ಇದನ್ನೆಲ್ಲ ಮೊದಲು ನಿಲ್ಲಿಸಿ! ತನ್ನ ಕಳಪೆ ಪ್ರದರ್ಶನಕ್ಕೆ ತಾನೇ ಕಾರಣ: ದಿಗ್ಗಜ ಕ್ರಿಕೆಟಿಗರಿಗೆ ಆಕಾಶ್ ಚೋಪ್ರಾ ತಿರುಗೇಟು | Virat Kohli

Virat Kohli: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಬಾರ್ಡರ್​ ಗವಾಸ್ಕರ್​ ಟ್ರೋಫಿಯ ಐದು ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಭಾರತ ಹೀನಾಯ ಸೋಲಿಗೆ ಶರಣಾಯಿತು. 3-1 ಅಂತರದಲ್ಲಿ ಆಸೀಸ್​ ಎದುರು ಸೋತ ಟೀಮ್ ಇಂಡಿಯಾ ಪರ ನಾಯಕ ರೋಹಿತ್ ಶರ್ಮ ಮತ್ತು ವಿರಾಟ್ ಕೊಹ್ಲಿ ಅತ್ಯಂತ ಕಳಪೆ ಪ್ರದರ್ಶನ ತೋರಿದರು. ಕ್ಯಾಪ್ಟನ್​ ಆಟ ಪ್ರದರ್ಶಿಸುವಲ್ಲಿ ರೋಹಿತ್ ಮುಗ್ಗರಿಸಿದರೆ, ಸರಣಿಯುದ್ದಕ್ಕೂ ವಿರಾಟ್​ ಕಳಪೆ ಫಾರ್ಮ್​ನಲ್ಲೇ ಇದ್ದರು. ಮೊದಲ ಟೆಸ್ಟ್​ನ ಎರಡನೇ ಇನ್ನಿಂಗ್ಸ್​ನಲ್ಲಿ ಶತಕ ಬಾರಿಸಿದ್ದು ಬಿಟ್ಟರೆ ಉಳಿದೆಲ್ಲಾ ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ತೋರಿದರು.

ಇದನ್ನೂ ಓದಿ: ದನಗಳಿಗೆ ಹಿಂಸೆ ಪ್ರಕರಣ: ಪ್ರಾಣಿ ಹಿಂಸೆ ಮಾಡುವುದು ಅಪರಾಧ, ತಪ್ಪಿತಸ್ಥರಿಗೆ ಶಿಕ್ಷೆ: ಸಿಎಂ | Cattle cruelty case

ಕೊಹ್ಲಿ ಬ್ಯಾಟಿಂಗ್​ನಲ್ಲಿ ಎಡವಿದ್ದಕ್ಕೆ ಹಾಗೂ ಕಳಪೆ ಫಾರ್ಮ್​​ ಹೊಂದಿದ್ದಕ್ಕೆ ಹೆಡ್​ ಕೋಚ್ ಗೌತಮ್ ಗಂಭೀರ್​ ಕಾರಣ ಎಂದು ಟೀಕಿಸಿ, ನೇರ ಹೊಣೆಗಾರಿಕೆ ಹೊರಿಸಿದ ಟೀಮ್ ಇಂಡಿಯಾದ ಮಾಜಿ ಹಿರಿಯ ಆಟಗಾರ ಸುನಿಲ್ ಗವಾಸ್ಕರ್​ ಮತ್ತು ಸಂಜಯ್ ಮಂಜ್ರೇಕರ್​ ವಿರುದ್ಧ ಮಾಜಿ ಕ್ರಿಕೆಟಿಗ ಆಕಾಶ್ ಚೋಪ್ರಾ ಗರಂ ಆಗಿದ್ದಾರೆ. ಗೌತಿ ಪರ ವಹಿಸಿಕೊಂಡು ಮಾತನಾಡಿದ ಆಕಾಶ್​, "ಸುನಿಲ್​ ಹಾಗೂ ಸಂಜಯ್ ಆರೋಪಗಳನ್ನು ನಾನು ಖಂಡಿಸುತ್ತೇನೆ. ಏಕೆಂದರೆ, ಕೊಹ್ಲಿ ಬ್ಯಾಟಿಂಗ್​ನಲ್ಲಿ ಎದುರಿಸುತ್ತಿರುವ ಆಫ್​ ಸ್ಟಂಪ್​ ಸಮಸ್ಯೆ ಇದೇ ಮೊದಲಲ್ಲ. ಇದು ಹೊಸ ವಿಷಯವು ಅಲ್ಲ" ಎಂದಿದ್ದಾರೆ.

"ಸುನಿಲ್​ ಗವಾಸ್ಕರ್ ಮತ್ತು ಸಂಜಯ್ ಇಬ್ಬರೂ ವಿರಾಟ್ ಕೊಹ್ಲಿ ಆಫ್-ಸ್ಟಂಪ್ ಸಮಸ್ಯೆ ಬಗ್ಗೆ ಮಾತನಾಡಿದ್ದಾರೆ. ವಿರಾಟ್​ ಎದುರಿಸುತ್ತಿರುವ ಸಮಸ್ಯೆಗಳನ್ನು ಕೋಚಿಂಗ್ ಸಿಬ್ಬಂದಿಯ ಭಾಗವಾಗಿರುವ ಅಭಿಷೇಕ್ ನಾಯರ್ ಮತ್ತು ಗೌತಮ್ ಗಂಭೀರ್ ಬಗೆಹರಿಸಬೇಕು. ಇವರಿಬ್ಬರು ಅವರ ಸಮಸ್ಯೆಯನ್ನು ನೋಡುತ್ತ ಕುಳಿತ್ತಿದ್ದಾರೆ? ಏನು ಮಾಡುತ್ತಿದ್ದಾರೆ? ಎಂದು ಪ್ರಶ್ನಿಸಿದ್ದಾರೆ. ಆದರೆ, ಕಳೆದ ಆರು ತಿಂಗಳಿನಿಂದ ಹೆಡ್​ ಕೋಚ್ ಸ್ಥಾನದಲ್ಲಿರುವ ಗಂಭೀರ್ ಇಲ್ಲಿ ಏನು ಮಾಡಲು ಸಾಧ್ಯ? ಅವ​ರನ್ನು ದೂಷಿಸುವುದು ಸರಿಯಲ್ಲ" ಎಂದು ಆಕಾಶ್​ ಹೇಳಿದ್ದಾರೆ.

ಇದನ್ನೂ ಓದಿ: ಯುವ ಉಡಾನ್​ ಯೋಜನೆ: ನಿರುದ್ಯೋಗಿಗಳಿಗೆ ತಿಂಗಳಿಗೆ 8,500 ರೂ.: ಕಾಂಗ್ರೆಸ್​ ಘೋಷಣೆ

"ಆರು ತಿಂಗಳಿನಿಂದ ಟೀಮ್ ಇಂಡಿಯಾದ ಹೆಡ್ ಕೋಚ್ ಆಗಿರುವ ಗೌತಿಯನ್ನು ನೀವು ದೂಷಿಸುತ್ತೀರಿ ಎಂದಾದರೆ, ಅದಕ್ಕೂ ಹಿಂದಿದ್ದ ಕೋಚಿಂಗ್ ಸಿಬ್ಬಂದಿಯನ್ನು ಕೂಡ ನೀವು ಹೊಣೆಗಾರರನ್ನಾಗಿ ಮಾಡಬೇಕು" ಎಂದು ಆಕಾಶ್​ ಗೌತಮ್ ಗಂಭೀರ್ ಪರ ಬ್ಯಾಟ್ ಬೀಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/skeleton-flower-turns-transparent

https://www.vijayavani.net/skeleton-flower-turns-transparent