ಕಾವ್ಯಾ vs ಅನನ್ಯಾ ಇಬ್ಬರಲ್ಲಿ ಯಾರು ತುಂಬಾನೇ ರಿಚ್​? ಎಷ್ಟು ಆಸ್ತಿ ಇದೆ? ಇಲ್ಲಿದೆ ನೋಡಿ ಅಚ್ಚರಿ ಉತ್ತರ... Ananya Birla vs Kavya Maran

Ananya Birla vs Kavya Maran : ನಿನ್ನೆ (ಮಾರ್ಚ್​ 28) ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ( RCB ) ಹಾಗೂ ಸನ್​ ರೈಸರ್ಸ್​ ಹೈದರಾಬಾದ್ ( SRH )​ ನಡುವೆ 19ನೇ ಆವೃತ್ತಿಯ ಉದ್ಘಾಟನಾ ಪಂದ್ಯ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದಿದ್ದು ಗೊತ್ತೇ ಇದೆ. ಈ ಪಂದ್ಯದಲ್ಲಿ ಆರ್​ಸಿಬಿ ತಂಡ ಭರ್ಜರಿ ಜಯದೊಂದಿಗೆ ಶುಭಾರಂಭ ಕಂಡಿತು. ಇನ್ನು ಈ ಪಂದ್ಯದ ಫಲಿತಾಂಶಕ್ಕಿಂತ ಉಭಯ ತಂಡಗಳ ಮಹಿಳಾ ಐಕಾನ್​ ಬಗ್ಗೆಯೇ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಚರ್ಚೆಯಾಗುತ್ತಿದೆ.

ಹೌದು, ಎಸ್​ಆರ್​ಎಚ್​ ತಂಡದ ಒಡತಿ ಕಾವ್ಯಾ ಮಾರನ್ ಬಗ್ಗೆ ವಿಶೇಷವಾಗಿ ಹೇಳಬೇಕಿಲ್ಲ. ತಮ್ಮ ತಂಡದ ಪ್ರತಿ ಪಂದ್ಯದಲ್ಲೂ ಕಾವ್ಯಾ ಕ್ರೀಡಾಂಗಣದಲ್ಲಿ ಕಾಣಿಸಿಕೊಳ್ಳುತ್ತಾರೆ ಮತ್ತು ತಮ್ಮ ಹಾವಾಭಾವಗಳಿಂದಲೇ ಆಗಾಗ ವೈರಲ್​ ಆಗುತ್ತಿರುತ್ತಾರೆ. ಇದೀಗ ಕಾವ್ಯಾ ಜತೆ ಮತ್ತೊಂದು ಹೆಸರು ಹೆಚ್ಚು ಚರ್ಚೆಯಾಗುತ್ತಿದೆ. ಅದುವೇ ಅನನ್ಯಾ ಬಿರ್ಲಾ. ಮುಂದೆ ಆರ್​ಸಿಬಿ ಮಹಿಳಾ ಐಕಾನ್​ ಆಗುವ ಎಲ್ಲ ಲಕ್ಷಣಗಳು ಗೋಚರಿಸುತ್ತಿವೆ.

ಅಂದಹಾಗೆ, ಅನನ್ಯಾ ಬಿರ್ಲಾ ಅವರು ಬಿರ್ಲಾ ಗ್ರೂಪ್ ಅಧ್ಯಕ್ಷ ಕುಮಾರ್ ಮಂಗಲಂ ಬಿರ್ಲಾ ಅವರ ಹಿರಿಯ ಮಗಳು. ಐಪಿಎಲ್ 19ನೇ ಸೀಸನ್ ಪ್ರಾರಂಭವಾಗುವ ಮೊದಲು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಲೀಕತ್ವವು ಬದಲಾಯಿತು. ಐಪಿಎಲ್‌ನ ಉದ್ಘಾಟನಾ ಋತುವಿನಿಂದ ತಂಡವನ್ನು ನಡೆಸುತ್ತಿರುವ ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ (ಯುಎಸ್‌ಎಸ್), ಇತ್ತೀಚೆಗೆ ಆರ್‌ಸಿಬಿಯನ್ನು 16,706 ಕೋಟಿ ರೂ.ಗೆ ಮಾರಾಟ ಮಾಡಿತು.​ ಆದಿತ್ಯ ಬಿರ್ಲಾ ಗ್ರೂಪ್, ಟೈಮ್ಸ್ ಆಫ್ ಇಂಡಿಯಾ, ಬೋಲ್ಟ್ ವೆಂಚರ್ಸ್ ಮತ್ತು ಇನ್ವೆಸ್ಟ್​ಮೆಂಟ್​ ಗ್ರೂಪ್ ಒಕ್ಕೂಟವು ಆರ್‌ಸಿಬಿಯನ್ನು ಸ್ವಾಧೀನಪಡಿಸಿಕೊಂಡಿವೆ. ಬಿರ್ಲಾ ಅವರ ಮಗ, 28 ವರ್ಷದ ಆರ್ಯಮಾನ್ ಬಿರ್ಲಾ, ಆರ್‌ಸಿಬಿಯ ಹೊಸ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಈ ಹಿನ್ನೆಲೆಯಲ್ಲಿ, ಅನನ್ಯಾ ಬಿರ್ಲಾ ಮತ್ತು ಆರ್ಯಮಾನ್ ಬಿರ್ಲಾ ಶನಿವಾರ (ಮಾರ್ಚ್​ 28) ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಆರ್‌ಸಿಬಿ-ಎಸ್‌ಆರ್‌ಎಚ್​ ನಡುವಿನ ಉದ್ಘಾಟನಾ ಪಂದ್ಯವನ್ನು ವೀಕ್ಷಿಸಿದರು. ಇದಕ್ಕೆ ಸಂಬಂಧಿಸಿದ ಫೋಟೋ ಮತ್ತು ವಿಡಿಯೋ ವೈರಲ್​ ಆಗುತ್ತಿವೆ. ಇದೀಗ ಕ್ರೀಡಾಭಿಮಾನಿಗಳ ಕಣ್ಣು ಅನನ್ಯಾ ಮೇಲೆ ಬಿದ್ದಿದ್ದು, ಕಾವ್ಯಾ ಮಾರನ್​ ಸೈಡ್​ಲೈನ್​ ಆಗುತ್ತಿದ್ದಾರೆ ಎಂಬ ಅಭಿಪ್ರಾಯಗಳಿವೆ.

ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಕಾವ್ಯಾ ಮಾರನ್​ ಮತ್ತು ಅನನ್ಯಾ ಬಿರ್ಲಾ ಅವರ ಆಸ್ತಿಯ ಬಗ್ಗೆ ಭಾರಿ ಚರ್ಚೆಯಾಗುತ್ತಿದೆ. ಇವರಿಬ್ಬರ ಬಳಿ ಎಷ್ಟು ಆಸ್ತಿ ಇದೆ? ಇಬ್ಬರಲ್ಲಿ ಯಾರು ತುಂಬಾನೇ ಶ್ರೀಮಂತರು? ಇಬ್ಬರ ಲೈಫ್​ಸ್ಟೈಲ್​ ಹೇಗಿದೆ ಎಂಬ ಪ್ರಶ್ನೆಗಳು ಕೇಳಿಬರುತ್ತಿವೆ. ಆ ಪ್ರಶ್ನೆಗಳಿಗೆ ನಾವಿಂದು ಉತ್ತರವನ್ನು ಹೊತ್ತು ತಂದಿದ್ದೇವೆ.

ಹಣಕಾಸು ಅಥವಾ ಆಸ್ತಿ ವಿಚಾರಕ್ಕೆ ಬಂದರೆ, ಅನನ್ಯಾ ಬಿರ್ಲಾ ಅವರು ಕಾವ್ಯಾ ಮಾರನ್​ಗಿಂತ ಮುಂದಿದ್ದಾರೆ. ಮೂಲಗಳ ಪ್ರಕಾರ, ಅನನ್ಯಾ ಅವರ ಆಸ್ತಿಯ ಮೌಲ್ಯ 1000 ದಿಂದ 1770 ಕೋಟಿ ರೂ.ವರೆಗೆ ಎಂದು ಅಂದಾಜಿಸಲಾಗಿದೆ. ಅದೇ ರೀತಿ, ಕಾವ್ಯಾ ಅವರ ಆಸ್ತಿ ಮೌಲ್ಯವು 400 ರಿಂದ 435 ಕೋಟಿ ರೂ.ವರೆಗೆ ಎಂದು ಅಂದಾಜು ಮಾಡಲಾಗಿದೆ. ಲಭ್ಯವಿರುವ ಅಂದಾಜಿನ ಆಧಾರದ ಮೇಲೆ, ಅನನ್ಯಾ ಅವರ ವೈಯಕ್ತಿಕ ಸಂಪತ್ತು ಕಾವ್ಯಾ ಅವರಿಗಿಂತ ಗಮನಾರ್ಹವಾಗಿ ಹೆಚ್ಚಿದೆ. ಆದಾಗ್ಯೂ, ಕಾವ್ಯಾ ಅವರು ಒಂದು ದೊಡ್ಡ ಮಾಧ್ಯಮ ಸಾಮ್ರಾಜ್ಯದ ಬೆಂಬಲದೊಂದಿಗೆ ಕಾರ್ಯನಿರ್ವಹಿಸುತ್ತಾರೆ. ಹೀಗಾಗಿ, ಅವರ ಆರ್ಥಿಕತೆಗೆ ಮತ್ತೊಂದು ಬಲ ಸೇರುತ್ತದೆ ಅನ್ನೋದು ಉದ್ಯಮ ತಜ್ಞರ ಅಭಿಪ್ರಾಯವಾಗಿದೆ.

ಅನನ್ಯಾ ಬಿರ್ಲಾ ಅವರು ಬಹಳ ಚಿಕ್ಕ ವಯಸ್ಸಿನಲ್ಲಿಯೇ ವ್ಯವಹಾರಗಳನ್ನು ನಿರ್ಮಿಸುವುದರ ಜೊತೆಗೆ ಐಷಾರಾಮಿ ಜೀವನಶೈಲಿ ನಡೆಸುವುದರಲ್ಲಿ ಹೆಸರುವಾಸಿಯಾಗಿದ್ದಾರೆ. ಅವರ ಹೆಸರಿನ ಜತೆ ಲಿಂಕ್​ ಆಗಿರುವ ಪ್ರಮುಖ ವ್ಯವಹಾರಗಳು ಈ ಕೆಳಕಂಡಂತಿವೆ.

* ಇಕೈ ಅಸೈ - ಐಷಾರಾಮಿ ಜೀವನಶೈಲಿ ಮತ್ತು ಇ-ಕಾಮರ್ಸ್ ಉದ್ಯಮ

* ಸೌಂದರ್ಯ ಮತ್ತು ಫಿನ್‌ಟೆಕ್ ಹೂಡಿಕೆಗಳು

* ಮಿಲಿಯನ್​ಗಟ್ಟಲೆ ಸ್ಟ್ರೀಮ್‌ಗಳೊಂದಿಗೆ ಜಾಗತಿಕ ಮ್ಯೂಸಿಕ್​ ಕೆರಿಯರ್​

ಅನನ್ಯಾ ಅವರು ಕುಮಾರ್ ಮಂಗಲಂ ಬಿರ್ಲಾ ನೇತೃತ್ವದ ಪ್ರಭಾವಿ ಆದಿತ್ಯ ಬಿರ್ಲಾ ವ್ಯಾಪಾರ ಕುಟುಂಬದಿಂದ ಬಂದವರು. ಬಿರ್ಲಾ ಸಮೂಹವು ಸಿಮೆಂಟ್, ಲೋಹಗಳು, ಟೆಲಿಕಾಂ ಮತ್ತು ಫ್ಯಾಷನ್‌ನಂತಹ ಕ್ಷೇತ್ರಗಳನ್ನು ವ್ಯಾಪಿಸಿದೆ.

ಜೀವನಶೈಲಿ ವಿಚಾರಕ್ಕೆ ಬಂದರೆ, ಅನನ್ಯಾ ಅವರು ಲಕ್ಸುರಿ ಜೀವನವನ್ನು ನಡೆಸುತ್ತಿದ್ದಾರೆ. ಮುಂಬೈನಲ್ಲಿ ದುಬಾರಿ ಮನೆಯಲ್ಲಿ ವಾಸವಿದ್ದಾರೆ. ಆಗಾಗ ವಿದೇಶ ಪ್ರವಾಸಗಳಿಗೆ ಹೋಗುತ್ತಿರುತ್ತಾರೆ. ತಮ್ಮ ಫ್ಯಾಶನ್​ನಿಂದಲೂ ಸುದ್ದಿಯಾಗುವ ಅನನ್ಯಾ, ಹಾಟ್​ ಫೋಟೋಗಳನ್ನು ಆಗಾಗ ಹರಿಬಿಡುತ್ತಿರುತ್ತಾರೆ.

ಅನನ್ಯಾ ಅವರ ಬಿಜಿನೆಸ್​ ಲಿಂಕ್​ಗಿಂತ ಕಾವ್ಯಾ ಮಾರನ್ ಬಿಜಿನೆಸ್​ ಲಿಂಕ್​ ಭಿನ್ನವಾಗಿದೆ. ಅವರ ಕುಟುಂಬವೂ ಮಾಧ್ಯಮ ಸಾಮ್ರಾಜ್ಯದೊಂದಿಗೆ ನಿಕಟ ಸಂಬಂಧ ಹೊಂದಿದೆ. ಕಾವ್ಯಾ ನಿರ್ವಹಿಸುತ್ತಿರುವ ಪ್ರಮುಖ ಪಾತ್ರಗಳು ಈ ಕೆಳಕಂಡಂತಿವೆ.

* ಸನ್‌ರೈಸರ್ಸ್ ಹೈದರಾಬಾದ್ (ಐಪಿಎಲ್) ನ ಸಿಇಒ

* ಸನ್ ಟಿವಿ ನೆಟ್‌ವರ್ಕ್‌ನಲ್ಲಿ ಕಾರ್ಯನಿರ್ವಾಹಕ ನಿರ್ದೇಶಕಿ

* ಸನ್‌ರೈಸರ್ಸ್ ಈಸ್ಟರ್ನ್ ಕೇಪ್ ಸೇರಿದಂತೆ ಜಾಗತಿಕ ಕ್ರಿಕೆಟ್ ಫ್ರಾಂಚೈಸಿಗಳೊಂದಿಗೆ ಸಂಬಂಧ ಹೊಂದಿದ್ದಾರೆ.

ಅಂದಹಾಗೆ, ಕಾವ್ಯಾ ಮಾರನ್ ಅವರು ಮಾಧ್ಯಮ ದೊರೆ ಕಲಾನಿಧಿ ಮಾರನ್ ಅವರ ಪುತ್ರಿ. ಅವರ ಜಾಲವು ಟಿವಿ, ರೇಡಿಯೋ, ಚಲನಚಿತ್ರ ನಿರ್ಮಾಣ ಮತ್ತು ಡಿಜಿಟಲ್ ವೇದಿಕೆಗಳ ಮೂಲಕ ದಕ್ಷಿಣ ಭಾರತದಲ್ಲಿ ಅತಿದೊಡ್ಡ ಮಾಧ್ಯಮ ಸಾಮ್ರಾಜ್ಯವೇ ಇದೆ. ಕಾವ್ಯಾ ಮಾರನ್​ ಅವರಿಗೆ ಕ್ರಿಕೆಟ್​ ಅಂದರೆ ತುಂಬಾ ಇಷ್ಟ. ಅವರ ಜೀವನಶೈಲಿಗೂ ಕ್ರಿಕೆಟ್​ಗೂ ಸಂಬಂಧವಿದೆ. ಐಪಿಎಲ್ ಹರಾಜುಗಳಲ್ಲಿ ಭಾಗಿಯಾಗುವುದು, ತಂಡದ ಈವೆಂಟ್‌ಗಳು ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಭಾಗವಹಿಸುತ್ತಾರೆ. ತಮ್ಮ ಫ್ರಾಂಚೈಸಿಯ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಇದೇ ಕಾವ್ಯಾ ಅವರು.

ಐಪಿಎಲ್ ಕ್ಷೇತ್ರದಲ್ಲಿ ಈ ಇಬ್ಬರೂ ಮಹಿಳೆಯರನ್ನು ಹೋಲಿಕೆ ಮಾಡಿ ಮಾತನಾಡುವುದಾದರೆ, ಇಬ್ಬರು ವಿಭಿನ್ನ ಪಾತ್ರಗಳನ್ನು ನಿರ್ವಹಿಸುತ್ತಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಮಾಲೀಕತ್ವದ ಗುಂಪಿನೊಂದಿಗಿನ ತಮ್ಮ ಒಡನಾಟದ ಬಳಿಕ ಅನನ್ಯಾ ಬಿರ್ಲಾ ಇತ್ತೀಚೆಗೆ ಹೆಚ್ಚು ಪ್ರಾಮುಖ್ಯತೆ ಗಳಿಸಿದ್ದಾರೆ. ಆರ್​ಸಿಬಿ ಫ್ರಾಂಚೈಸಿಗೆ ಸಂಬಂಧಿಸಿದ ಹೊಸ ಐಕಾನ್​ ಆಗಿ ಗುರುತಿಸಿಕೊಂಡಿದ್ದಾರೆ. ಇದೇ ವೇಳೆ ಕಾವ್ಯಾ ಮಾರನ್ ಅವರು ಬಹಳ ಹಿಂದಿನಿಂದಲೂ ಸನ್‌ರೈಸರ್ಸ್ ಹೈದರಾಬಾದ್‌ನ ಅತ್ಯಂತ ಪ್ರಭಾವಿ ವ್ಯಕ್ತಿಯಾಗಿ ಗುರುತಿಸಿಕೊಂಡಿದ್ದಾರೆ. ನಿಯಮಿತವಾಗಿ ಹರಾಜಿನಲ್ಲಿ ಕಾಣಿಸಿಕೊಳ್ಳುತ್ತಾರೆ ಮತ್ತು ಕ್ರಿಕೆಟ್ ಸಂಬಂಧಿತ ನಿರ್ಧಾರಗಳಲ್ಲಿ ಸಕ್ರಿಯ ಪಾತ್ರ ವಹಿಸುತ್ತಾರೆ. ಹೀಗಾಗಿ, ಆಸ್ತಿ ವಿಚಾರದಲ್ಲಿ ಬಂದರೆ, ಕಾವ್ಯಾ ಅವರಿಗಿಂತ ಅನನ್ಯಾ ಮೇಲಿದ್ದಾರೆ, (ಏಜೆನ್ಸೀಸ್​).