ಡೆಲ್ಲಿ ಕ್ಯಾಪಿಟಲ್ಸ್​ ಕೋಚ್​ ಹುದ್ದೆಯಿಂದ ರಿಕಿ ಪಾಂಟಿಂಗ್​ ವಜಾ

ನವದೆಹಲಿ: 18ನೇ ಆವೃತ್ತಿಯ ಐಪಿಎಲ್​ ಶುರುವಾಗುವುದಕ್ಕೆ ಇನ್ನೂ ಬಹಳ ಸಮಯವಿದ್ದು, ಇದಕ್ಕೆ ಮುಂಚಿವತಾಗಿ ದೆಹಲಿ ಕ್ಯಾಪಿಟಲ್ಸ್​ ತಂಡದಲ್ಲಿ ಮಹತ್ವದ ಬದಲಾವಣೆ ಮಾಡಲಾಗಿದ್ದು, ಕೋಚ್​ ಹುದ್ದೆಯಿಂದ ಆಸ್ಟ್ರೇಲಿಯಾ ಕ್ರಿಕೆಟ್​ ತಂಡದ ಮಾಜಿ ನಾಯಕ ರಿಕಿ ಪಾಂಟಿಂಗ್​ರನ್ನು ವಜಾಗೊಳಿಸಲಾಗಿದೆ.

ರಿಕಿ ಪಾಂಟಿಂಗ್ ಕಳೆದ 7 ವರ್ಷಗಳಿಂದ ಡೆಲ್ಲಿ ಕ್ಯಾಪಿಟಲ್ಸ್​ ಕೋಚ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು. 17ನೇ ಆವೃತ್ತಿಯ ಐಪಿಎಲ್​ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ತಂಡವು ಪಾಯಿಂಟ್ಸ್​ ಟೇಬಲ್​ನಲ್ಲಿ ಆರನೇ ಸ್ಥಾನದಲ್ಲಿತ್ತು. ರಿಷಭ್​ ಪಂತ್​ ಕಮ್​​ಬ್ಯಾಕ್​ ಬಳಿಕ ಕಪ್​ ಗೆಲ್ಲುವ ವಿಶ್ವಾಸದೊಂದಿಗೆ ಕಣಕ್ಕಿಳಿದ ಡೆಲ್ಲಿ ಕ್ಯಾಪಿಟಲ್ಸ್​ ತಂಡವು ನೀರಸ ಪ್ರದರ್ಶನದಿಂದ ಹೊರಬಿದ್ದಿತ್ತು. ಈ ಬಗ್ಗೆ ಡೆಲ್ಲಿ ಕ್ಯಾಪಿಟಲ್ಸ್​ ತನ್ನ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಪೋಸ್ಟ್​ ಮಾಡಿದೆ.

ಇದನ್ನೂ ಓದಿ: ಅನಂತ್​-ರಾಧಿಕಾರನ್ನು ಹರಸಲು ಬಂತು ರಾಜಕೀಯ ನಾಯಕರ ದಂಡು; ಯಾರ್‍ಯಾರು ಭಾಗಿ? ಇಲ್ಲಿದೆ ಕಂಪ್ಲೀಟ್​ ಡೀಟೇಲ್ಸ್​​

ಸದ್ಯ ಕೇಳಿ ಬಂದಿರುವ ಮಾಹಿತಿ ಪ್ರಕಾರ ಕೋಚ್​ ಸ್ಥಾನವನ್ನು ಟೀಮ್​ ಇಂಡಿಯಾ ಮಾಜಿ ನಾಯಕ ಸೌರವ್​ ಗಂಗೂಲಿ ತುಂಬಲಿದ್ದಾರೆ ಎಂದು ತಿಳಿದು ಬಂದಿದ್ದು, ನಾಯಕನಾಗಿ ರಿಷಭ್​ ಪಂತ್​ ಮುಂದುವರೆಯಲಿದ್ದಾರೆ ಎಂದು ತಿಳಿದು ಬಂದಿದೆ. ಈ ಬಗ್ಗೆ ತಂಡದ ಮ್ಯಾನೇಜ್​ಮೆಂಟ್​ ಅಧಿಕೃತವಾಗಿ ಪ್ರಕಟಣೆ ಹೊರಡಿಸಬೇಕಿದೆ.

ಪಾಂಟಿಂಗ್​ ತರಬೇತಿಯಲ್ಲಿ ತಂಡವು 2019 (ಪ್ಲೇಆಫ್​), 2020 (ಫೈನಲ್​), 2021 (ಪ್ಲೇಆಫ್​) ಪ್ರವೇಶಿಸಿತ್ತು. ನೂತನ ಕೋಚ್​ ಹುಡುಕಾಟದಲ್ಲಿರುವ ಡೆಲ್ಲಿ ಕ್ಯಾಪಿಟಲ್ಸ್​ ಮ್ಯಾನೇಜ್​ಮೆಂಟ್​ ಯಾರನ್ನು ನೇಮಿಸಲಿದೆ ಎಂದು ಕಾದು ನೋಡಬೇಕಿದೆ.

https://www.vijayavani.net/15-year-old-stabs-instagram-friend-to-death-on-rivalry-over-chatting-with-a-girl

https://www.vijayavani.net/dont-know-which-source-gave-such-info-bcci-vp-rajeev-shukla-rubbishes-report-of-india-not-travelling-to-pakistan-for-champions-trophy-2025