ಟೋಕಿಯೊ: ಭಾರತದ ಈಕ್ವೆಸ್ಟ್ರಿಯನ್ ಪಟು ಫವಾದ್ ಮಿರ್ಜಾ ವೈಯಕ್ತಿಕ ವಿಭಾಗದಲ್ಲಿ 25 ಮಂದಿ ಪೈಕಿ 23ನೇ ಸ್ಥಾನ ಪಡೆದರು. ಒಟ್ಟಾರೆ 59.60 ಪೆನಾಲ್ಟಿ ಪಡೆದ ಫವಾದ್ ಮಿರ್ಜಾ, ನೀರಸ ನಿರ್ವಹಣೆಯಿಂದ ನಿರಾಸೆ ಅನುಭವಿಸಿದರು. ಇದೇ ವಿಭಾಗದಲ್ಲಿ ಜರ್ಮನಿಯ ಕ್ರೇಜೆವ್ಸ್ಕಿ ಜೂಲಿಯಾ (26ಪೆನಾಲ್ಟಿ) ಹಾಗೂ ಬ್ರಿಟನ್ನ ಮೆಕ್ಇವೆನ್ ಟಾಮ್ (29.40ಪೆನಾಲ್ಟಿ) ಹಾಗೂ ಆಸ್ಟ್ರೇಲಿಯಾದ ಹೊಯೆ ಆಂಡ್ರ್ಯು (29.60ಪೆನಾಲ್ಟಿ) ಕ್ರಮವಾಗಿ ಸ್ವರ್ಣ, ಬೆಳ್ಳಿ ಹಾಗೂ ಕಂಚಿನ ಪದಕ ಜಯಿಸಿದ್ದಾರೆ. ಇದಕ್ಕೂ ಮೊದಲು ಬೆಂಗಳೂರಿನ 29 ವರ್ಷದ ವಾದ್ ಮಿರ್ಜಾ ಕ್ರಾಸ್ ಕಂಟ್ರಿ ವಿಭಾಗದಲ್ಲಿ 22ನೇ ಸ್ಥಾನ ಅಲಂಕರಿಸಿದ್ದರೆ, ಡ್ರೆಸೆಜ್ನಲ್ಲಿ ಅಗ್ರ 10 ಸ್ಥಾನ ಪಡೆದಿದ್ದರು.
