ಕೊಹ್ಲಿ ಲೈಕ್ ಮಾಡಿದ ಆ ಜರ್ಮನ್​ ಸುಂದರಿ ಯಾರು? ನಾನು ಕೂಡ ಆರ್​ಸಿಬಿ ಅಭಿಮಾನಿ ಎಂದ ಲಿಜ್‌ಲಾಜ್! Virat Kohli Likes LizLaj

ವೈರಲ್​: ವಿರಾಟ್ ಕೊಹ್ಲಿ ಮೈದಾನದಲ್ಲಿ ಅಬ್ಬರಿಸಲಿ ಅಥವಾ ಬಿಡಲಿ, ಸೋಶಿಯಲ್ ಮೀಡಿಯಾದಲ್ಲಿ ಮಾತ್ರ ಸದಾ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗೆ ಕೊಹ್ಲಿ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಲಿಜ್‌ಲಾಜ್ (Virat Kohli Likes LizLaj) ಎಂಬ ಯುವತಿಯ ಫೋಟೋ ಒಂದನ್ನು ಲೈಕ್ ಮಾಡಿದ್ದರು. ಆದರೆ ಕೆಲವೇ ನಿಮಿಷಗಳಲ್ಲಿ ಅದನ್ನು ಅನ್‌ಲೈಕ್ ಮಾಡಿದ್ದರು. ಅಷ್ಟರಲ್ಲಾಗಲೇ ಇದು ನೆಟ್ಟಿಗರ ಕಣ್ಣಿಗೆ ಬಿದ್ದಿತ್ತು. ಇದರ ಬೆನ್ನಲ್ಲೇ ನಟಿ ಅವನೀತ್ ಕೌರ್ ವಿಚಾರವೂ ಸೇರಿಕೊಂಡು ದೊಡ್ಡ ಮಟ್ಟದ ಗೊಂದಲ ಸೃಷ್ಟಿಯಾಗಿತ್ತು.

ಈ ಇಡೀ ಘಟನೆಯ ಬಗ್ಗೆ ಮಾತನಾಡಿದ ಲಿಜ್‌ಲಾಜ್, ನಾನು ಬೆಳಿಗ್ಗೆ ಎದ್ದಾಗ ಅಕ್ಷರಶಃ ಆಘಾತಕ್ಕೊಳಗಾಗಿದ್ದೆ. ನನ್ನ ಡಿಎಂ (Direct Message) ಫುಲ್ ಆಗಿತ್ತು. ಕೊಹ್ಲಿ ಅವರು ನನ್ನ ಫೋಟೋ ಯಾವಾಗ ಲೈಕ್ ಮಾಡಿದರು ಎಂಬುದು ನನಗೂ ತಿಳಿದಿರಲಿಲ್ಲ. ಸುದ್ದಿಗಳ ಮೂಲಕವೇ ನಾನು ಇದನ್ನು ತಿಳಿದುಕೊಂಡೆ. ನನಗೆ ಇದರಿಂದ ತುಂಬಾ ಸಂತೋಷವಾಗಿದೆ ಎಂದು ಅವರು ಹೇಳಿದ್ದಾರೆ.

ಲಿಜ್‌ಲಾಜ್ ಮೂಲತಃ ದಕ್ಷಿಣ ಆಫ್ರಿಕಾದಲ್ಲಿ ಜನಿಸಿ, ಜರ್ಮನಿಯಲ್ಲಿ ಬೆಳೆದವರು. ಜರ್ಮನಿಯಲ್ಲಿ ಫುಟ್‌ಬಾಲ್ ಕ್ರೇಜ್ ಹೆಚ್ಚು, ಹೀಗಾಗಿ ಅವರಿಗೆ ಕ್ರಿಕೆಟ್ ಬಗ್ಗೆ ಹೆಚ್ಚೇನೂ ತಿಳಿದಿರಲಿಲ್ಲ. ಆದರೆ ಕಳೆದ ವರ್ಷ ಅವರು ತನ್ನ ಬೆಂಗಳೂರಿನ ಗೆಳೆಯನನ್ನು ಭೇಟಿ ಮಾಡಲು ಭಾರತಕ್ಕೆ ಬಂದಿದ್ದರಂತೆ.

ವಿರಾಟ್ ಕೊಹ್ಲಿ ತಮ್ಮ ಫೋಟೋ ಲೈಕ್ ಮಾಡಿ, ನಂತರ ಅನ್‌ಲೈಕ್ ಮಾಡಿದ ಬಗ್ಗೆ ಲಿಜ್‌ಲಾಜ್ ಅವರಿಗೆ ಬೇಸರವಿಲ್ಲವಂತೆ. ಬದಲಿಗೆ ಕೊಹ್ಲಿ ಬಗ್ಗೆ ಅವರಿಗೆ ಕನಿಕರ ಉಂಟಾಗಿದೆ. ಇಲ್ಲ, ನನಗೆ ಅವರ ಬಗ್ಗೆ ಸ್ವಲ್ಪ ವಿಷಾದ (Regret) ಎನಿಸಿತು. ಜನರು ಇಷ್ಟೊಂದು ಸೂಕ್ಷ್ಮವಾಗಿ ಗಮನಿಸಿ ಅದನ್ನು ದೊಡ್ಡ ಸುದ್ದಿ ಮಾಡುತ್ತಾರೆ ಎಂದು ನಾನು ಅಂದುಕೊಂಡಿರಲಿಲ್ಲ. ಬಹುಶಃ ಅವರು ತಪ್ಪಾಗಿ ಲೈಕ್ ಮಾಡಿರಬಹುದು. ಆದರೆ ಅವರು ನನ್ನ ಫೋಟೋ ಇಷ್ಟಪಟ್ಟಿದ್ದಕ್ಕೆ ನಾನು ಕೃತಜ್ಞಳಾಗಿದ್ದೇನೆ ಎಂದು ಲಿಜ್ ಹೇಳಿದ್ದಾರೆ.

ವ್ಲಾಗರ್ ಮತ್ತು ಸಂಗೀತಗಾರ್ತಿಯಾಗಿರುವ ಲಿಜ್‌ಲಾಜ್‌ಗೆ ಈಗ ಭಾರತದಲ್ಲಿ ಸಾಕಷ್ಟು ಫಾಲೋವರ್ಸ್ ಸಿಕ್ಕಿದ್ದಾರೆ. ನನಗೆ ಭಾರತದಲ್ಲಿ ಸಂಗೀತದ ಅವಕಾಶಗಳು ಸಿಕ್ಕರೆ ಖಂಡಿತ ಬರುತ್ತೇನೆ. ಈ ಬಾರಿಯ ಐಪಿಎಲ್ ನೋಡಲು ಮತ್ತೆ ಬೆಂಗಳೂರಿಗೆ ಬರುವ ಆಸೆಯಿದೆ ಎಂದು ಅವರು ಹೇಳಿದ್ದಾರೆ,(ಏಜನ್ಸೀಸ್​).