ಸೌಥಾಂಪ್ಟನ್: ಪಾಕಿಸ್ತಾನದ ಫವಾದ್ ಅಲಂ, ರಾಷ್ಟ್ರೀಯ ಟೆಸ್ಟ್ ತಂಡಕ್ಕೆ ವಾಪಸಾಗಲು ಬರೋಬ್ಬರಿ 11 ವರ್ಷ ಕಾದಿದ್ದರು. 2009ರ ಬಳಿಕ ಮೊದಲ ಬಾರಿಗೆ ಪಾಕಿಸ್ತಾನ ತಂಡದ ಹನ್ನೊಂದರ ಬಳಗದಲ್ಲಿ ಸ್ಥಾನಗಿಟ್ಟಿಸಿಕೊಂಡಿದ್ದ ಫವಾದ್, ಶೂನ್ಯ ಸುತ್ತುವ ಮೂಲಕ ಆಯ್ಕೆಗಾರರ ನಿರೀಕ್ಷೆ ಹುಸಿಗೊಳಿಸಿದರು. ರೋಸ್ ಬೌಲ್ ಸ್ಟೇಡಿಯಂನಲ್ಲಿ ಗುರುವಾರ ಆರಂಭಗೊಂಡ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ ಆರಂಭಿಕ ಕುಸಿತ ಅನುಭವಿಸಿತು.ಮಧ್ಯಮ ಕ್ರಮಾಂಕದಲ್ಲಿ ಫವಾದ್ ಮೇಲೆ ಭರವಸೆ ಇಟ್ಟಿದ್ದರೂ ವೈಫಲ್ಯ ಅನುಭವಿಸಿದರು. ಇದರ ಬೆನ್ನಲ್ಲೆ ನೆಟ್ಟಿಗರು ಪಾಕ್ ಆಟಗಾರನನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಮಾಡಿದ್ದಾರೆ.
