶ್ವ ರ್ಯಾಂಕಿಂಗ್ನಲ್ಲಿ ಸದ್ಯ 15ನೇ ಸ್ಥಾನದಲ್ಲಿದ್ದರೂ, 1983ರಿಂದ ಭಾರತ ವಿರುದ್ಧ ಇದುವರೆಗೆ ಆಡಿದ 15 ಪಂದ್ಯಗಳಲ್ಲಿ 9ರಲ್ಲಿ ಗೆದ್ದ ದಾಖಲೆ ಹೊಂದಿದೆ. ಭಾರತ 4ರಲ್ಲಿ ಗೆದ್ದಿದ್ದು, 2ರಲ್ಲಿ ಡ್ರಾ ಸಾಧಿಸಿದೆ. ಹೀಗಾಗಿ ಭಾರತ ಗೆಲುವಿಗೆ ಶ್ರೇಷ್ಠ ನಿರ್ವಹಣೆಯನ್ನೇ ಹೊರಹೊಮ್ಮಿಸಬೇಕಾಗಿದೆ. ವಿಶ್ವ ನಂ. 9 ನ್ಯೂಜಿಲೆಂಡ್ ಭಾರತಕ್ಕೆ ಬಿ ಗುಂಪಿನಲ್ಲಿ ಪ್ರಬಲ ಎದುರಾಳಿ ಎನಿಸಿದೆ. ಅನುಭವಿ ಆಟಗಾರ್ತಿ ವಂದನಾ ಕಟಾರಿಯಾ ಗಾಯದಿಂದಾಗಿ ಅಲಭ್ಯರಾಗಿರುವುದು ಭಾರತಕ್ಕೆ ಟೂರ್ನಿಗೆ ಮುನ್ನ ಎದುರಾಗಿರುವ ಆಘಾತವಾಗಿದೆ. ಅವರ ಗೈರಿನಲ್ಲಿ ಲಾಲ್ರೆಮ್ಸಿಯಾಮಿ, ಸಂಗೀತಾ ಕುಮಾರಿ, ದೀಪಿಕಾ, ಬಲ್ಜೀತ್, ನಿಕ್ಕಿ ಪ್ರಧಾನ್, ಮೋನಿಕಾ, ನವನೀತ್ ಕೌರ್, ಸಲಿಮಾ ಟೆಟೆ ಮೇಲೆ ಹೆಚ್ಚಿನ ಜವಾಬ್ದಾರಿ ಇದೆ.
