ದುಬಾರಿ ಆಟಗಾರ ವೆಂಕಟೇಶ್​ ಅಯ್ಯರ್​ಗೆ ನಿರಾಸೆ; ಅಜಿಂಕ್ಯ ರಹಾನೆಗೆ ಕೆಕೆಆರ್ ಸಾರಥ್ಯ?

ಕೋಲ್ಕತ: ಆಲ್ರೌಂಡರ್​ ವೆಂಕಟೇಶ್​ ಅಯ್ಯರ್​ ಕಳೆದ ಐಪಿಎಲ್​ ಮೆಗಾ ಹರಾಜಿನಲ್ಲಿ ಅಚ್ಚರಿಯ 23.75 ಕೋಟಿ ರೂ.ಗಳಿಗೆ ಕೋಲ್ಕತ ನೈಟ್​ರೈಡರ್ಸ್​ ತಂಡಕ್ಕೆ ಮರಳಿದ್ದರು. ಇದರ ಬೆನ್ನಲ್ಲೇ ಕೆಕೆಆರ್​, ತಂಡದ ದುಬಾರಿ ಆಟಗಾರನಿಗೇ ನಾಯಕತ್ವವನ್ನೂ ನೀಡುವ ನಿರೀೆ ಮೂಡಿತ್ತು. ಆದರೆ ಇದೀಗ ಈ ಲೆಕ್ಕಾಚಾರ ತಲೆಕೆಳಗಾಗುವ ಸಾಧ್ಯತೆ ಕಾಣಿಸಿದೆ. ಅನುಭವಿ ಬ್ಯಾಟರ್​ ಅಜಿಂಕ್ಯ ರಹಾನೆ ಮುಂದಿನ ಐಪಿಎಲ್​ ಆವೃತ್ತಿಗೆ ಕೆಕೆಆರ್​ ತಂಡದ ನಾಯಕರಾಗಿ ನೇಮಕಗೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.

ಮೆಗಾ ಹರಾಜಿನಲ್ಲಿ ಮೂಲಬೆಲೆ 1.5 ಕೋಟಿ ರೂ.ಗೆ ಕೆಕೆಆರ್​ ತಂಡ ಸೇರಿಕೊಂಡಿರುವ ರಹಾನೆ, ಭಾರತ ಟೆಸ್ಟ್​ ತಂಡ ಮತ್ತು ಮುಂಬೈ ರಣಜಿ ತಂಡಗಳ ನಾಯಕತ್ವ ವಹಿಸಿದ ಅನುಭವ ಹೊಂದಿದ್ದಾರೆ. 36 ವರ್ಷದ ರಹಾನೆ ಈ ಹಿಂದೆ 2018 ಮತ್ತು 2019ರ ಐಪಿಎಲ್​ನಲ್ಲಿ ರಾಜಸ್ಥಾನ ರಾಯಲ್ಸ್​ ತಂಡದ ನಾಯಕರಾಗಿದ್ದರು.

"ರಹಾನೆ ಕೆಕೆಆರ್​ ತಂಡದ ಹೊಸ ನಾಯಕರಾಗುವುದು ಶೇ. 90 ಖಚಿತಗೊಂಡಿದೆ. ನಾಯಕತ್ವ ನೀಡುವ ಉದ್ದೇಶದಿಂದಲೇ ಕೆಕೆಆರ್​ ತಂಡ ಹರಾಜಿನಲ್ಲಿ ಅವರನ್ನು ಖರೀದಿಸಿತ್ತು' ಎಂದು ಕೆಕೆಆರ್​ ಫ್ರಾಂಚೈಸಿ ಮೂಲಗಳು ತಿಳಿಸಿವೆ.

ಕೆಕೆಆರ್​ ತಂಡದ ಮುಖ್ಯ ಕೋಚ್​ ಚಂದ್ರಕಾಂತ್​ ಪಂಡಿತ್​ ಈ ಹಿಂದೆ ಮಧ್ಯಪ್ರದೇಶ ರಣಜಿ ತಂಡದ ತರಬೇತುದಾರರಾಗಿದ್ದಾಗಲೂ ವೆಂಕಟೇಶ್​ ಅಯ್ಯರ್​ ಜತೆಗೆ ಕಾರ್ಯನಿರ್ವಹಿಸಿದ್ದರು. ಹೀಗಾಗಿ ವೆಂಕಟೇಶ್​ಗೆ ನಾಯಕತ್ವ ನೀಡುವ ನಿರೀೆ ಹೆಚ್ಚಿತ್ತು. ಹರಾಜಿನಲ್ಲಿ ಕೆಕೆಆರ್​ ತಂಡಕ್ಕೆ ಮರಳಿದ ಬೆನ್ನಲ್ಲೇ ವೆಂಕಟೇಶ್​ ಅಯ್ಯರ್​ ಕೂಡ ತಂಡದ ನಾಯಕತ್ವ ಜವಾಬ್ದಾರಿಯನ್ನೂ ವಹಿಸಿಕೊಳ್ಳಲು ಸಿದ್ಧ ಎಂದಿದ್ದರು.

https://www.vijayavani.net/england-lost-to-new-zealand-india-gets-benifits-in-icc-world-test-championship-final-race