ನಮ್ಮ ಸಿಂಹಗಳು ಮತ್ತೊಮ್ಮೆ ಘರ್ಜಿಸಿದವು! ಸತತ ಎರಡನೇ ಭಾರಿ ಆರ್​ಸಿಬಿ ಚಾಂಪಿಯನ್​; ಮಾಜಿ ಮಾಲೀಕ ವಿಜಯ್ ಮಲ್ಯ ಸಂಭ್ರಮ! Vijay Mallya on RCB Victory

ಲಂಡನ್​: ಭಾನುವಾರ (ಮೇ.31) ಅಹಮದಾಬಾದ್​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ 2026 ರ ಐಪಿಎಲ್ ಫೈನಲ್​ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಗುಜರಾತ್​ ಟೈಟಾನ್ಸ್​ ತಂಡವನ್ನು ಸೋಲಿಸಿ ಸತತ ಎರಡನೇ ಭಾರಿಗೆ ಚಾಂಪಿಯನ್ಸ್ ಆಗಿ ಹೊರಹೊಮ್ಮಿದ್ದಾರೆ.

ಈ ಅಭೂತಪೂರ್ವ ಗೆಲುವಿಗೆ ದೇಶದಾದ್ಯಂತ, ವಿಶೇಷವಾಗಿ ಕರ್ನಾಟಕದಲ್ಲಿ ಸಂಭ್ರಮದ ವಾತಾವರಣ ನಿರ್ಮಾಣವಾಗಿದೆ. ಈಗ ಈ ಗೆಲುವಿಗೆ ಪ್ರತಿಕ್ರಿಯೆ ನೀಡುವ ಮೂಲಕ ತಂಡದ ಮಾಜಿ ಮಾಲೀಕ ವಿಜಯ್​ ಮಲ್ಯ (Vijay Mallya on RCB Victory) ಮತ್ತೆ ಮುನ್ನಲೆಗೆ ಬಂದಿದ್ದಾರೆ.

ಸತತ ಎರಡನೇ ಭಾರಿಗೆ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡ ಐಪಿಎಲ್​ ಟ್ರೋಫಿಯನ್ನು ಎತ್ತಿ ಹಿಡಿದಿದ್ದು, ಈ ಗೆಲುವನ್ನು ಸಂಭ್ರಮಿಸಿರುವ ಮಾಜಿ ಮಾಲೀಕ ವಿಜಯ್​ ಮಲ್ಯ ನಮ್ಮ ​ ದೊಡ್ಡ ಸಿಂಹಗಳು ಮತ್ತೊಮ್ಮೆ ಘರ್ಜಿಸಿವೆ ಎಂದು ಸೋಷಿಯಲ್​ ಮೀಡಿಯಾ ವೇದಿಕೆ ಎಕ್ಸ್​ (ಟ್ವಿಟರ್​) ನಲ್ಲಿ ಬರೆದುಕೊಂಡಿದ್ದಾರೆ.

2008 ರಲ್ಲಿ ಪ್ರಾರಂಭವಾದ ಐಪಿಎಲ್​ನಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವನ್ನು ಅಂದಿನ ಯುನೈಟೆಡ್​ ಸ್ಪಿರಿಟ್ಸ್​ನ ಮುಖ್ಯಸ್ಥನಾಗಿದ್ದ ವಿಜಯ್​ ಮಲ್ಯ ಸುಮಾರು 450 ಕೋಟಿ ರೂಪಾಯಿಗೆ ಖರೀದಿಸಿದ್ದರು.

2016 ರಲ್ಲಿ ಯುನೈಟೆಡ್​ ಸ್ಪಿರಿಟ್ಸ್​ನಿಂದ ಹೊರಬಂದ ಮಲ್ಯನ ಕೈಯಿಂದ ಆರ್​ಸಿಬಿ ತಂಡ, ಬ್ರಿಟನ್​ ಮೂಲದ ಡಿಯಾಗೋ ಗ್ರೂಪ್​ನ ಕೈಸೇರಿತು. ಪ್ರಸ್ತುತ ಸುಮಾರು 16,660 ಕೋಟಿ ರೂಪಾಯಿಗೆ ಆದಿತ್ಯ ಬಿರ್ಲಾ ಗ್ರೂಪ್​ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವನ್ನು 2026 ರಲ್ಲಿ ಖರೀದಿಸಿದೆ.

ಈ ಭಾರಿಯ ಐಪಿಎಲ್​ ಸೀಸನ್ನಿನ ಹಾಟ್​ ಫೇವರೆಟ್​ ಟೀಮ್​ ಆಗಿದ್ದ ಆರ್​ಸಿಬಿ ತಂಡ, ಗುಜರಾತ್​ ಟೈಟಾನ್ಸ್ ತಂಡವನ್ನು ತವರಿನಲ್ಲಿಯೇ ಸೋಲಿಸಿ, ಸತತ ಎರಡನೇ ಭಾರಿಗೆ ಚಾಂಪಿಯನ್​ ಪಟ್ಟವನ್ನು ಅಲಂಕರಿಸಿ, ಈ ಸಲಾನೂ ಕಪ್​ ನಮ್ದೇ ಎಂದು ಬೀಗಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಗುಜರಾತ್​ ತಂಡ ಉತ್ತಮ ಆರಂಭವನ್ನು ಪಡೆಯುದ ಕಾರಣ ಹಾಗೂ ಬ್ಯಾಟ್ಸ್​ಮನ್​ಗಳ ವಿಫಲ ಪ್ರದರ್ಶನದ ಹಿನ್ನಲೆ ದೊಡ್ಡ ಮೊತ್ತವನ್ನು ಕಲೆಹಾಕುವಲ್ಲಿ ವಿಫಲಾಯಿತು.

ಸೀಮಿತ 20 ಓವರ್​ಗಳಲ್ಲಿ 8 ವಿಕೆಟ್​ಗಳ ನಷ್ಟಕ್ಕೆ ಕೇವಲ 155 ಗಳಿಸಿದ ಗುಜರಾತ್​ ಪರ ವಾಷಿಂಗ್​ಟನ್​ ಸುಂದರ್​ ಅಜೇಯ 50 ಗಳಿಸಿದರೆ ಇನ್ಯಾರಿಂದಲೂ ಹೇಳಿಕೊಳ್ಳುವಂತ ಪ್ರದರ್ಶನ ದೊರೆಯಲಿಲ್ಲ.

ಸುಲಭ ಗುರಿಯನ್ನು ಬೆನ್ನತ್ತಿದ್ದ ಬೆಂಗಳೂರು ತಂಡ 18 ಓವರ್​​ಗಳಲ್ಲಿ ಗುರಿಯನ್ನು ತಲುಪಲು ಯಶಸ್ವಿಯಾಯಿತು. ವಿರಾಟ್​ ಕೊಹ್ಲಿ 42 ಎಸೆತಗಳಲ್ಲಿ ಅಜೇಯ 75 ರನ್​ ಗಳಿಸಿದರೆ, ವೆಂಕಟೇಶ್​ ಅಯ್ಯರ್​ 16 ಎಸೆತಗಳಲ್ಲಿ 32 ರನ್​ ಗಳಿಸಿ ತಂಡದ ಗೆಲುವಿಗೆ ಕಾರಣರಾದರು, (ಏಜನ್ಸೀಸ್​).