ಪ್ರಿಯಾಂಕಾ ಮಾತಿಗೆ ಅಮಿತ್​ ಶಾ ಮಂದಹಾಸ: ನನ್ನ ಕೈಲಾಗದ ಕೆಲಸವನ್ನು ನನ್ನ ತಂಗಿ ಮಾಡಿದ್ದಾಳೆ: ರಾಹುಲ್​ ಶ್ಲಾಘನೆ! Rahul Gandhi on Priyanka Gandhi

ನವದೆಹಲಿ: ಶುಕ್ರವಾರ (ಏ.17) ಎನ್​ಡಿಎ ನೇತೃತ್ವದ ಕೇಂದ್ರ ಸರ್ಕಾರ ಭಾರತದಲ್ಲಿ ಮಹಿಳೆಯರಿಗೆ ರಾಜಕೀಯದಲ್ಲಿ ಶೇ. 33 ರಷ್ಟು ಮೀಸಲಾತಿನ್ನು ನೀಡುವ ಮಸೂದೆಯ ಬಗ್ಗೆ ಸಂಸತ್ತಿನಲ್ಲಿ ಚರ್ಚೆ ನಡೆಯಿತು.

ಈ ಚರ್ಚೆಯಲ್ಲಿ ಭಾಗವಹಿಸಿದ್ದ ವಿರೋಧ ಪಕ್ಷದ ನಾಯಕ ರಾಹುಲ್​ ಗಾಂಧಿ (Rahul Gandhi on Priyanka Gandhi), ಸರ್ಕಾರದ ನಡೆಯನ್ನು ತೀವ್ರವಾಗಿ ಖಂಡಿಸುವ ಜೊತೆಗೆ ಸಹೋದರಿ ಪ್ರಿಯಾಂಕಾ ಗಾಂಧಿಯನ್ನು ಹೊಗಳಿದ್ದಾರೆ.

ಮಸೂದೆ ಕುರಿತು ಮಾತನಾಡುತ್ತಾ ರಾಹುಲ್​ ಗಾಂಧಿ, ನಾನು ನಿನ್ನ ಪ್ರಿಯಾಂಕಾ ಗಾಂಧಿ ಮಾತನಾಡಿದನ್ನು ನೋಡಿದೆ, ಪ್ರಿಯಾಂಕಾ ಗಾಂಧಿ ಮಾತಿಗೆ ಗೃಹಮಂತ್ರಿ ಅಮಿತ್​ ಶಾ ನಗೆ ಬೀರಿದರು. ನಾನು ಇಪ್ಪತ್ತು ವರ್ಷದಿಂದ ಮಾಡಲಾಗದ ಕೆಲಸವನ್ನು ಪ್ರಿಯಾಂಕಾ ಮಾಡಿದ್ದಾಳೆ. ಮುಂದಿನ ದಿನದಲ್ಲಿ ನಾನು ಕೂಡ ಪ್ರಿಯಾಂಕಾಳ ರೀತಿಯಲ್ಲಿಯೇ ಮಾತನಾಡಲಿದ್ದೆನೆ ಎಂದು ಹೇಳಿದ್ದಾರೆ.

ನಿನ್ನೆ ಮಹಿಳಾ ಮೀಸಲಾತಿ ಬಗ್ಗೆ ನಡೆದ ಚರ್ಚೆಯಲ್ಲಿ ಪ್ರಿಯಾಂಕಾ ಗಾಂಧಿ, ನಮ್ಮ ಗೃಹ ಮಂತ್ರಿಗಳ ಯೋಜನೆ ಹೇಗಿದೆ ಎಂದರೆ, ಸಾಕ್ಷಾತ್​ ಆಚಾರ್ಯ ಚಾಣಕ್ಯರೇ ಬದುಕಿದ್ದರೂ ನಿಮ್ಮ ರಾಜಕೀಯ ಕೂಟ ನೀತಿಯನ್ನು ನೋಡಿ ಆಶ್ಚರ್ಯ ಚಕಿತರಾಗುತ್ತಿದ್ದರು ಎಂದು ಹೇಳಿದರು. ಈ ಮಾತನ್ನು ಕೇಳಿಸಿಕೊಂಡ ಅಮಿತ್​ ಶಾ, ಜೋರಾಗಿ ನಕ್ಕಿದರು. ಈಗ ಈ ವಿಡಿಯೋ ಸೋಶಿಯಲ್​ ಮೀಡಿಯಾನಲ್ಲಿ ಫುಲ್​ ವೈರಲ್​ ಆಗುತ್ತಿದೆ.

ಮಸೂದೆ ಬಗ್ಗೆ ಮಾತನ್ನು ಪ್ರಾರಂಭಿಸಿದ ರಾಹುಲ್​, ಈ ಬಿಲ್​ ಮಹಿಳೆಯರನ್ನು ಸಬಲರನ್ನಾಗಿಸುವ ಮಸೂದೆಯಲ್ಲ, ಬದಲಾಗಿ ಭಾರತದ ಚುನಾವಣಾ ನಕ್ಷೆಯನ್ನು ಬದಲಿಸುವ ಮಸೂದೆಯಾಗಿದೆ ಎಂದು ಹೇಳಿದರು.

ಪ್ರತಿಯೊಬ್ಬರ ಜೀವನದಲ್ಲಿ ತಾಯಿ, ಸಹೋದರಿ ಹಾಗೂ ಹೆಂಡತಿ ಪ್ರಮುಖ ಪಾತ್ರವಹಿಸುತ್ತಾರೆ. ಆದರೆ ನನ್ನ ಮತ್ತು ಪ್ರಧಾನಿಗಳ ಜೀವನದಲ್ಲಿ ಈ ಹೆಂಡತಿ ಎನ್ನುವ ಅಂಶವಿಲ್ಲ ಎಂದು ಹೇಳಿದರು. ಪ್ರಾರಂಭದಲ್ಲಿ ಈ ಹೇಳಿಕೆ ಹಾಸ್ಯಮಯವಾಗಿ ಕಂಡರೂ ಈಗ ಇದು ವಿವಾದಾತ್ಮಕ ಹೇಳಿಕೆಯಾಗಿ ರೂಪುಗೊಂಡಿದೆ.

ಈ ಮಸೂದೆ ಜಾರಿಯಾದರೆ ದೇಶದಲ್ಲಿರುವ ಓಬಿಸಿ, ಆದಿವಾಸಿ ಹಾಗೂ ಅಲ್ಪಸಂಖ್ಯಾತ ಮಹಿಳೆಯರ ಪ್ರಾತಿನಿಧ್ಯ ಕಡಿಮೆಯಾಗುವ ಸಧ್ಯತೆಯಿದೆ. ಕಾಂಗ್ರೆಸ್​ ಮಹಿಳಾ ಮೀಸಲಾತಿಯನ್ನು ವಿರೋಧಿಸುವುದಿಲ್ಲ, ಆದರೆ ಇದು ಸಬಲೀಕರಣಕ್ಕಿಂತ ರಾಜಕೀಯ ಸಮೀಕರಣದ ಮಸೂದೆಯಾಗಿದೆ ಎಂದು ರಾಹುಲ್​ ಹೇಳಿದರು,(ಏಜನ್ಸೀಸ್​).