ಟೂರ್ನಿಯಲ್ಲಿ 3ನೇ ಬಾರಿಗೆ 250ರ ಗಡಿ ದಾಟಿದ ಸನ್ರೈಸರ್ಸ್ 267 ರನ್ ಸವಾಲು ನೀಡಿತು. ಪ್ರತಿಯಾಗಿ ಡೆಲ್ಲಿ ಆರಂಭಿಕರಾದ ಡೇವಿಡ್ ವಾರ್ನರ್ (1) ಮತ್ತು ಪೃಥ್ವಿ ಷಾ (16) ವಿಕೆಟ್ ಬೇಗನೆ ಕಳೆದುಕೊಂಡರೆ, ಜೇಕ್ ಫ್ರೇಸರ್ ಮೆಕ್ಗುರ್ಕ್ (65) ಮತ್ತು ಅಭಿಷೇಕ್ ಪೊರೆಲ್ (42) 3ನೇ ವಿಕೆಟ್ಗೆ 30 ಎಸೆತಗಳಲ್ಲಿ 84 ರನ್ ಸೇರಿಸಿ ಡೆಲ್ಲಿ ಹೋರಾಟ ಜೀವಂತವಿಟ್ಟರು. ಈ ಜೋಡಿಯನ್ನು ಸ್ಪಿನ್ನರ್ ಮಯಾಂಕ್ ಮಾರ್ಕಂಡೆ (26ಕ್ಕೆ 2) ಡಗೌಟ್ಗೆ ಅಟ್ಟಿದರು. ಬಳಿಕ ವೇಗಿ ಟಿ. ನಟರಾಜನ್ (19ಕ್ಕೆ 4) ಡೆಲ್ಲಿ ಮಧ್ಯಮ ಕ್ರಮಾಂಕಕ್ಕೆ ಕಡಿವಾಣ ಹೇರಿದರು. ನಾಯಕ ರಿಷಭ್ ಪಂತ್ (44) ಹೋರಾಟ ಸೋಲಿನ ಅಂತರವನ್ನಷ್ಟೇ ತಗ್ಗಿಸಿತು.
