ರೋಹಿತ್ ಶರ್ಮ ಬಗ್ಗೆ ಮಾತನಾಡಿರುವ ಆಕಾಶ್ ಚೋಪ್ರಾ, ರೋಹಿತ್ ಓರ್ವ ಅದ್ಭುತ ನಾಯಕ. ಮುಂಬೈ ಇಂಡಿಯನ್ಸ್ಗೆ ಐದು ಐಪಿಎಲ್ ಟ್ರೋಫಿಗಳನ್ನು ನೀಡಿದ ಕೀರ್ತಿ ಅವರದು. ಅವರು ಇತ್ತೀಚೆಗೆ ಭಾರತಕ್ಕೆ ಟಿ20 ವಿಶ್ವಕಪ್ ನೀಡಿದ್ದಾರೆ. ಹಾಗಾಗಿ ಕಪಿಲ್ ದೇವ್ ಮತ್ತು ಎಂಎಸ್ ಧೋನಿ ಸಾಲಿಗೆ ಸೇರಿದ್ದಾರೆ. ನಾಯಕನಾದವನಿಗೆ ಇನ್ನೇನು ಬೇಕು? ರೋಹಿತ್ ಗೆದ್ದ ಈ ವಿಶ್ವಕಪ್ ದಶಕಗಳ ಕಾಲ ನೆನಪಿನಲ್ಲಿ ಉಳಿಯುತ್ತದೆ. ಹಿಟ್ಮ್ಯಾನ್ ನಾಯಕತ್ವದಲ್ಲಿ ಆಟಗಾರರಿಗೆ ಸಂಪೂರ್ಣ ಸ್ವಾತಂತ್ರ್ಯವನ್ನು ನೀಡುತ್ತಾರೆ. ಆದ್ದರಿಂದಲೇ ಸಹ ಆಟಗಾರರು ರೋಹಿತ್ ಒಳ್ಳೆಯ ಮನುಷ್ಯ ಎನ್ನುತ್ತಾರೆ. ರೋಹಿತ್ ಶರ್ಮ 24 ಕ್ಯಾರೆಟ್ ಶುದ್ಧ ಚಿನ್ನ ಎಂದು ಆಕಾಶ್ ಚೋಪ್ರಾ ಕೊಂಡಾಡಿದರು. (ಏಜೆನ್ಸೀಸ್)
