ಜಿರಳೆಗಳು ತಮ್ಮ ರಂಧ್ರಗಳಿಂದ ಹೊರಬಂದಿವೆ: RoKo ವಿರುದ್ಧ ಮಾತನಾಡಿದವರಿಗೆ ಟಕ್ಕರ್​ ಕೊಟ್ಟ ಮಾಜಿ ದಕ್ಷಿಣ ಅಫ್ರಿಕಾ ನಾಯಕ

ಕೇಪ್​ಟೌನ್:​ ಭಾರತದ ಸ್ಟಾರ್​ ಆಟಗಾರರಾದ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ(RoKo) ತಮ್ಮ ವೃತ್ತಿಜೀವನದ ಅಂತ್ಯವನ್ನು ತಲುಪುತ್ತಿದ್ದಾರೆ ಎಂಬ ಕಾರಣಕ್ಕಾಗಿ ಜನರು ಅವರನ್ನು ಕೀಳಾಗಿ ಕಾಣಲು ಪ್ರಯತ್ನಿಸುತ್ತಿದ್ದಾರೆ ಎಂದು ದಕ್ಷಿಣ ಅಫ್ರಿಕಾದ ಮಾಜಿ ನಾಯಕ ಎಬಿ ಡೇವಿಲಿಯರ್ಸ್​ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಮಾತನಾಡಿದ ಡಿವಿಲಿಯರ್ಸ್, ತಮ್ಮ ದೇಶ ಮತ್ತು ಕ್ರಿಕೆಟ್‌ಗೆ ತಮ್ಮ ಜೀವನವನ್ನು ಮುಡಿಪಾಗಿಟ್ಟ ಆಟಗಾರರ ಮೇಲೆ ಜನರು ನಕಾರಾತ್ಮಕ ಶಕ್ತಿಯನ್ನು ಏಕೆ ಪ್ರೇರೇಪಿಸಲು ಬಯಸುತ್ತಾರೆಂದು ಅರ್ಥವಾಗುತ್ತಿಲ್ಲ. ಅಲ್ಲದೆ, ಜನರಿಗೆ ಏನಾಗುತ್ತದೆ ಎಂದು ನನಗೆ ತಿಳಿದಿಲ್ಲ. ನಾನು ಅವರನ್ನು ಜನರು ಎಂದು ಕರೆಯಬೇಕೇ ಎಂದು ನನಗೆ ಗೊತ್ತಾಗುತ್ತಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ಆಸಿಸ್​ ನೆಲದಲ್ಲಿ ಅಬ್ಬರಿಸಿದ ರೋಕೊ ಜೋಡಿ ಮತ್ತೆ ಮೈದಾನಕ್ಕೆ ಇಳಿಯವುದು ಯಾವಾಗ? ಇಲ್ಲಿದೆ ಮುಂದಿನ ಪಂದ್ಯಗಳ ಪಟ್ಟಿ… Rohit Sharma and Virat Kohli

ಮುಂದುವರೆದು ಮಾತನಾಡಿದ ಎಬಿ,ರೋಕೊ ತಮ್ಮ ವೃತ್ತಿಜೀವನದ ಅಂತ್ಯವನ್ನು ತಲುಪಿದ ತಕ್ಷಣ, ಕೆಲವು ಜಿರಳೆಗಳು ತಮ್ಮ ರಂಧ್ರಗಳಿಂದ ಹೊರಬರುತ್ತವೆ. ಏಕೆ? ತಮ್ಮ ದೇಶ ಮತ್ತು ಈ ಸುಂದರ ಆಟಕ್ಕೆ ತಮ್ಮ ಪ್ರಾಣವನ್ನು ನೀಡಿದ ಆಟಗಾರರ ಕಡೆಗೆ ನೀವು ನಕಾರಾತ್ಮಕ ಶಕ್ತಿಯನ್ನು ಏಕೆ ಹರಡಲು ಬಯಸುತ್ತೀರಿ? ಉಭಯ ಆಟಗಾರರನ್ನು ಗೌರವಿಸುವ ಸಮಯ ಎಂದು ಹೇಳಿದ್ದಾರೆ.

ಕಳೆದ ಕೆಲವು ತಿಂಗಳುಗಳಿಂದ ರೋಹಿತ್ ಮತ್ತು ಕೊಹ್ಲಿ ಸಾಕಷ್ಟು ಟೀಕೆಗಳನ್ನು ಎದುರಿಸುತ್ತಿದ್ದಾರೆ. ಕೆಲವರು ಅವರನ್ನು ಕಡಿಮೆ ಮಾಡಲು ಪ್ರಯತ್ನಿಸುತ್ತಿದ್ದರೂ, ಹೆಚ್ಚಿನ ಅಭಿಮಾನಿಗಳು ಇನ್ನೂ ಅವರ ಶ್ರೇಷ್ಠ ವೃತ್ತಿಜೀವನವನ್ನು ಆಚರಿಸುತ್ತಿದ್ದಾರೆ ಎಂದು ಡಿವಿಲಿಯರ್ಸ್ ಭರವಸೆ ವ್ಯಕ್ತಪಡಿಸಿದ್ದಾರೆ.

ಇಬ್ಬರೂ ಕಳೆದ ಕೆಲವು ತಿಂಗಳುಗಳಿಂದ ಸಾಕಷ್ಟು ಟೀಕೆಗಳನ್ನು ಎದುರಿಸಿದ್ದಾರೆ. ಎಲ್ಲರೂ ಅವರನ್ನು ಕೆಡವಲು ಪ್ರಯತ್ನಿಸುತ್ತಿದ್ದಾರೆ, ಮತ್ತು ನನಗೆ ಏಕೆ ಎಂದು ಅರ್ಥವಾಗುತ್ತಿಲ್ಲ.ಅದರೆ, ನಾನು ಅಲ್ಪಸಂಖ್ಯಾತರ ಪರವಾಗಿ ಮಾತನಾಡುತ್ತೇನೆ. ಏಕೆಂದರೆ ನನ್ನ ಅಭಿಪ್ರಾಯದಲ್ಲಿ ಹೆಚ್ಚಿನ ಜನರು ರೋಹಿತ್ ಮತ್ತು ವಿರಾಟ್ ಅದ್ಭುತ ವೃತ್ತಿಜೀವನವನ್ನು ಗೌರವಿಸುತ್ತಾರೆ. (ಏಜೆನ್ಸೀಸ್)

https://www.vijayavani.net/shreyas-iyer-is-the-situation-serious-parents-who-traveled-to-sydney