IPL 2024: ಟ್ರೋಫಿ ಜತೆಗೆ ರುತುರಾಜ್​! '6ನೇ ಕಪ್​ ಬರುವುದು ಖಚಿತ', ಶುರುವಾಯ್ತು ಫ್ಯಾನ್ಸ್​ ಅಬ್ಬರ​

ಚೆನ್ನೈ: ಇಂಡಿಯನ್ ಪ್ರೀಮಿಯರ್ ಲೀಗ್​ 2024ರ ಆವೃತ್ತಿಗೆ ಈಗಾಗಲೇ ಅದ್ದೂರಿ ಚಾಲನೆ ದೊರೆತಿದ್ದು, ಗ್ರ್ಯಾಂಡ್ ಓಪನಿಂಗ್ ಕಾರ್ಯಕ್ರಮದಲ್ಲಿ ಬಾಲಿವುಡ್ ತಾರೆಯರು, ಗಾಯಕರ ಹಾಡು, ನೃತ್ಯ ಪ್ರದರ್ಶನ ನೋಡುಗರ ಗಮನ ಸೆಳೆಯಿತು. ಇನ್ನು ಈ ಬಾರಿಯ ಐಪಿಎಲ್​ನ ಕಿಕ್​ಸ್ಟಾರ್ಟ್​ ಪಂದ್ಯದಲ್ಲಿ ಫಾಫ್ ಡುಪ್ಲೆಸಿಸ್​ ನಾಯಕತ್ವದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (RCB) ಮತ್ತು ಐದು ಬಾರಿ ಚಾಂಪಿಯನ್​ ಪಟ್ಟ ಅಲಂಕರಿಸಿರುವ ರುತುರಾಜ್​ ಗಾಯಕ್ವಡ್ ಚೆನ್ನೈ ಸೂಪರ್ ಕಿಂಗ್ಸ್​ ತಂಡಗಳು​ ಮುಖಾಮುಖಿಯಾಗಿದ್ದು, ಟಾಸ್​ ಗೆದ್ದ ಆರ್​ಸಿಬಿ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದೆ.

ಇದನ್ನೂ ಓದಿ: ಈ ಲಾರ್ಜ್‌ಕ್ಯಾಪ್ ಪಿಎಸ್‌ಯುಗೆ ಇದೆ ನಿಮ್ಮನ್ನು ಶ್ರೀಮಂತರನ್ನಾಗಿ ಮಾಡುವ ಸಾಮರ್ಥ್ಯ: ಡಿವಿಡೆಂಡ್ ಕೂಡ ಅಧಿಕ; ಖರೀದಿಗೆ 20 ತಜ್ಞರ ಸಲಹೆ

ಇನ್ನು ಮಹೇಂದ್ರ ಸಿಂಗ್ ಧೋನಿ ಅವರ ಬದಲಿಗೆ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕನಾಗಿ ರುತುರಾಜ್ ಗಾಯಕ್ವಾಡ್ ಅಖಾಡಕ್ಕೆ ಇಳಿದಿದ್ದು, ಇಂದು ನಡೆದ ಅದ್ದೂರಿ ಐಪಿಎಲ್ ಓಪನಿಂಗ್ ಸಮಾರಂಭದಲ್ಲಿ ಐಪಿಎಲ್ ಟ್ರೋಫಿಯೊಂದಿಗೆ ಹೊರನಡೆದರು. ಸದ್ಯ ಟ್ರೋಫಿಯೊಂದಿಗೆ ಕ್ಯಾಪ್ಟನ್​ ರುತುರಾಜ್ ಫೋಟೋ​ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ಪಂದ್ಯಾವಳಿಯ ಆರಂಭಿಕ ಪಂದ್ಯಕ್ಕೂ ಮುಂಚಿತವೇ ಈ ಫೋಟೋಗೆ ಸಿಕ್ಕಾಪಟ್ಟೆ ಅಭಿಪ್ರಾಯಗಳು ಹರಿದುಬರುತ್ತಿವೆ.

ಈ ಬಾರಿಯ ಐಪಿಎಲ್​ ಆವೃತ್ತಿಯನ್ನು ವಶಪಡಿಸಿಕೊಳ್ಳಲಿರುವ ಸಿಎಸ್​ಕೆ, 6ನೇ ಸಲ ಕಪ್​ ಎತ್ತಲಿದೆ. ಚಾಂಪಿಯನ್ಸ್​ ಆಗಿ ಹೊರಹೊಮ್ಮಲಿದೆ ಎಂದು ಕ್ರಿಕೆಟ್​ ಅಭಿಮಾನಿಗಳು ಆಶಿಸಿದ್ದಾರೆ. ಈಗಿನ ವರದಿ ಪ್ರಕಾರ, ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಆರ್​ಸಿಬಿ 10 ಓವರ್​ಗೆ 4 ವಿಕೆಟ್​ ಕಳೆದುಕೊಂಡಿದೆ,(ಏಜೆನ್ಸೀಸ್).

https://www.vijayavani.net/sreeleela-fast-dance-moves-worries-few-heroes