ಗೋವಾದಲ್ಲಿ ಹೊಸ ವರ್ಷ ಆಚರಿಸಿದ ಧೋನಿ; ಪಾರ್ಟಿಯಲ್ಲಿ ಪತ್ನಿ ಸಾಕ್ಷಿ ಜೊತೆ ಸಖತ್​ ಸ್ಟೇಪ್ಸ್​​ ವಿಡಿಯೋ ವೈರಲ್​ | New Year

ಗೋವಾ:2025ರ ಹೊಸ ವರ್ಷವನ್ನು(New Year) ಕ್ರಿಕೆಟಿಗ ಎಂ.ಎಸ್​.ಧೋನಿ ಮತ್ತು ಪತ್ನಿ ಗೋವಾದಲ್ಲಿ ಅದ್ದೂರಿಯಾಗಿ ಸ್ವಾಗತಿಸಿದ್ದಾರೆ. ಬಳಿಕ ನಡೆದ ಪಾರ್ಟಿಯಲ್ಲಿ ಧೋನಿ ಮತ್ತು ಪತ್ನಿ ಸಾಕ್ಷಿ ಹೆಜ್ಜೆಹಾಕಿರುವ ವಿಡಿಯೋ ಇದೀಗ ವೈರಲ್​ ಆಗಿದೆ.

ಜ.1ರ ಮಧ್ಯರಾತ್ರಿ ಚೈನೀಸ್​ ಲ್ಯಾಂಟರ್ಸ್​​​ ಹಚ್ಚಿ ಆಕಾಶದೆತ್ತರಕ್ಕೆ ಬಿಡುವ ಮೂಲಕ ಹೊಸ ವರ್ಷವನ್ನು ತಮ್ಮ ಗೆಳೆಯರೊಂದಿಗೆ ಧೋನಿ ಆಚರಿಸಿದರು. ಈ ಸಂತೋಷದ ಕ್ಷಣವನ್ನುಪತ್ನಿ ಸಾಕ್ಷಿ ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಕಾಶ್ಯುವಲ್​ ಪ್ರಿಂಟೆಡ್​ ಟಿ-ಶರ್ಟ್​ ಮತ್ತು ಪ್ಯಾಂಟ್​ ಧರಿಸಿರುವ ಧೋನಿ ಪತ್ನಿ ಸಾಕ್ಷಿ ಮತ್ತು ಮಗಳು ಝೀವಾವೊಂದಿಗೆ ಪೋಸ್​ ನೀಡುತ್ತಿರುವ ಫೋಟೊಗಳು ಸದ್ದು ಮಾಡುತ್ತಿವೆ. ಅಲ್ಲದೆ, ಪೋಟೋಗಳನ್ನು ಅಭಿಮಾನಿಗಳು ಹಂಚಿಕೊಂಡು ಸಂತೋಷಪಟ್ಟಿದ್ದಾರೆ.

ಇದನ್ನೂ ಓದಿ: ಕೂಸಿನ ಮನೆ ಕೂಲಿಕಾರರ ಪಾಲಿನ ವರದಾನ: ತಾಪಂ ಇಒ ಎಚ್.ಜಿ.ಶ್ರೀನಿವಾಸ್ ಹೇಳಿಕೆ

ಸೋಮವಾರ ಸಂಜೆ ರಾಂಚಿ ವಿಮಾನ ನಿಲ್ದಾಣದಿಂದ ಗೋವಾಕ್ಕೆ ತೆರಳುತ್ತಿದ್ದ ಧೋನಿಯನ್ನು ಎಲ್ಲಿಗೆ ಹೊಗುತ್ತಿದ್ದಿರಿ ಧೋನಿ ಭಾಯ್​​ ಎಂದು ಸೋಷಿಯಲ್​ ಮೀಡಿಯಾ ಬಳಕೆದಾರರು ಕೇಳುವ ಮೂಲಕ ತಮ್ಮ ಮೊಬೈಲ್​ ಮೂಲಕ ರೇಕಾರ್ಡ್​ ಮಾಡಿಕೊಂಡಿದ್ದರು. ಇದೀಗ ಧೋನಿ ಭಾಯ್​ ಗೋವಾಗೆ ನ್ಯೂ ಇಯರ್​​ ಪಾರ್ಟಿ ಮಾಡಲು ತೆರಳಿದ್ದಾರೆ ಎಂದು ನೆಟ್ಟಿಗರು ಕಾಮೆಂಟ್​ ಮಾಡುತ್ತಿದ್ದಾರೆ.

ಇತ್ತೀಚಿಗಷ್ಟೆ ಧೋನಿ, ಕುಟುಂಬಸ್ಥರ ಜತೆ ಕ್ರಿಸ್​​ಮಸ್​ ಆಚರಿಸಿದ್ದರು. ಅಲ್ಲದೆ, ಸಂತಕ್ಲಾಸ್​ ಬಟ್ಟೆಗಳನ್ನು ಹಾಕಿಕೊಂಡು ಸಂತೋಷಪಟ್ಟಿದ್ದರು. ಬ್ಯೂಸಿ ಶೆಡ್ಯೂಲ್​ನಲ್ಲಿರುವ ಧೋನಿ 2020ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್​​ಗೆ ವಿದಾಯ ಹೇಳಿದ್ದರು. ಅಲ್ಲಿಂದ ಅಗ್ಗಾಗೆ ತಮ್ಮ ಕುಟುಂಬದ ಜತೆ ಸಮಯ ಮಿಸಲಿಟ್ಟಿರುವ ಮಹೇಂದ್ರ ಸಿಂಗ್​ ಸಂತೋಷದ ಕ್ಷಣಗಳನ್ನು ಕಳೆಯುವ ಮೂಲಕ ಸುದ್ದಿಯಲ್ಲಿರುತ್ತಾರೆ.

ಕ್ರಿಕೆಟ್​​ ವಿಚಾರಕ್ಕೆ ಬರುವುದಾದರೆ ಚೈನ್ನೈ ಸೂಪರ್​ ಕಿಂಗ್​ ಪರ ಆಡುತ್ತಿರುವ ಧೋನಿ 2025ರಲ್ಲಿ ಮತ್ತೊಮ್ಮೆ ಟ್ರೋಫಿಯ ಕಮಾಲ್​ ಮಾಡಿ ವಿದಾಯ ಹೇಳಲಿದ್ದಾರೆ ಎಂದು ವರದಿಗಳು ಉಲ್ಲೇಖಿಸಿವೆ. ಆದರೆ,ಇದರ ಬಗ್ಗೆ ಧೋನಿಯಾಗಲಿ ಅಥವಾ ಬೈನ್ನೈ ಪ್ರಾಂಚೈಸಿ ಆಗಲಿ ಎಲ್ಲೂ ಮಾತನಾಡಿಲ್ಲ. (ಏಜೆನ್ಸೀಸ್​).

https://www.vijayavani.net/do-you-know-which-country-will-be-the-first-and-last-to-welcome-the-new-year-2025