ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ 65ನೇ ಶತಕ ಸಿಡಿಸಿದ ಚೇತೇಶ್ವರ ಪೂಜಾರ

ಲಂಡನ್​: ಭಾರತದ ಅನುಭವಿ ಬ್ಯಾಟರ್​ ಚೇತೇಶ್ವರ ಪೂಜಾರ (129 ರನ್​, 302 ಎಸೆತ, 15 ಬೌಂಡರಿ) ಕೌಂಟಿ ಕ್ರಿಕೆಟ್​ ಚಾಂಪಿಯನ್​ಷಿಪ್​ನ ಎರಡನೇ ಡಿವಿಷನ್​ನಲ್ಲಿ ಮಿಡಲ್​ಸೆಕ್ಸ್​ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಸಸೆಕ್ಸ್​ ಪರ ತಾಳ್ಮೆಯ ಶತಕ ಸಿಡಿಸಿದ್ದಾರೆ. ಇದು ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಅವರ 65ನೇ ಶತಕವೆನಿಸಿದೆ.

ಲಾರ್ಡ್ಸ್​ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲ ದಿನ 91 ರನ್​ ಗಳಿಸಿ ಅಜೇಯರಾಗಿದ್ದ ಪೂಜಾರ, 2ನೇ ದಿನವಾದ ಶನಿವಾರ ಶತಕ ಪೂರೈಸಿದರು. ಅವರಿಗೆ ನಾಯಕ ಜಾನ್​ ಸಿಂಪ್ಸನ್​ (167) ಉತ್ತಮ ಸಾಥ್​ ನೀಡಿದರು. ಈ ಮೂಲಕ ಸಸೆಕ್ಸ್​ ತಂಡ 7 ವಿಕೆಟ್​ಗೆ 500 ಪ್ಲಸ್​ ಮೊತ್ತ ಪೇರಿಸಿ ಆಟ ಮುಂದುವರಿಸಿದೆ.

ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಭಾರತ ಪರ ಗರಿಷ್ಠ ಶತಕ ಸಿಡಿಸಿದವರ ಪಟ್ಟಿಯಲ್ಲಿ ಪೂಜಾರ ಸದ್ಯ 3ನೇ ಸ್ಥಾನದಲ್ಲಿದ್ದಾರೆ. ಸಚಿನ್​ ತೆಂಡುಲ್ಕರ್​&ಸುನೀಲ್​ ಗಾವಸ್ಕರ್​ (81) ಜಂಟಿ ಅಗ್ರಸ್ಥಾನದಲ್ಲಿದ್ದರೆ, ರಾಹುಲ್​ ದ್ರಾವಿಡ್​ (68) 2ನೇ ಸ್ಥಾನದಲ್ಲಿದ್ದಾರೆ. 35 ವರ್ಷದ ಪೂಜಾರ 2023ರ ಜೂನ್​ನಲ್ಲಿ ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್ ಫೈನಲ್​ನಲ್ಲಿ ಭಾರತ ಪರ ಕೊನೆಯದಾಗಿ ಆಡಿದ್ದಾರೆ.

https://www.vijayavani.net/india-won-a-record-gold-in-the-asian-relay-championship