ಸೋಲಿನ ನೋವಿನಲ್ಲೂ ಕೊಹ್ಲಿಯ ಹೃದಯವಂತಿಕೆ!
ಮೌಂಟ್ ಮೌಂಗನುಯಿಯ ಬೇ ಓವಲ್ ಮೈದಾನದಲ್ಲಿ ನಡೆದ ನಾಲ್ಕನೇ ಏಕದಿನ ಪಂದ್ಯ ಭಾರತೀಯ ಅಭಿಮಾನಿಗಳಿಗೆ ನಿಜಕ್ಕೂ ಕಹಿ ನೆನಪಾಗಿ ಉಳಿಯಿತು. ಪಂದ್ಯ ಮುಗಿದ ಬಳಿಕ ಇಡೀ ಭಾರತೀಯ ಪಾಳಯದಲ್ಲಿ ಸೋಲಿನ ನಿರಾಸೆ ಮನೆಮಾಡಿತ್ತು. ಆದರೆ, ಈ ಬೇಸರವನ್ನೆಲ್ಲಾ ಬದಿಗಿಟ್ಟ ವಿರಾಟ್ ಕೊಹ್ಲಿ, ನೇರವಾಗಿ ನ್ಯೂಜಿಲೆಂಡ್ ಬೌಲರ್ ಮ್ಯಾಟ್ ಹೆನ್ರಿ ಬಳಿ ತೆರಳಿದ್ದಾರೆ.
ತಮ್ಮ ಸಹಿಯುಳ್ಳ ಭಾರತೀಯ ತಂಡದ ಜೆರ್ಸಿಯನ್ನು ಹೆನ್ರಿ ಕೈಗಿತ್ತ ಕೊಹ್ಲಿ, ಅವರ ಅದ್ಭುತ ಬೌಲಿಂಗ್ ಪ್ರದರ್ಶನವನ್ನು ಬೆನ್ನುತಟ್ಟಿ ಅಭಿನಂದಿಸಿದ್ದಾರೆ. ಫಲಿತಾಂಶ ಏನೇ ಇರಲಿ, ಎದುರಾಳಿ ಆಟಗಾರನಿಗೆ ಗೌರವ ನೀಡುವ ಕೊಹ್ಲಿಯ ಈ ನಡೆ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಅಭಿಮಾನಿಗಳು "ಕಿಂಗ್ ಕೊಹ್ಲಿ ಯಾವಾಗಲೂ ಗ್ರೇಟ್" ಎಂದು ಕೊಂಡಾಡುತ್ತಿದ್ದಾರೆ.
