CSKಗೆ ಬಂದವರೆಲ್ಲಾ ಅಷ್ಟು ಚೆನ್ನಾಗಿ ಆಡಲು ಹೇಗೆ ಸಾಧ್ಯ? ವೈರಲ್ ಆಗ್ತಿದೆ ನಿರೂಪಕರ ಪ್ರಶ್ನೆಗೆ ಧೋನಿ ಕೊಟ್ಟ ಸಖತ್ ಉತ್ತರ

ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಆವೃತ್ತಿಗೆ ಇದೀಗ ದಿನಗಣನೆ ಆರಂಭಗೊಂಡಿದ್ದು, ಟಿ-20 ಪಂದ್ಯಗಳನ್ನು ಆಡಲು 10 ಬಲಿಷ್ಠ ತಂಡಗಳು ಕೂಡ ಭರ್ಜರಿ ತಯಾರಿಗಳನ್ನು ಮಾಡಿಕೊಳ್ಳುವಲ್ಲಿ ಸದ್ಯ ಬ್ಯುಸಿಯಾಗಿದೆ. ಇದೆಲ್ಲದರ ಮಧ್ಯೆ ಕ್ರಿಕೆಟ್ ಅಭಿಮಾನಿಗಳ ಚಿತ್ತ ಮಾತ್ರ ಐದು ಬಾರಿ ಚಾಂಪಿಯನ್ ಪಟ್ಟ ಅಲಂಕರಿಸಿರುವ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಮೇಲಿದೆ. ಕಾರಣ, ಈ ಬಾರಿಯೂ ತಮ್ಮ ತಂಡಕ್ಕೆ ನಾಯಕರಾಗಿ 'ಕ್ಯಾಪ್ಟನ್​ ಕೂಲ್' ಮಹೇಂದ್ರ ಸಿಂಗ್ ಧೋನಿ ಕಣಕ್ಕಿಳಿಯಲಿದ್ದಾರೆ.

ಇದನ್ನೂ ಓದಿ: ಶಾಲಾ ತರಗತಿಗಳಲ್ಲಿ ಮೊಬೈಲ್ ಫೋನ್ ನಿಷೇಧ; ಬ್ರಿಟನ್ ಪ್ರಧಾನಿ ರಿಶಿ ಸುನಕ್

ಸದ್ಯ ಈ ವಿಷಯ ಅಪಾರ ಸಂಖ್ಯೆಯ ಕ್ರಿಕೆಟ್ ಫ್ಯಾನ್ಸ್ ಹಾಗೂ ಧೋನಿ ಅವರ ಅಭಿಮಾನಿಗಳಲ್ಲಿ ಭಾರೀ ಸಂತಸ ಮತ್ತು ಕಾತರವನ್ನು ಹೆಚ್ಚಿಸಿದೆ. ಐಪಿಎಲ್ ಇತಿಹಾಸದಲ್ಲಿ ಬಲಿಷ್ಠ ತಂಡ, ಅತ್ಯುತ್ತಮ ಆಟಗಾರರು, ಹುಚ್ಚೆದ್ದು ಕುಣಿಯುವ ಅಭಿಮಾನಿಗಳ ಬಳಗ ಹೊಂದಿರುವ ತಂಡವಾಗಿ ಗುರುತಿಸಿಕೊಂಡಿರುವ ಸಿಎಸ್​ಕೆಗೆ ಧೋನಿ ಅವರೇ ಕ್ಯಾಪ್ಟನ್ ಆಗಿ ಮುನ್ನಡೆಸಿಕೊಂಡು ಹೋಗಬೇಕು ಎಂಬ ನಿರೀಕ್ಷೆ ವ್ಯಾಪಕವಾಗಿ ವ್ಯಕ್ತವಾಗಿತ್ತು.

ಅದರಂತೆಯೇ ತಮ್ಮ 42ನೇ ವಯಸ್ಸಿನಲ್ಲೂ ಛಲ ಬಿಡದ ಎಂ.ಎಸ್​. ಧೋನಿ, ಯುವ ಆಟಗಾರರ ಮಧ್ಯೆ ಮತ್ತೊಮ್ಮೆ ಕ್ರೀಡಾಂಗಣಕ್ಕೆ ಇಳಿದು ಆಡಲಿರುವ ಬಗ್ಗೆ ದೃಢಪಡಿಸಿದರು. ಸಿಎಸ್​ಕೆ ನಾಯಕತ್ವ ಮುಂದುವರೆಸುವೆ ಎಂದು ಧೋನಿ ಖಚಿತ ಪಡಿಸಿದ್ದೇ ತಡ ಫ್ಯಾನ್ಸ್​ ಸದ್ಯ ಸಿಕ್ಕಾಪಟ್ಟೆ ಥ್ರಿಲ್ ಆಗಿದ್ದು, ಈ ಬಾರಿಯೂ ಚೆನ್ನೈ ಪ್ಲೇ-ಆಫ್​ಗೆ ಎಂಟ್ರಿ ಕೊಟ್ಟು, ಟ್ರೋಫಿ ಗೆಲ್ಲಲಿದೆ ಎಂದು ಭವಿಷ್ಯ ನುಡಿಯುತ್ತಿದ್ದಾರೆ. ಸದ್ಯ ಇದರ ಬೆನ್ನಲ್ಲೇ ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ಕ್ಯಾಪ್ಟನ್ ಕೂಲ್​ ನಿರೂಪಕರ ಪ್ರಶ್ನೆಗೆ ಕೊಟ್ಟ ಉತ್ತರ ಮಾತ್ರ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗ್ತಿದೆ.

ಇದನ್ನೂ ಓದಿ: ಪೊಲೀಸ್​ ಠಾಣೆಯಲ್ಲೇ ಗುಂಡು ಹಾರಿಸಿಕೊಂಡು ಸಾವಿಗೆ ಶರಣಾದ ಇನ್ಸ್​ಪೆಕ್ಟರ್​

ನಿರೂಪಕರು, "ಶೇನ್ ವ್ಯಾಟ್ಸಾನ್​, ಅಜಿಂಕ್ಯ ರಹಾನೆ, ಅಂಬಟಿ ರಾಯುಡು ಹೀಗೆ ಯಾವುದೇ ಆಟಗಾರರು ನಿಮ್ಮ ತಂಡಕ್ಕೆ ಬಂದರೆ ಅಷ್ಟು ಚೆನ್ನಾಗಿ ಆಡುತ್ತಾರೆ. ಎಲ್ಲರೂ ಉತ್ತಮವಾಗಿ ಪ್ರದರ್ಶನ ನೀಡಲು ಹೇಗೆ ಸಾಧ್ಯ?" ಎಂದು ಧೋನಿಗೆ ಕೇಳಿದರು. ಇದಕ್ಕೆ ಉತ್ತರಿಸಿದ ಮಿಸ್ಟರ್​ ಕೂಲ್​, "ಇದನ್ನು ನಾನು ಬಹಿರಂಗವಾಗಿ ಹೇಳಿದರೆ, ಯಾರೂ ಸಹ ನನ್ನನ್ನು ನೇಮಕ ಮಾಡಿಕೊಳ್ಳಲ್ಲ. ಹಾಗಾಗಿ, ದೊಡ್ಡ ಕಂಪನಿಗಳಂತೆ ನಾನೂ ಕೂಡ ಇದನ್ನು ರಹಸ್ಯವಾಗಿಯೇ ಇಡಲು ಬಯಸ್ತೀನಿ. ಅವರು ಹಾಗೇ ಅಲ್ವಾ, ತಮ್ಮ ರೆಸಿಪಿಯನ್ನು ಸಾರ್ವಜನಿಕರ ಮುಂದೆ ಬಿಟ್ಟುಕೊಡುವುದಿಲ್ಲ" ಎಂದು ಹೇಳಿದರು.

ಸದ್ಯ ಈ ಹೇಳಿಕೆಗೆ ನೆಟ್ಟಿಗರು ಫಿದಾ ಆಗಿದ್ದು, ಇಂತಹ ಕ್ವಿಕ್ ಅಂಡ್ ಸ್ಮಾರ್ಟ್​ ಉತ್ತರವನ್ನು ಧೋನಿ ಮಾತ್ರ ಕೊಡಲು ಸಾಧ್ಯ ಎಂದು ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/guess-this-person-who-is-between-two-star-actresses