ಭಾರತದ ಕ್ರೀಡಾಭಿಮಾನಿಗಳ ನೆಚ್ಚಿನ ಆಟಗಾರನಾಗಿರುವ ಗೇಲ್ ಐಪಿಎಲ್ನಲ್ಲಿ ಸ್ಫೋಟಕ ಬ್ಯಾಟಿಂಗ್ ಮೂಲಕ ಗಮನಸೆಳೆಯುತ್ತಿದ್ದಾರೆ. ಆರಂಭದಲ್ಲಿ ಕೆಕೆಆರ್ ತಂಡ ಸೇರ್ಪಡೆಗೊಂಡ ಗೇಲ್, ಬಳಿಕ ಆರ್ಸಿಬಿ ಸೇರಿದ್ದರು. ಆರ್ಸಿಬಿ ತಂಡದಲ್ಲಿದ್ದ ವೇಳೆ ರನ್ಹೊಳೆಯನ್ನೇ ಹರಿಸಿದ್ದರು. 2018ರಿಂದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಪರ ಆಡುತ್ತಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ 7215, ಏಕದಿನ ಕ್ರಿಕೆಟ್ನಲ್ಲಿ 10480 ಹಾಗೂ ಟಿ20ಯಲ್ಲಿ 1627 ರನ್ ಬಾರಿಸಿದ್ದಾರೆ. ಜತೆಗೆ 2 ಬಾರಿ ಟಿ20 ವಿಶ್ವಕಪ್ ಜಯಿಸಿದ ವಿಂಡೀಸ್ ತಂಡದ ಸದಸ್ಯರಾಗಿದ್ದಾರೆ. 2013ರಲ್ಲಿ ಬೆಂಗಳೂರಿನಲ್ಲಿ ನಡೆದ ಪಂದ್ಯದಲ್ಲಿ ಪುಣೆ ವಾರಿಯರ್ಸ್ ಎದುರು ಕೇವಲ 30 ಎಸೆತಗಳಲ್ಲಿ ಗೇಲ್ 100 ರನ್ ಸಿಡಿಸಿದ್ದರು. ಆ ಪಂದ್ಯದಲ್ಲಿ 66 ಎಸೆತಗಳಲ್ಲಿ 175 ಗಳಿಸಿದ್ದರು. ಇದು ಐಪಿಎಲ್ನಲ್ಲಿ ಬ್ಯಾಟ್ಸ್ಮನ್ವೊಬ್ಬ ಪೇರಿಸಿದ ವೈಯಕ್ತಿಕ ಅಧಿಕಮೊತ್ತ ಇದಾಗಿದೆ.
