ಸಾಕಷ್ಟು ನಿರಾಸೆಗಳ ಬಳಿಕವೂ ನೀವು ಹಿಂತಿರುಗಿದ ರೀತಿ, ನೀವು ಹೋರಾಡಿದ ರೀತಿ, ನಾವೆಲ್ಲ ಒಂದು ತಂಡವಾಗಿ ಕೆಲಸ ಮಾಡಿದ ರೀತಿ ನಿಜಕ್ಕೂ ಸ್ಮರಣೀಯವಾಗಿದೆ. ಜಯದ ಹತ್ತಿರ ಬಂದು ಸೋಲು ಅನುಭವಿಸಿದ ಕೆಲವು ನಿರಾಶೆ ಕ್ಷಣಗಳಿವೆ. ನಾವು ನಮ್ಮ ಗುರಿಯನ್ನು ಮುಟ್ಟಲು ಸಾಧ್ಯವಾಗಲಿಲ್ಲ. ಆದರೆ, ನಮ್ಮ ಹುಡುಗರ ತಂಡ ಏನು ಮಾಡಿದೆ, ನೀವೆಲ್ಲರೂ ಏನು ಮಾಡಿದ್ದೀರಿ, ಸಹಾಯಕ ಸಿಬ್ಬಂದಿಯಲ್ಲಿ ಎಲ್ಲರೂ ಏನು ಮಾಡಿದ್ದಾರೆ, ನಾವು ಪಟ್ಟ ಶ್ರಮ ಎಂಥದ್ದು, ನಾವು ಮಾಡಿದ ತ್ಯಾಗ ಎಲ್ಲವೂ ನಿಮಗೆ ತಿಳಿದಿದೆ. ನಾನು ಒಟ್ಟಾರೆಯಾಗಿ ಯೋಚಿಸುವುದೇನೆಂದರೆ, ನಿಮ್ಮಲ್ಲಿ ಪ್ರತಿಯೊಬ್ಬರ ಬಗ್ಗೆ ಮತ್ತು ನೀವು ಏನನ್ನು ಸಾಧಿಸಿದ್ದೀರಿ ಎಂಬುದರ ಬಗ್ಗೆ ಇಡೀ ದೇಶವು ನಿಜವಾಗಿಯೂ ಹೆಮ್ಮೆಪಡುತ್ತದೆ ಎಂದು ದ್ರಾವಿಡ್ ಹೇಳಿದರು.
