ಸುನೀಲ್​ ಗಾವಸ್ಕರ್​ ಟೆಸ್ಟ್​ ಜೀವನಕ್ಕೆ 50ರ ಸಂಭ್ರಮ, ಎಂಸಿಎಯಿಂದ ವಿಶೇಷ ಕಾರ್ಯಕ್ರಮ...!

ಮುಂಬೈ: ದಿಗ್ಗಜ ಸುನೀಲ್​ ಗಾವಸ್ಕರ್​ ಭಾರತೀಯ ಕ್ರಿಕೆಟ್​ ಇತಿಹಾಸದಲ್ಲಿ ಕಂಡ ಶ್ರೇಷ್ಠ ಬ್ಯಾಟ್ಸ್​ಮನ್​ಗಳಲ್ಲಿ ಒಬ್ಬರು. 70, 80ರ ದಶಕದಲ್ಲಿ ಭಾರತ ತಂಡಕ್ಕೆ ಬೆನ್ನೆಲುಬಾಗಿದ್ದವರು ಗಾವಸ್ಕರ್​. ಮುಂದಿನ ವರ್ಷದ ಮಾರ್ಚ್​ ತಿಂಗಳಿಗೆ ಗಾವಸ್ಕರ್​ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿ 50 ವರ್ಷ ಪೂರೈಸುತ್ತಿದೆ. 1971ರಲ್ಲಿ ಪೋರ್ಟ್​ ಅಫ್ ಸ್ಪೇನ್​ನಲ್ಲಿ ವೆಸ್ಟ್​ ಇಂಡೀಸ್​ ವಿರುದ್ಧ ಮೊದಲ ಪಂದ್ಯವಾಡಿದ್ದರು. ದಿಗ್ಗಜ ಆಟಗಾರನ ಟೆಸ್ಟ್​ ಜೀವನದ ಸುವರ್ಣ ಮಹೋತ್ಸವದ ಸಂಭ್ರಮಕ್ಕೆ ಮುಂಬೈ ಕ್ರಿಕೆಟ್​ ಸಂಸ್ಥೆ (ಎಂಸಿಎ) ಸನ್ನದ್ಧವಾಗಿದೆ.

ಇದನ್ನೂ ಓದಿ: VIDEO: 11 ವರ್ಷಗಳ ಬಳಿಕ ಟೆಸ್ಟ್​ ಆಡಿದರೂ ರನ್​ಗಳಿಸದ ಫವಾದ್​, ಸಿಕ್ಕಾಪಟ್ಟೆ ಟ್ರೋಲ್​ ಆದ ಪಾಕ್​ ಆಟಗಾರ

71 ವರ್ಷದ ಸುನೀಲ್​ ಗಾವಸ್ಕರ್​ ಟೆಸ್ಟ್​ ಕ್ರಿಕೆಟ್​ನಲ್ಲಿ 10 ಸಾವಿರ ರನ್​ ಪೂರೈಸಿದ ವಿಶ್ವದ ಮೊದಲ ಬ್ಯಾಟ್ಸ್​ಮನ್​. 125 ಟೆಸ್ಟ್​ ಪಂದ್ಯಗಳಿಂದ 34 ಶತಕ ಸೇರಿದಂತೆ 10122 ರನ್​ ಬಾರಿಸಿದ್ದಾರೆ. 108 ಏಕದಿನ ಪಂದ್ಯಗಳಿಂದ ಏಕೈಕ ಶತಕದೊಂದಿಗೆ 3092 ರನ್​ ಕಲೆಹಾಕಿದ್ದಾರೆ. 2021ರ ಮಾರ್ಚ್​ 6ನೇ ತಾರೀಕಿಗೆ ಗಾವಸ್ಕರ್​ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿ 50 ವರ್ಷವಾಗುತ್ತದೆ. ಈ ಸಂದರ್ಭವನ್ನು ವಿಶೇಷವಾಗಿ ಆಚರಿಸಲಾಗುವುದು. ಈ ಕುರಿತು ಆಗಸ್ಟ್​ 18 ರಂದು ನಡೆಯಲಿರುವ ವಾರ್ಷಿಕ ಮಹಾ ಸಭೆಯಲ್ಲಿ ಈ ಕುರಿತು ರೂಪುರೇಷೆ ಸಿದ್ಧಪಡಿಸಲಾಗುವುದು ಎಂದು ಎಂಸಿಎ ಸದಸ್ಯರೊಬ್ಬರು ತಿಳಿಸಿದ್ದಾರೆ.

ಇದನ್ನೂ ಓದಿ: ಸಚಿನ್ ತೆಂಡುಲ್ಕರ್ ಮೊದಲ ಶತಕಕ್ಕೆ 30 ವರ್ಷದ ಸಂಭ್ರಮ

ಮುಂಬೈನಲ್ಲಿರುವ ವಾಂಖೆಡೆ ಸ್ಟೇಡಿಯಂನಲ್ಲಿ ಕ್ರಿಕೆಟ್​ ಮ್ಯೂಸಿಯಂ ನಿಮಿರ್ಸಲು ಯೋಜನೆ ರೂಪಿಸುತ್ತಿರುವುದಾಗಿ ಎಂಸಿಎ ಅಪೆಕ್ಸ್​ ಕೌನ್ಸಿಲ್​ ಕೌನ್ಸಿಲ್​ ಸದಸ್ಯರೊಬ್ಬರು ತಿಳಿಸಿದ್ದಾರೆ.

https://www.vijayavani.net/karun-nair-had-no-covid-19-suffering-from-mild-fever-say-ceo-of-kings-eleven-punjab/