ರಾಂಚಿ ಟೆಸ್ಟ್​ನಲ್ಲಿ ದೇವದತ್​ ಪಡಿಕ್ಕಲ್​, ಆಕಾಶ್​ ದೀಪ್​ ಪದಾರ್ಪಣೆ?

ರಾಂಚಿ: ಸ್ಟಾರ್​ ವೇಗಿ ಜಸ್​ಪ್ರೀತ್​ ಬುಮ್ರಾಗೆ ಪ್ರವಾಸಿ ಇಂಗ್ಲೆಂಡ್​ ವಿರುದ್ಧದ 4ನೇ ಟೆಸ್ಟ್​ ಪಂದ್ಯದಿಂದ ವಿಶ್ರಾಂತಿ ನೀಡಿರುವ ಹಿನ್ನೆಲೆಯಲ್ಲಿ ಬಂಗಾಳದ ವೇಗಿ ಆಕಾಶ್​ ದೀಪ್​ಗೆ ರಾಂಚಿಯಲ್ಲಿ ಭಾರತ ತಂಡದ ಪರ ಪದಾರ್ಪಣೆಯ ಅವಕಾಶ ಲಭಿಸುವ ಸಾಧ್ಯತೆ ಇದೆ. ಜತೆಗೆ ರಜತ್​ ಪಾಟೀದಾರ್​ ಬದಲಿಗೆ ಕನ್ನಡಿಗ ದೇವದತ್​ ಪಡಿಕ್ಕಲ್​ ಕೂಡ ರಾಂಚಿಯಲ್ಲಿ ಟೆಸ್ಟ್​ ಪದಾರ್ಪಣೆ ಮಾಡುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.

ಇಂಗ್ಲೆಂಡ್​ ಲಯನ್ಸ್​ ವಿರುದ್ಧದ ಚತುರ್ದಿನ ಪಂದ್ಯದಲ್ಲಿ 10 ವಿಕೆಟ್​ ಕಬಳಿಸುವ ಮೂಲಕ ಟೀಮ್​ ಇಂಡಿಯಾದ ಕರೆ ಪಡೆದಿದ್ದ 27 ವರ್ಷದ ಆಕಾಶ್​, ಅದೇ ನಿರ್ವಹಣೆಯ ಆಧಾರದಲ್ಲಿ ಬಂಗಾಳದ ಮತ್ತೋರ್ವ ವೇಗಿ ಮುಕೇಶ್​ ಕುಮಾರ್​ರನ್ನು ಹಿಮ್ಮೆಟ್ಟಿಸಿ ಮೊಹಮದ್​ ಸಿರಾಜ್​ ಜತೆಗೆ ಹೊಸ ಚೆಂಡು ಹಂಚಿಕೊಳ್ಳುವ ನಿರೀೆ ಇದೆ. ಆಕಾಶ್​ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಇದುವರೆಗೆ 30 ಪಂದ್ಯಗಳಲ್ಲಿ 104 ವಿಕೆಟ್​ ಕಬಳಿಸಿದ್ದಾರೆ. ಕಾರ್ಯದೊತ್ತಡ ತಗ್ಗಿಸುವ ಸಲುವಾಗಿ ಬುಮ್ರಾಗೆ ಶುಕ್ರವಾರ ಆರಂಭಗೊಳ್ಳಲಿರುವ ರಾಂಚಿ ಟೆಸ್ಟ್​ನಿಂದ ವಿಶ್ರಾಂತಿ ನೀಡಲಾಗಿದೆ.

ಮಧ್ಯಪ್ರದೇಶದ ಪಾಟೀದಾರ್​ ಕಳೆದೆರಡು ಟೆಸ್ಟ್​ಗಳಲ್ಲಿ ಆಡಿದ 4 ಇನಿಂಗ್ಸ್​ಗಳಲ್ಲಿ ಕೇವಲ 46 ರನ್​ ಗಳಿಸಿದ್ದಾರೆ. ಹೀಗಾಗಿ ಭರ್ಜರಿ ಾಮ್​ರ್ನಲ್ಲಿರುವ ಪಡಿಕ್ಕಲ್​ಗೆ ಅವಕಾಶ ನಿರೀಸಲಾಗುತ್ತಿದೆ. 5 ಪಂದ್ಯಗಳ ಸರಣಿಯಲ್ಲಿ ಸದ್ಯ ಭಾರತ 2&1 ಮುನ್ನಡೆಯಲ್ಲಿದ್ದು, ರಾಂಚಿಯಲ್ಲೂ ಗೆದ್ದರೆ ಸರಣಿ ವಶಪಡಿಸಿಕೊಳ್ಳಲಿದೆ.

ರಾಂಚಿ ಟೆಸ್ಟ್​ಗೆ ಖಲಿಸ್ತಾನಿ ಉಗ್ರ ಬೆದರಿಕೆ

ರಾಂಚಿ: ಭಾರತ&ಇಂಗ್ಲೆಂಡ್​ ನಡುವಿನ ರಾಂಚಿ ಟೆಸ್ಟ್​ ಪಂದ್ಯವನ್ನು ರದ್ದುಗೊಳಿಸಬೇಕು, ಇಲ್ಲದಿದ್ದರೆ ಪಂದ್ಯಕ್ಕೆ ಅಡಚಣೆ ತರುತ್ತೇನೆ ಎಂದು ಖಲಿಸ್ತಾನಿ ಉಗ್ರ ಗುರುಪತ್ವಂತ್​ ಸಿಂಗ್​ ಪನ್ನು ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ಮೂಲಕ ಬೆದರಿಕೆ ಒಡ್ಡಿದ್ದಾನೆ. ಇದರ ಬೆನ್ನಲ್ಲೇ ಜಾರ್ಖಂಡ್​ ಪೊಲೀಸರು ಆತನ ವಿರುದ್ಧ ಎ್​ಐಆರ್​ ದಾಖಲಿಸಿಕೊಂಡಿದ್ದಾರೆ.

https://www.vijayavani.net/jyothi-yarraji-rewrites-own-nr-to-win-60m-hurdles-gold-at-asian-indoor-athletics-championships