ಕ್ರಿಕೆಟ್ನಿಂದ ನಿವೃತ್ತಿ ಘೋಷಿಸಿದ ಬಳಿಕ ನನ್ನ ಮುಂದೆ ಹಲವು ಆಯ್ಕೆಗಳಿದ್ದವು, ಆದರೆ, ಏನು ಮಾಡಬೇಕೆಂದು ತೋಚಲಿಲ್ಲ. ಆದರೆ, ಕಪಿಲ್ ದೇವ್ ನೀಡಿದ ಸಲಹೆಯನ್ನೇ ಅನುಸರಿಸಿದೆ ಎಂದು ಭಾರತ ಮಹಿಳಾ ತಂಡದ ಕೋಚ್ ಡಬ್ಲ್ಯು ರಾಮನ್ ಜತೆಗೆ ಯೂಟ್ಯೂಬ್ ಚಾನೆಲ್ನ ಇನ್ಸೈಡ್ ಔಟ್ ಕಾರ್ಯಕ್ರಮದಲ್ಲಿ ರಾಹುಲ್ ದ್ರಾವಿಡ್ ಈ ವಿಷಯ ಹೇಳಿಕೊಂಡಿದ್ದಾರೆ. ನಿವೃತ್ತಿಯಂಚಿನಲ್ಲಿ ನಾನು ಗೊಂದಲದಲ್ಲಿದ್ದಾಗ ಕಪಿಲ್ ದೇವ್ ನನ್ನ ಬಳಿ ಬಂದು, ಯಾವುದನ್ನು ಏಕಾಏಕಿ ಒಪ್ಪಿಕೊಳ್ಳಬೇಡ, ಕೆಲವರ್ಷಗಳ ಕಾಲ ವಿವಿಧ ವಿಭಾಗಗಳಲ್ಲಿ ಕಾರ್ಯನಿರ್ವಹಿಸು, ಬಳಿಕವಷ್ಟೇ ನಿನಗೆ ಯಾವುದು ಇಷ್ಟ ಅದನ್ನು ಆಯ್ಕೆ ಮಾಡಿಕೊ ಎಂದು ಸಲಹೆ ನೀಡಿದರು. ನನ್ನ ಪಾಲಿಗೆ ಅದು ನಿಜಕ್ಕೂ ಉತ್ತಮ ಸಲಹೆಯಾಗಿತ್ತು ಎಂದು ರಾಹುಲ್ ಹೇಳಿದ್ದಾರೆ.
