ಕೆಲವರು ಈ ಲೀಗ್​ನಲ್ಲಿ ಆಡಲೇ ಬಾರದಿತ್ತು! ದಕ್ಷಿಣ ಆಫ್ರಿಕಾ ಮಾಜಿ ವೇಗಿಯಿಂದ ಇದೆಂಥಾ ಮಾತು!? ಫ್ಯಾನ್ಸ್ ಕಿಡಿನುಡಿ | IPL 2025

IPL 2025: ಐಪಿಎಲ್​ 18ನೇ ಆವೃತ್ತಿ ಶುರುವಾದಗಿನಿಂದಲೂ ಮೈದಾನದಲ್ಲಿ ಒಂದಲ್ಲ ಒಂದು ರೋಮಾಂಚಕ ಕ್ಷಣಗಳು ನಡೆಯುತ್ತಿವೆ. ಬೃಹತ್ ರನ್​ ದಾಖಲೆ, ಅದ್ಭುತ ಚೇಸಿಂಗ್​, ಅಮೋಘ ಕ್ಯಾಚ್​, ಸ್ಫೋಟಕ ಇನ್ನಿಂಗ್ಸ್​, ಕಣ್ಮಿಂಚಿನ ಸ್ಟಂಪಿಂಗ್ಸ್​, ಶತಕಗಳ ದಾಖಲೆ ಸೇರಿದಂತೆ ಹಲವು ವಿಷಯಗಳು ಕ್ರಿಕೆಟ್​ ಪ್ರೇಮಿಗಳ ಗಮನ ಸೆಳೆಯುತ್ತಿವೆ. ಈ ಮಧ್ಯೆ ದಿಗ್ಗಜ ಬ್ಯಾಟರ್​ಗಳು ಮತ್ತು ದಾಖಲೆಗಳಿಗೆ ಸಾಕ್ಷಿಯಾದ ತಂಡಗಳು ಈ ಬಾರಿಯ ಐಪಿಎಲ್​ ಆವೃತ್ತಿಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡುತ್ತಿರುವುದು ಫ್ಯಾನ್ಸ್​ಗಳ ಬೇಸರ ಹಾಗೂ ಗೊಂದಲಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ನನ್ನ ಮಗಳನ್ನು ನಾನು ಹೇಗೆ ಕೊಲ್ಲಲಿ… ಸಾವಿಗೆ ಶರಣಾದ ತಂದೆಯ ಡೆತ್​ನೋಟ್ ನೋಡಿದ್ರೆ ಮನಕಲಕುತ್ತೆ! Love Marriage ​

ಕಳೆದ ಒಂದಷ್ಟು ಪಂದ್ಯಗಳಿಂದ ಸತತ ಸೋಲು ಅನುಭವಿಸುತ್ತಿರುವ ಚೆನ್ನೈ ಸೂಪರ್ ಕಿಂಗ್ಸ್ ಒಂದೆಡೆಯಾದರೆ, ಸೋಲು-ಗೆಲುವಿನ ಮಿಶ್ರ ಫಲವನ್ನು ನೋಡುತ್ತಿರುವ ಮುಂಬೈ ಇಂಡಿಯನ್ಸ್ ಮತ್ತೊಂದೆಡೆ​. ಇದು ತಂಡಗಳ ವಿಷಯವಾದರೆ. ಆ ತಂಡಗಳ ದಿಗ್ಗಜ ಬ್ಯಾಟರ್​ಗಳಾದ ರೋಹಿತ್​ ಶರ್ಮ ಮತ್ತು ಮಹೇಂದ್ರ ಸಿಂಗ್ ಧೋನಿ, ಈ ಆವೃತ್ತಿಯಲ್ಲಿ ತಮ್ಮ ಕಳಪೆ ಪ್ರದರ್ಶನವನ್ನು ಮುಂದುವರಿಸಿದ್ದಾರೆ. ಈ ಪೈಕಿ ರೋಹಿತ್ ಶರ್ಮ ಮುಂಚೂಣಿಯಲ್ಲಿದ್ದು, ಆಡಿದ ಅಷ್ಟು ಪಂದ್ಯಗಳಲ್ಲಿ ಕೇವಲ ಒಂದಂಕಿ ಸಂಖ್ಯೆಯ ರನ್​ಗಳನ್ನು ದಾಖಲಿಸಿರುವುದು ಟೀಕಾಕಾರರಿಗೆ ಅಸ್ತ್ರವಾಗಿದೆ.

ಐಪಿಎಲ್​ನ ಈ ಎಲ್ಲಾ ಬೆಳವಣಿಗೆಯನ್ನು ಗಮನಿಸಿ, ಜಾಲತಾಣದಲ್ಲಿ ಒಂದು ಪೋಸ್ಟ್​ ಹಾಕಿರುವ ದಕ್ಷಿಣ ಆಫ್ರಿಕಾದ ಮಾಜಿ ವೇಗಿ ಡೇಲ್ ಸ್ಟೇನ್, "ನಿಜವಾಗಿಯೂ ಈ ಲೀಗ್‌ನಲ್ಲಿ ಕೆಲವು ವ್ಯಕ್ತಿಗಳು ಇರಬಾರದಿತ್ತು" ಎಂದು ಬರೆದಿದ್ದಾರೆ. ಇಲ್ಲಿ ಯಾರ ಹೆಸರನ್ನೂ ಪರಿಗಣಿಸದೆ ಪರೋಕ್ಷವಾಗಿ ಟಾಂಗ್​ ಕೊಟ್ಟಿರುವ ಸ್ಟೇನ್, ಅಸಲಿಗೆ ಯಾರಿಗೆ ಹೇಳಿದರು? ಯಾವ ಆಟಗಾರನನ್ನು ಇಲ್ಲಿ ಉಲ್ಲೇಖಿಸಿದ್ದಾರೆ ಎಂಬ ಪ್ರಶ್ನೆಗಳು ನೆಟ್ಟಿಗರನ್ನು ಕಾಡಿದೆ. ಆದ್ರೆ, ಇದಕ್ಕೆ ಸೂಕ್ತ ಉತ್ತರ ಸಿಕ್ಕಿಲ್ಲ. ಕಾರಣ, ಇದರ ನಂತರದಲ್ಲಿ ಸ್ಟೇನ್​ ಯಾವ ರೀತಿಯಲ್ಲೂ ಸ್ಪಷ್ಟನೆ ನೀಡಿಲ್ಲ. ​

ಇದನ್ನೂ ಓದಿ: ನೋವು ಸಹಿಸಲಾಗದೆ ಮದ್ಯದ ಚಟಕ್ಕೆ ಬಿದ್ದೆ! ಐಟಂ ಡಾನ್ಸ್​ನಿಂದಲೇ ಪಡ್ಡೆ ಹುಡುಗರ ನಿದ್ದೆಗೆಡಿಸಿದ್ದ ಡಿಸ್ಕೋ ಶಾಂತಿ ಕರುಣಾಜನಕ ಕಥೆ..Disco Shanti

ಕೆಲವರು ಇದು ಖಂಡಿತ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ದಿಗ್ಗಜ ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿ ಅವರಿಗೆ ಹೇಳಿರುವುದು ಎಂದರೆ, ಇನ್ನೂ ಕೆಲವರು ಇಲ್ಲ, ಇದು ಮುಂಬೈ ಇಂಡಿಯನ್ಸ್​ ಮಾಜಿ ಕ್ಯಾಪ್ಟನ್​ ರೋಹಿತ್ ಶರ್ಮ ಅವರಿಗೆ ಸೂಚಿಸಿರುವುದು. ಏಕೆಂದರೆ, ಕಳೆದ ಪಂದ್ಯಗಳಲ್ಲಿ ರೋಹಿತ್ ತಮ್ಮ ಅಬ್ಬರದ ಬ್ಯಾಟಿಂಗ್​ ನಡೆಸಿಲ್ಲ, ತಂಡಕ್ಕೆ ಉತ್ತಮ ರನ್​ ಕೊಡುಗೆ ನೀಡಿಲ್ಲ ಎಂದು ಅಭಿಪ್ರಾಯಿಸಿದ್ದಾರೆ. ಇದನ್ನೂ ಮೀರಿ ಒಂದಷ್ಟು ಮಂದಿ, "ಇಲ್ಲಿ ಸ್ಟೇನ್, ರಿಷಭ್ ಪಂತ್, ಧ್ರುವ್ ಜುರೆಲ್, ಲಿವಿಂಗ್‌ಸ್ಟೋನ್, ದೇವದತ್ತ ಪಡಿಕ್ಕಲ್, ಧೋನಿ, ರೋಹಿತ್ ಶರ್ಮಾ ಬಗ್ಗೆ ಮಾತನಾಡುತ್ತಿದ್ದಾರೆ" ಎಂದು ಕಮೆಂಟ್ ಮಾಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/kavya-maran-celebrates-abhishek-sharma-century